ထားဝယ်ရေနက် ဆိပ်ကမ်း ဆောက်လုပ်ရေး စတင်ပြီ
မိုးမခ အထောက်တော်၊ ရန်ကုန်
မတ် ၇၊ ၂၀၁၀
ထားဝယ်မြို့
အထက်ဘက်နားရှိ တနင်္သာရီ ကမ်းရိုးတန်းတွင် ရေနက်ဆိပ်ကမ်း တခု
တည်ဆောက်ပြီး ကုန်စည်များကို ထိုင်းနိုင်ငံ ကန်ချနဘူရီမြို့သို့
သယ်ယူနိုင်မည့် လမ်းနှင့် ဆိပ်ကမ်း ဆောက်လုပ်ရေး လုပ်ငန်းများ
မကြာမီသီတင်းပတ်က စတင်လျက်ရှိသည်ဟု အဆိုပါ ဆောက်လုပ်သည့်နေရာသို့
ရောက်ရှိခဲ့သူတဦးက မိုးမခသို့ပြောကြားသည်။
ဆောက်လုပ်ရေး လုပ်ငန်းခွင်ကို ကိုယ်တိုင်မြင်တွေ့ ခဲ့သူအဆိုပါ
ပုဂ္ဂိုလ်က
“မောင်းမကန် ကမ်းခြေ အထက်ဘက် နဘူးလည် ကျေးရွာအုပ်စုမှာ ၇မိုင်ပတ်လည်
ကျေးရွာတွေ ရွှေ့ပြောင်းခိုင်းနေပြီ၊ ထိုင်းဘက်က ဆောက်လုပ်ရေး
ယန္တရားတွေလည်း ရောက်နေပြီ၊ ထိုင်းဘက်က ၀န်ထမ်းတွေလည်းပါလာတယ်။ နောက်
ထားဝယ်မြို့နဲ့ အနီးက ရွာသားတွေပါ လုပ်သားအဖြစ် ခေါ်တယ်လို့ ပြောတယ်။
အလုပ်သမားတယောက်ကို တရက် ဘတ် ၁၀၀ (ကျပ်၂၉၀၀ ခန့်)
ပေးတယ်လို့ပြောတယ်။ အဲဒီကနေ ထိုင်းဘက်ဆီ ဖေါက်မယ့် လမ်း
ကြောင်းအမှတ် အသားတွေ၊ တံတားဆောက်မယ့် နေရာအမှတ်အသား
ဆိုင်းဘုတ်တွေတွေ့ခဲ့တယ်” ဟု မိုးမခသို့ပြောသည်။
ထိုသို့
ဆောက်လုပ်ရေး ဆိပ်ကမ်းဆောက်လုပ်ရေး၊ လမ်းဖောက်လုပ်ရာနှင့်
မလွတ်ကင်းသည့် ကျေးရွာများအား ပြောင်းရွှေ့ခိုင်းရာတွင်
ကုန်ကျစရိတ်နှင့် အသက်မွေးဝမ်းကျောင်းမှု နေရာဆုံးရှုံးသည့်
အတွက်လျော်ကြေးပေးခြင်း ရှိမရှိကိုမူ မသိရှိရသေးပေ။
ထားဝယ်
ရေနက်ဆိပ်ကမ်း ဖောက်လုပ်ရန် စီမံကိန်းကို ၂၀၀၅ခုနှစ်များကတည်းက စတင်
လေ့လာခဲ့ပြီး ၂၀၀၈ခုနှစ် မေလ မြန်မာနိုင်ငံနိုင်ငံခြားရေး ၀န်ကြီး
ဦးဥာဏ်ဝင်းနှင့် ထိုင်းနိုင်ငံခြားရေး ၀န်ကြီး Noppadon Pattama
တို့ နားလည်မှု စာချွန်လွှာကို လက်မှတ်ရေးထိုးခဲ့ကြခြင်း ဖြစ်သည်။
ထိုကာလမှာ
မြန်မာနိုင်ငံတွင် လူသိန်းနှင့် ချီသေဆုံးစေခဲ့သည့် ဆိုင်ကလုန်း
နာဂစ် တိုက်ခတ်ပြီး သီတင်း ပတ် အနည်းငယ်အကြာဖြစ်သည်။ ထားဝယ်ရေနက်
ဆိပ်ကမ်း ဆောက်လုပ်ပြီးစီးသွားပါက ထိုင်းနိုင်ငံသာမက တရုတ်၊
ဗီယက်နမ်နှင့် လောနိုင်ငံတို့ပါ ဥရောပနှင့် အရှေ့အလယ်ပိုင်းမှ
တင်ဆောင်လာသည့် ကုန်ပစ္စည်းများကို ထားဝယ်ရေနက်ဆိပ်ကမ်းမှ သက်ဆိုင်ရာ
နိုင်ငံအသီးသီးသို့ အချိန်တိုတို၊ ကုန်ကျစရိတ် သက်သာစွာ
သယ်ဆောင်နိုင်မည် ဖြစ်သည်။
ထားဝယ်
မြို့အနီး မှ ထိုင်းနိုင်ငံကန်ချနဘူရီ မြို့သို့ ကီလိုမီတာ ၁၃၉
ရှည်သည့် လမ်းဖောက်လုပ်ရန် တိုင်းတာချက်များအရ လျာထားပြီး ဘတ်ငွေ
၂ဘီလျံသုံးစွဲမည်ဟု ၂၀၀၈ ခုနှစ် မေလထုတ် သတင်းစာများတွင်
ဖေါ်ပြထားချက်အရ သိရသည်။ တရုတ်နိုင်ငံ အနေဖြင့် ကားလမ်းသာမက
နှစ်လမ်းသွား ရထားလမ်းပါ ဖောက်လုပ်ရန် စိတ်ဝင်စားလျက်
ရှိပြီးအရှေ့အလယ်ပိုင်းနှင့် ဥရောပမှ တင်ဆောင်လာသည့်
ကုန်ပစ္စည်းများအား ထားဝယ်ရေနက်ဆိပ်ကမ်းမှ တဆင့်တရုတ်ပြည်သို့
သယ်ဆောင်ဖို့ ရည်ရွယ်ခြင်းလည်း ဖြစ်သည်။
ထိုသို့
မြန်မာနိုင်ငံကို ဖြတ်သန်းသယ်ဆောင်ခြင်းဖြင့် မလက္ကာကျွန်းဆွယ်ကို
ပတ်ရမည့် အချိန် အနည်းဆုံး ၇ရက်ခန့် သက်သာမည် ဖြစ်ပြီး သယ်ပို့စရိတ်
၂၀% ခန့်သက်သာလိမ့်မည်ဟု ထိုင်းနိုင်ငံ၏ ပဏာမ တိုင်းတာမှု များအရ
သိရှိရသည်။ ယခုဖောက်လုပ်မည့် လမ်း၏ မြောက်ဘက် တွင်တိုတယ်ရေနံ
ကုမ္ပဏီမှ တနင်္သာရီ ကမ်းခြေနှင့် ထိုင်းနယ်စပ်သို့ ဆက်သွယ်ဖောက်လုပ်
ထားသည့် လုပ်ငန်းသုံးကားလမ်း တည်ရှိပြီး ထိုကားလမ်းဖြင့် တနင်္သာရီ
ကမ်းရိုးတန်းမှ နယ်စပ်သို့ ၄၅မိနစ်မျှသာ မောင်းရသည်ဟု
အဆိုပါလမ်းအတိုင်း သွားဖူးသူ နယ်ခံတဦးက ပြောသည်။
(ဓာတ်ပုံ
- ဂူးဂဲမြေပုံတွင် တွေ့ရသည့် မြန်မာ့ရေနက်ဆိပ်ကမ်းသစ်နေရာ)
www.moemaka.com မှ
ကူးယူဖော်ပြသည်။
................................................................................................................
အချိန်အကြာဆုံး နေကြတ်မှု မြန်မာပြည်သူတို့ မြင်ခဲ့ရ
15
January 2010
အပြည့်အ၀နီးပါး နေကြတ်တာကို ဒီကနေ့မှာပဲ မြန်မာနိုင်ငံ အပါအ၀င် အာရှနဲ့
အာဖရိကဒေသ အတော်များများက တွေ့မြင်ခဲ့ကြရပါတယ်။ နေရဲ့ ရှေ့တည့်တည့်မှာ လ
ကျရောက်ခဲ့တာမို့ နေရဲ့အနားလောက်ကိုသာ လရဲ့နောက်ခံနဲ့ တောက်ပနေတာကို
တွေ့မြင်ခဲ့ကြရတာပါ။
အာဖရိက အလယ်ပိုင်းဒေသက ဒီကနေ့ နေကြတ်တာကို အဦးဆုံး
စတင်မြင်တွေ့ခဲ့ကြရပြီး တခြား ယူဂန်ဒါ၊ ကင်ညာ၊ ဆိုမားလီးယား၊
မော်လဒိုက်၊ အိန္ဒိယ၊ သီရိလင်္ကာနဲ့ တရုတ်နိုင်ငံတွေ အပါအ၀င်
နိုင်ငံအတော်များများက တွေ့မြင်ခဲ့ကြရတာပါ။
မြန်မာနိုင်ငံမှာတော့ မွန်းလွဲ ၁ နာရီခွဲလောက်ကနေ ညနေ ၄ နာရီခွဲလောက်အထိ
တွေ့မြင်ခဲ့ကြရကြောင်း ဒေသခံတွေက ပြောကြပါတယ်။
ဒီကနေ့ နေကြတ်ခဲ့တဲ့ ဖြစ်စဉ်ကိုတော့ ရခိုင်ပြည်နယ်ဘက်က အစောဆုံး
တွေ့မြင်ရပြီး စစ်ကိုင်းတိုင်း၊ မန္တလေးတိုင်း စတဲ့ ဒေသတွေကလည်း
တွေ့မြင်ခဲ့ကြရသလို ရှမ်းပြည်နယ် မြောက်ပိုင်းဒေသဘက်က နောက်အကျဆုံး
တွေ့ခဲ့ရတာဖြစ်ပါတယ်။
ဒီ ၂၁ ရာစုနှစ်မှာ အချိန်အကြာဆုံး နေကြတ်မှု ဖြစ်စဉ်ကို စိတ်ဝင်တစား
စောင့်ဆိုင်း ကြည့်ရှုကြတဲ့ မြန်မာနိုင်ငံသားတွေသာမက ကမ္ဘာလှည့်
ခရီးသွားတွေလည်း ပါဝင်ခဲ့တာ ဖြစ်ပါတယ်။
မြန်မာနိုင်ငံ နက္ခတ္တဗေဒ ပညာရှင်များအဖွဲ့ရဲ့ ဒု-ဥက္ကဋ္ဌ ဦးဇေယျာကို ကတော့
ဒီနေကြတ်မှုနဲ့ ဆက်စပ် ဟောကိန်းထုတ်ရာမှာ မြန်မာနိုင်ငံနဲ့ ပတ်သက်လို့
ကြီးကြီးမားမား အကျိုးဆက် မရှိနိုင်ဘဲ ရွေးကောက်ပွဲတွေ ကျင်းပမယ့်
နှစ်အဖြစ် အပြောင်းအလဲတွေ ငြိမ်းငြိမ်းချမ်းချမ်း ဖြစ်မယ်လို့
ဗွီအိုအေကို ပြောပါတယ်။
ဗွီအိုအေမှ ကူးယူဖော်ပြသည်။
...............................................................................................
မြန်မာ့အရေးမှာ ထိတွေ့ဆက်ဆံရေးမူသည် အကောင်းဆုံး
15 January 2010
မြန်မာနိုင်ငံအရေးနဲ့ ပတ်သက်လို့ နိုင်ငံတကာက ပြောင်းလဲ ကျင့်သုံးခဲ့တဲ့
နည်းလမ်းဟာ တိုးတက်မှုတွေ ပေါ်ပေါက်လာအောင် တွန်းအားပေးနိုင်လိမ့်မယ်လို့
ယုံကြည်တဲ့အကြောင်း ထိုင်းဝန်ကြီးချုပ် အဘီဆစ် ၀ိတ်ချာချီဝ (Abhisit
Vejjajiva) က ပြောဆိုပါတယ်။ ထိုင်းနိုင်ငံ နိုင်ငံခြား သတင်းစာဆရာများ
အသင်းရဲ့ ညစာစားပွဲမှာ ထိုင်းဝန်ကြီးချုပ်ကို မနေ့က
တွေ့ဆုံမေးမြန်းခဲ့တဲ့ ဗွီအိုအေ ၀ိုင်းတော်သူ ဒေါ်ခင်မျိုးသက်က
အပြည့်အစုံ တင်ပြပေးထားပါတယ်။
မြန်မာနိုင်ငံနဲ့ ပတ်သက်ပြီး ထိတွေ့ဆက်ဆံရေးမူကို ကျင့်သုံးတာဟာ
အကောင်းဆုံးဖြစ်တယ်လို့ ယုံကြည်တဲ့အကြောင်း ထိုင်းဝန်ကြီးချုပ် အဘီဆစ်
ဝိတ်ချာချီဝက ပြောပါတယ်။ ဒါ့အပြင် မြန်မာနိုင်ငံအတွင်း ဖြစ်ပေါ်
တိုးတက်မှုတွေကို သူ့အနေနဲ့ ဆက်လက် စောင့်ကြည့်နေတယ်လို့လည်း ပြောပါတယ်။
ဇန်န၀ါရီလ ၁၄ ရက်နေ့မှာ ဘန်ကောက်မြို့ နိုင်ငံခြား သတင်းစာဆရာများ
အသင်းက ကျင်းပတဲ့ ညစာစားပွဲမှာ အခုလို မြန်မာနိုင်ငံအပေါ် ထားရှိတဲ့
မူဝါဒနဲ့ ပတ်သက်ပြီး ဗွီအိုအေ မြန်မာပိုင်းကို ပြောခဲ့တာ ဖြစ်ပါတယ်။
“မြန်မာနိုင်ငံနဲ့ ပတ်သက်ပြီး နိုင်ငံတကာ အသိုင်းအ၀န်းရဲ့
ချဉ်းကပ်မှုတွေဟာ ပြီးခဲ့တဲ့ နှစ်ပိုင်းအတွင်း သိသိသာသာ
ပြောင်းလဲလာခဲ့ပြီး ထိတွေ့ဆက်ဆံရေးမူကို ကျင့်သုံးဖို့ ပြောင်းလဲ
စဉ်းစားလာခဲ့တဲ့အကြောင်း၊ အရေးယူပိတ်ဆို့ ဒဏ်ခတ်မှုတွေဟာ
အလုပ်မဖြစ်တဲ့အတွက် သူ့အနေနဲ့တော့ ထိတွေ့ ဆက်ဆံရေးမူကသာ တိုးတက်မှုတွေ
ရှိမယ်လို့ ယုံကြည်ကြောင်း။” ထိုင်းဝန်ကြီးချုပ်က ပြောဆိုသွားပါတယ်။
မကြာသေးခင် ရက်ပိုင်းအတွင်း မြန်မာစစ်အစိုးရက ရုရှားနိုင်ငံကနေ MIG-29
တိုက်လေယာဉ်တွေ ၀ယ်ယူခဲ့တယ်ဆိုတဲ့ သတင်းတွေ ထွက်ခဲ့ပြီး မြန်မာစစ်အစိုးရ
အနေနဲ့ နျူကလီးယားလက်နက် ပိုင်ဆိုင်ဖို့ ရည်မှန်းချက်တွေ ရှိနေတယ်ဆိုတဲ့
သတင်းတွေလည်း ထွက်ပေါ်ခဲ့ပါတယ်။ ဒီသတင်းနဲ့ ပတ်သက်ပြီး
အိမ်နီးချင်းနိုင်ငံတခု အနေနဲ့ ဘယ်လိုစိုးရိမ်မှုတွေ ရှိပါသလဲဆိုတဲ့
မေးခွန်းကိုတော့ ထိုင်းဝန်ကြီးချုပ်က ထိုင်းနိုင်ငံအနေနဲ့
အရှေ့တောင်အာရှ ဒေသကို နျူကလီးယား လက်နက်မဲ့ဇုန် ဖြစ်အောင်
လုပ်ဆောင်မှာဖြစ်တယ်လို့ ပြန်လည်ဖြေကြားခဲ့ပါတယ်။
ဗွီအိုအေမှ ကူးယူဖော်ပြသည်။
................................................................................................
မြန်မာနိုင်ငံ တည်ငြိမ်ရေး ကျေးလက်ဖွံ့ဖြိုးမှု လိုအပ်
21
December 2009
မြန်မာနိုင်ငံ ကျေးလက်ဒေသ အိမ်ထောင်စုတွေရဲ့ ၃၀% မှာ ပုံမှန်ဝင်ငွေ
မရှိတဲ့အတွက် သူတို့အတွက် အလုပ်အာမခံချက်တွေ ရရှိရေး ဆောင်ရွက်ပေးဖို့
စီးပွားရေး ပါမောက္ခ ဂျိုးဇက် စတစ်ဂ် လစ်ဇ် (Joseph Stiglitz) က
အကြံပေးလိုက်ပါတယ်။ ဒီအကြံပေးချက်ကို ဒီနေ့မနက်ပိုင်း အာရှဒေသကနေ
ပြန်လည် မထွက်ခွာခင် Singapore Management University မှာ ပြုလုပ်ခဲ့တဲ့
သတင်းစာရှင်းလင်းပွဲမှာ ပြောကြားခဲ့တယ်လို့ ပါမောက္ခ စတစ်ဂ် လစ်ဇ်နဲ့
မြန်မာနိုင်ငံကို အတူ သွားရောက်ခဲ့တဲ့ ဘန်ကောက်အခြေစိုက် ကုလသမဂ္ဂ အာရှ
ပစိဖိတ်ဒေသ စီးပွားရေးနဲ့ လူမှုရေး ကော်မရှင် (ESCAP) ရဲ့ အမှုဆောင်
အတွင်းရေးမှူးချုပ် ဒေါက်တာ နိုလင်း ဟေဇာ(Dr Noeleen Heyzer) က
ပြောပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
ကုလသမဂ္ဂ ESCAP အဖွဲ့က ဒေါက်တာ နိုလင်း ဟေဇာဟာ ပြီးခဲ့တဲ့ သီတင်းပတ်ထဲမှာ
ပါမောက္ခ စတစ်ဂ် လစ်ဇ်ကို မြန်မာနိုင်ငံအရောက် ခေါ်သွားပြီး မြန်မာနိုင်ငံ
ကျေးလက်ဒေသ ဆင်းရဲနွမ်းပါးမှု လျှော့ချနိုင်ရေးအတွက် မြန်မာလူထုနဲ့
မိတ်ဆက်ပေးခဲ့သူ ဖြစ်ပါတယ်။
“ကျမ အခုလို ထင်ရှားကျော်ကြားတဲ့ စီးပွားရေး ပါရဂူကို
မြန်မာနိုင်ငံအရောက် ခေါ်သွားပြီး သူနဲ့အတူ မြန်မာနိုင်ငံထဲက သုတေသန
ပညာရှင်တွေကို မြန်မာအစိုးရပိုင်းနဲ့ရော၊ စီးပွားရေး၊ လူမှုရေးဆိုင်ရာ
မူဝါဒတွေ ချမှတ်တဲ့ အဆင့်မြင့် အဖွဲ့အစည်းတွေနဲ့ပါ
မိတ်ဆက်ပေးနိုင်ခဲ့ပါတယ်။ ဒါဟာ မြန်မာနိုင်ငံ လုံခြုံရေးနဲ့
တည်ငြိမ်ရေးအတွက် ရေရှည် မဟာဗျူဟာရဲ့ အစိတ်အပိုင်းတခု ဖြစ်ပါတယ်။” လို့
ဒေါက်တာ နိုလင်း ဟေဇာက ပြောသွားပါတယ်။
ပါမောက္ခ စတစ်ဂ် လစ်ဇ်ဟာ မြန်မာနိုင်ငံ ကျေးလက်ဒေသ ဖွံ့ဖြိုးရေးနဲ့
ပတ်သက်ပြီး လယ်ယာမြေ နည်းနည်းနဲ့ လုပ်ကိုင်စားသောက်နေတဲ့
တောင်သူလယ်သမားတွေအတွက် အသေးစားချေးငွေ ချပေးဖို့ အကြံပေးခဲ့ပါတယ်။
ဒီလယ်သမားတွေဟာ အတိုးငွေ ကြီးကြီးနဲ့ ငွေတတ်နိုင်သူတွေဆီက
ငွေတွေချေးယူပြီး ပြန်မဆပ်နိုင်တဲ့ ပြဿနာတွေနဲ့ ကြုံတွေ့နေရတာမို့
ဒီလယ်သမားတွေ ခေါင်းမခဲစေတဲ့ အသေးစား ချေးငွေမျိုး ချပေးဖို့
အကြံပေးခဲ့တာ ဖြစ်ပါတယ်။
လက်ရှိ မြန်မာနိုင်ငံက ကျေးလက်ဒေသရဲ့ ဆင်းရဲတွင်း နက်နေမှုကို ဆန်းစစ်တဲ့
အခါမှာတော့ ကျေးလက်နေ အိမ်ထောင်စု အားလုံးရဲ့ ၃၀% မှာ ပုံမှန်
အလုပ်မရှိတာကို တွေ့ရတယ်လို့ ဆိုပါတယ်။
“အလုပ်လက်မဲ့ ပြဿနာနဲ့ ပုံမှန်ဝင်ငွေမရှိတဲ့ ပြဿနာကို တွေ့ရပါတယ်။
ဒီပြဿနာဟာ အတော်လေးကို ဆိုးဝါးတဲ့ ပြဿနာပါ။ ကျမတို့ လေ့လာချက်အရဆို
တချို့နေရာတွေမှာ ကျေးလက်နေ အိမ်ထောင်စုတွေရဲ့ ၃၀% မှာ ပုံမှန်အလုပ်
မရှိတာကို တွေ့ရပါတယ်။ ဒီလူတွေအတွက် လူမှုရေးဆိုင်ရာ အပါအ၀င်
အလုပ်အာမခံချက်တွေ ရအောင် လုပ်ပေးဖို့ လိုနေပါတယ်။” လို့ သူမက
ဆက်ပြောပါတယ်။
အခုလို ၀င်ငွေ ပုံမှန်မရှိတဲ့ဒဏ်ကို ခံနေကြရတဲ့အပြင် ရာသီဥတုဒဏ်ကိုလည်း
ကမ္ဘာမှာ ဒုတိယ အပြင်းထန်ဆုံး ခံရတဲ့နိုင်ငံ ဖြစ်တာမို့ ရေရှည်
စိုက်ပျိုးထုတ်လုပ်တဲ့ စနစ်တခုကို ချနိုင်ဖို့ လိုအပ်တယ်လို့လည်း
ဆိုပါတယ်။ ဒ့ါအပြင် မြန်မာနိုင်ငံထဲက ကျွမ်းကျင်ပညာရှင် အများစုဟာ
အသက်အရွယ် ကြီးရင့်နေပြီး ပညာရည် အဆင့်မီတဲ့ လူငယ် နည်းပါးနေတာကို
တွေ့ရတာမို့ တတ်သိပညာရှင် အသက်အရွယ် ကွာဟမှုနဲ့ လိုအပ်မှုတွေဟာ လူအင်အား
အဓိကသုံးတဲ့ မြန်မာနိုင်ငံ လယ်ယာစနစ်အတွက် အခက်အခဲနဲ့ ဆုတ်ယုတ်မှုတွေ
ရှိနေတယ်လို့ ထောက်ပြပါတယ်။ ဒါကြောင့် မြန်မာနိုင်ငံရဲ့ ပညာရေးနဲ့
ကျန်းမာရေး ကဏ္ဍတွေအတွက် အဓိက ဆောင်ရွက်ဖို့ လိုနေတယ်လို့ အကြံပေးပါတယ်။
“သဘာဝ သယံဇာတတွေနဲ့ သူတို့ကရလာတဲ့ ၀င်ငွေတွေကို ဘယ်လိုသုံးစွဲတယ်
ဆိုတာကို ကြည့်ရပါတယ်။ ဒီ နိုင်ငံတော်ရဲ့ ၀င်ငွေတွေထဲက ရာခိုင်နှုန်း
အများစုကို ပညာရေးနဲ့ နောက် ခေါင်းခဲစရာ ဖြစ်နေတဲ့ ကျန်းမာရေး ကဏ္ဍတွေမှာ
မသုံးမဖြစ် သုံးလာအောင် အထူးအလေးထားပြီး အကြံပေး တိုက်တွန်းပါတယ်။” လို့
ပြောသွားပါတယ်။
ဒီကိစ္စဟာ အလိုအပ်ဆုံးလို့ ထင်တာမို့ အဆင့်မြင့် အရာရှိကြီးတွေနဲ့
ဆွေးနွေးပွဲ ၀ိုင်းတွေမှာရော အပြင်မှာပါ
တိုက်တွန်းပြောဆိုခဲ့တယ်လို့လည်း ဆိုပါတယ်။ အခုလို ဆွေးနွေး
အကြံပေးမှုတွေဟာ နားထောင်တဲ့ အဆင့်ကို ကျော်ပြီး လက်တွေ့လုပ်ဖို့
ဆွေးနွေးတဲ့အဆင့်ကို ရောက်ခဲ့တယ်လို့ သူ ယုံကြည်ကြောင်းနဲ့ ဒါဟာ
မြန်မာနိုင်ငံထဲက အဆင်းရဲဆုံး လူတန်းစားတွေအတွက် တစုံတရာ ဖြစ်လာမယ်လို့
သူ မျှော်လင့်ထားကြောင်းလည်း ESCAP အဖွဲ့ရဲ့ အမှုဆောင် အတွင်းရေးမှူးချုပ်
ဒေါက်တာ နိုလင်း ဟေဇာက ပြောကြားခဲ့ပါတယ်။
ဗွီအိုအေမှ ကူးယူဖော်ပြသည်။
................................................................................
EU ခေါင်းဆောင်တွေ စစ်အစိုးရ ၀န်ကြီးချုပ်နဲ့ တွေ့မည်
03
December 2009
ရှေ့သီတင်းပတ်အတွင်း ဒိန်းမတ်နိုင်ငံ ကိုပင်ဟေဂင် (Copenhagen) မြို့မှာ
ကျင်းပမယ့် ကမ္ဘာ့ရာသီဥတု ညီလာခံရဲ့ ပြင်ပမှာ စစ်အစိုးရ ၀န်ကြီးချုပ်
ဗိုလ်ချုပ်ကြီးသိန်းစိန်ကို ဥရောပ ခေါင်းဆောင်တချို့က တွေ့ဆုံမယ်လို့
ဆိုပါတယ်။ စစ်အစိုးရနဲ့ တွေ့ဆုံဆွေးနွေးခြင်း မလုပ်ဘူးဆိုတဲ့ မူဝါဒကို
ကိုင်ဆောင်လာတဲ့ ဥရောပ ခေါင်းဆောင်တွေက အခုလို စစ်အစိုးရ
ခေါင်းဆောင်တယောက်နဲ့ တွေ့ဆုံမယ့် အစီအစဉ်ကို မြန်မာ့အရေး
လှုပ်ရှားသူတွေက မထောက်ခံကြပါဘူး။ အပြည့်အစုံကိုတော့
ဆက်သွယ်မေးမြန်းထားတဲ့ ကိုဇော်ဝင်းလှိုင်က တင်ပြပေးထားပါတယ်။
ဒီဇင်ဘာ ၇ ရက်ကနေ ၈ ရက်နေ့အထိ ဒိန်းမတ်နိုင်ငံ ကိုပင်ဟေဂင်မြို့မှာ
ကုလသမဂ္ဂက ကြီးမှူးကျင်းပမယ့် ကမ္ဘာ့ရာသီဥတု ပြောင်းလဲမှုဆိုင်ရာ ညီလာခံကို
မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန် တက်ရောက်မှာ
ဖြစ်တာကြောင့် အဲဒီညီလာခံ ပြင်ပမှာ ဗိုလ်ချုပ်ကြီးသိန်းစိန်နဲ့
သီးသန့်တွေ့ဆုံသွားဖို့ EU ခေါင်းဆောင်တွေက စီစဉ်နေကြတာ ဖြစ်ပါတယ်။
ဒါပေမဲ့ EU အဖွဲ့ဝင် နိုင်ငံတွေကို ကိုယ်စားပြုပြီး ဘယ်နိုင်ငံက
ဗိုလ်ချုပ်ကြီးသိန်းစိန်ကို တွေ့ဆုံမယ် ဆိုတာကို အခုချိန်ထိ
မဆုံးဖြတ်ရသေးဘူးလို့ လက်ရှိ EU အဖွဲ့ရဲ့ အလှည့်ကျဥက္ကဋ္ဌ ဆွီဒင်နိုင်ငံက
အရာရှိတွေက ပြောပါတယ်။
မြန်မာနိုင်ငံအတွင်း သိသာတိုးတက်တဲ့ ပြုပြင်ပြောင်းလဲမှုတွေ
လက်တွေ့လုပ်ဆောင်ခြင်း မရှိသေးခင် အခုလို စစ်အစိုးရ အကြီးအကဲတယောက်ကို
လက်ခံတွေ့ဆုံခြင်း မလုပ်သင့်သေးဘူးလို့ လန်ဒန်မြို့ အခြေစိုက် ဥရောပ
မြန်မာရုံးက ဒါရိုက်တာ ဦးနွယ်အောင်က ပြောပါတယ်။
“ဒီဥစ္စာ ကျနော်တို့အမြင်တော့ မကြိုဆိုနိုင်သေးပါဘူး။ ဘာကြောင့်လဲဆိုရင်
စစ်အာဏာရှင်တွေဘက်က ဘာမှ Positive ဖြစ်တဲ့သတင်းမျိုး ဘာတခုမှ
မပြသေးတဲ့အတွက်ကြောင့် ဒီဘက်ကနေ မုန်လာဥနီချည်းပဲ ကျွေးဖို့
ပြင်ဆင်နေတာကြတော့ ကျနော်တို့အနေနဲ့ ဒါကို သဘောမတွေ့ပါဘူး။ ဒါကြောင့်
မကြိုဆိုသေးပါဘူး။ ဒီကိစ္စနဲ့ ပတ်သက်ရင် EU မှာ သူတို့နဲ့တွေ့တိုင်း
ကျနော်တို့ပြောတာက Carrots တွေချည်းပဲ ပေးနေလို့ မရဘူး၊ လုပ်စရာ
ကိုင်စရာ ရှိတာတွေလည်း လုပ်ဖို့လိုတယ်ဆိုပြီး ကျနော်တို့ ပြောတာတွေ
ရှိပါတယ်။
“ဒါပေမဲ့ EU က အမေရိကန် ပေါ်လစီ ပြောင်းလာတဲ့ အချိန်ကစပြီး သူတို့ကလည်း
ပြောင်းစပြုနေတယ်လို့ မြင်ပါတယ်။ နောက်ပိုင်းမှာ အပြောင်းအလဲလေးတွေ
မြင်လာရတာကတော့ Obama Administration နဲ့ US President ကနေပြီးတော့
မြန်မာနိုင်ငံအပေါ်မှာ ပေါ်လစီ အပြောင်းအလဲလေး လုပ်လာတယ်။ ဒါ
လူတိုင်းသိပါတယ်။ စကားပြောမယ်၊ တွေ့မယ်၊ ဆိုမယ် ဆိုပြီးတော့ လုပ်လာတဲ့
အချိန်ကစပြီးတော့ EU အနေနဲ့က အမေရိကန် ပေါ်လစီလိုပဲ သူတို့က
ဖြစ်နိုင်သမျှ Engagement လုပ်မယ် ဆိုပြီးတော့ EU ဘက်မှာလည်း
ပြောင်းလာတာ ဖြစ်ပါတယ်။”
ဒါပေမဲ့ စစ်အစိုးရ ခေါင်းဆောင်တွေနဲ့ သူတို့ရဲ့ မိသားစုဝင်တွေအပေါ် EU က
လက်ရှိ ချမှတ်ထားတဲ့ ပြည်ဝင်ခွင့်ဗီဇာ ပိတ်ဆို့ အရေးယူမှုကတော့ ဆက်ပြီး
ရှိနေတုန်းပဲလို့ ဦးနွယ်အောင်က ပြောပါတယ်။ ပြည်ဝင်ခွင့်ဗီဇာ ပိတ်ဆို့
အရေးယူမှုကလည်း စစ်အစိုးရ အရာရှိတွေနဲ့ သူတို့မိသားစုဝင်တွေ သာမန်
လာရောက်လည်ပတ်မှုနဲ့ တခြား ကိုယ်ရေးကိုယ်တာ ကိစ္စတွေအတွက်သာ ပိတ်ဆို့
အရေးယူထားတာဖြစ်ပြီး အခုလို နိုင်ငံတကာ ညီလာခံကြီးတွေ တက်ဖို့ လာကြတဲ့
ခေါင်းဆောင်ပိုင်းကိုတော့ ပြည်ဝင်ခွင့်ဗီဇာ ထုတ်ပေးလေ့ရှိပါတယ်။
အမေရိကန် အစိုးရက စစ်အစိုးရနဲ့ ထိတွေ့ဆက်ဆံရေးမူကို
ကျင့်သုံးသွားမယ်လို့ ထုတ်ပြန်ကြေညာပြီး နောက်ပိုင်း EU နိုင်ငံတွေ
အကြားမှာ စစ်အစိုးရနဲ့ ဆက်ဆံရေး၊ မဆက်ဆံရေးဆိုတဲ့ ကွဲပြားမှုတွေ
ထွက်ပေါ်လာပေမဲ့ အင်္ဂလန်၊ ပြင်သစ် စတဲ့ ခေါင်းဆောင်ပိုင်း
နိုင်ငံကြီးတွေကတော့ လက်ရှိ မူဝါဒကို ဆက်လက် ဆုပ်ကိုင်ထားတုန်းပဲလို့
ဆိုပါတယ်။
“EU မှာလည်း အပိုင်းနှစ်ပိုင်း ကွဲနေတဲ့ ပုံသဏ္ဌာန် ရှိပါတယ်။ အထူးဖြင့်
အင်္ဂလန်တို့၊ ပြင်သစ်တို့ စတဲ့ နိုင်ငံကြီးတွေကတော့ တင်းခံနေတုန်းပဲ။ ဒီ
Sanctions တွေဟာ လိုအပ်သေးတယ် ဆိုပြီးတော့။ တပိုင်းကလည်း ဥပမာ ဂျာမဏီလို
နိုင်ငံမျိုးကြတော့လည်း သူတို့ထင်တာက Sanctions တွေကို လျှော့ပေးဖို့
လိုတယ်။ စသဖြင့် EU ခေါင်းဆောင်ပိုင်း နိုင်ငံကြီးတွေမှာလည်း
နှစ်ပိုင်းကွဲနေတဲ့ ပုံစံမျိုး ဖြစ်နေကြတယ်။
“နည်းနည်း သိသာလာတာက Sanctions ဟာ အမေရိကန် အစိုးရက ပြောလို့ Effective
မဖြစ်ဘူးဆိုတဲ့ အချိန်ကစပြီး Sanctions ကို လျှော့ပေးဖို့ပြောတဲ့
နိုင်ငံလေးတွေပါ ပါလာတယ်ဆိုတာ ကျနော်တို့ မြင်ရတယ်။ ကျနော်တို့ မြန်မာ့
Community တွေကတော့ Sanctions ကို ဆက်ပြီးထားဖို့ လိုတယ်ဆိုတာကို
ဆက်ပြီးတော့ တောင်းဆိုနေတုန်းပဲ ဖြစ်ပါတယ်။”
EU ထိပ်ပိုင်းနိုင်ငံတွေအကြား မြန်မာစစ်အစိုးရအပေါ် ထိတွေ့ဆက်ဆံသင့်၊
မသင့်ဆိုတဲ့ ၀ိဝါဒတွေ ကွဲပြားနေပေမဲ့ မြန်မာနိုင်ငံဆိုင်ရာ EU
အထူးသံတမန် မစ္စတာ ပီယာရို ဖက်ဆီနို (Mr. Piero Fassino) ကတော့ မကြာခင်က
အမေရိကန်က ပြောင်းလဲဆက်ဆံလာတဲ့ မူဝါဒသစ်ကြောင့် မြန်မာနိုင်ငံမှာ
တိုးတက်တဲ့ လက္ခဏာတွေ ပေါ်ထွက်လာတာကို တွေ့ရတယ်လို့ သူ့ရဲ့ အရှေ့တောင်အာရှ
ခရီးစဉ်အပြီး ပြီးခဲ့တဲ့ သီတင်းပတ်ထဲမှာ ပြောကြားခဲ့ပါတယ်။
ဗွီအိုအေမှ ကူးယူဖော်ပြသည်။
.......................................................................................................
မြန်မာပြည် အေအိုင်ဒီအက်စ် ရောဂါသည်နဲ့ ဆေး မမျှသေး
01
December 2009
မြန်မာနိုင်ငံမှာ HIV/AIDS ရောဂါဖြစ်ပွားမှုနှုန်းနဲ့
ကြည့်ရှုစောင့်ရှောက်နိုင်မှုနှုန်း မမျှမတ ဖြစ်နေတဲ့အကြောင်း ရောဂါ
ဝေဒနာရှင်တွေကို ကြည့်ရှုစောင့်ရှောက်ပေးနေတဲ့ စေတနာ့ဝန်ထမ်းတွေက
ပြောပါတယ်။ ဒီကနေ့ ကျရောက်တဲ့ ကမ္ဘာ့ AIDS နေ့ အထိမ်းအမှတ်နေ့မှာ အခုလို
ပြောဆိုလိုက်တာ ဖြစ်ပါတယ်။ အပြည့်အစုံကို ဆက်သွယ်စုံစမ်းထားတဲ့
ကိုဇော်ဝင်းလှိုင်က တင်ပြပေးထားပါတယ်။
HIV/AIDS ရောဂါ ပပျောက်ရေးအတွက် စစ်အစိုးရ အနေနဲ့ ပြည်တွင်း ပြည်ပက
လူမှုအဖွဲ့အစည်းတွေနဲ့ ပူးပေါင်း လုပ်ဆောင်နေတဲ့အကြောင်း သတင်းစာ
ခေါင်းကြီးပိုင်းတွေမှာ အကျယ်တ၀င့် ရေးသားဖော်ပြနေပေမဲ့ တကယ်
ရောဂါကူးစက် နေသူတွေကို လုံလောက်တဲ့ ဆေးဝါးကုသမှု ပေးနိုင်ခြင်း
မရှိဘူးလို့ ဝေဒနာရှင်တွေကို နှစ်ရှည်လများ ကြည့်ရှုစောင့်ရှောက်ပေးနေသူ
စေတနာ့ဝန်ထမ်း မဖြူဖြူသင်းက ပြောပါတယ်။
“တကယ့် တကယ် ပြောရမယ်ဆိုရင်တော့ ရောဂါဖြစ်ပွားမှုနဲ့ ဆေးဝါးကုသမှု
ခံရတဲ့နှုန်းက အများကြီးကို ကွာဟချက် ရှိနေသေးတယ်။ တကယ်တမ်း
တိုင်းနဲ့ပြည်နယ် အသီးသီးက လက်လှမ်းမမီတဲ့ ဒေသတွေမှာ ရောဂါဝေဒနာ
ခံစားနေရတဲ့သူတွေ တော်တော်များများ နေ့စဉ်နဲ့အမျှ သေဆုံးနေကြရတာတွေလည်း
ရှိနေတယ်။ အဲလိုပဲ နေ့စဉ်နဲ့အမျှ မသိဘဲနဲ့ကို၊ ကွန်ဒုံးဆိုတာလည်း
မသိဘူး၊ ဘယ်လို ကာကွယ်ရမလဲ ဆိုတာလည်း မသိဘဲနဲ့ ဒီရောဂါ
ကူးစက်နေတာတွေလည်း အများကြီးရှိနေတာ တွေ့နေရတုန်းပဲ။
“အခု လက်ရှိအခြေအနေမှာ ဆိုရင် လွန်ခဲ့တဲ့ လေးငါးခြောက်နှစ်
ခုနှစ်နှစ်လောက်က ၀င်ထားတဲ့ ရောဂါတွေက အခုဆိုရင် ARV ဆေးဝါးတွေ
လိုအပ်နေတာ တွေ့နေရတယ်။ အဲဒီလိုလူတွေကလည်း ဒီမှာ ARV ဆေးဝါး
ရရှိဖို့အတွက် ကြိုးစားတဲ့နေရာမှာ ARV ဆေးဝါး လုံလောက်မှု မရှိဘူး။
ပြီးတော့ ဆေးပေးနိုင်တဲ့ အင်အားက အရမ်းနည်းပြီးတော့ လိုနေတဲ့ အင်အားက
များနေတာကို တွေ့ရတယ်။”
မင်္ဂလာဒုံနဲ့ မြောက်ဥက္ကလာ ဝေဘာဂီတို့မှာ HIV ဆေးရုံတွေ
သီးသန့်ဖွင့်ထားပေမဲ့လည်း လူနာတွေကို ARV ဆေးပြားတွေ အလုံအလောက်
မပေးနိုင်တဲ့အတွက် ကိုယ့်အိတ်ကိုယ်စိုက်ပြီး ၀ယ်ယူသုံးစွဲကြရတာက
များတယ်လို့ ဆိုပါတယ်။
“အဲဒီမှာ ဘာလုပ်ရလဲဆိုတော့ ဒီရောဂါရှင်တွေက မဖြစ်မနေ
ဆေးရုံတက်ရမယ်ဆိုလို့ ဆေးရုံရောက်ပြီဆိုရင် အားလုံးက လူနာရှင်တွေက
ကုန်ကျရတာပဲ။ အကုန်လုံး ဆေးရုံက ပေးတာမျိုးတွေ မရှိဘူး။ ပထမပိုင်းတော့
သွေးစစ်တာတွေ ဘာတွေက အလကား ရသေးတယ်။ အခုနောက်ပိုင်းတော့ သွေးစစ်တာတွေကအစ
စရိတ်မျှပေးဆိုပြီး တ၀က်ခံရတာ ပေးရတာတွေတောင် ရှိတယ်။
“နောက်တခုက ARV ဆေးဝါးတွေကို ဒီဆေးရုံ ၂ ရုံက ပေးနေတာတွေ ရှိပါတယ်။
ဒါပေမဲ့ တော်တော်များများ ကျမတို့ တွေ့ရသလောက်တော့ အနည်းအကျဉ်းပဲ
ပေးနိုင်တယ်။ တော်တော်များများ ပေးနိုင်တာကို မတွေ့ရသေးဘူး။ အနည်းအကျဉ်း
ဆိုတဲ့နေရာမှာ ရာဂဏန်းလောက်ပေါ့၊ အဲဒါမျိုးတွေ ပေးနေတာတော့ တွေ့ရတယ်။
“တကယ့်တကယ် ပြောရမယ်ဆိုရင်တော့ တခြား NGO ဆေးခန်းတွေပေါ့၊ အခု
နယ်စည်းမခြား ဆရာဝန်များအဖွဲ့ ရှိတယ်၊ AZC တို့လို အဲလိုဆေးခန်းတွေကတော့
တော်တော်များများ လူနာတွေကို ပေးထားနိုင်တယ်။ အစိုးရဆေးရုံတွေ
အနေနဲ့ကတော့ ပေးတာ သိပ်နည်းပါးနေတာကို တွေ့ရတယ်။”
နယ်ဆေးရုံတွေမှာဆိုလည်း HIV ရောဂါ ရှိတယ်လို့ တွေ့တာနဲ့
ကြည့်ရှုစောင့်ရှောက်ခြင်း မလုပ်တဲ့အပြင် ပြန်လွှတ်လိုက်တာတွေအထိ
ရှိတယ်လို့ မဖြူဖြူသင်းက ဆက်ပြောပြပါတယ်။
“ကျမတို့ ဒီမှာ လုပ်ကိုင်ဆောင်ရွက်နေတာတော့ ဒီဒေသတွေပေါ့၊ မန္တလေးတို့
မကွေးတို့ အဲဒီရွာတွေမှာ အစိုးရ ဆေးရုံတွေတော့ ရှိတယ်။ ဒါပေမဲ့
အဲဒီဆေးရုံတွေက HIV Positive ဆိုရင် ပြန်လွှတ်လိုက်တာပဲ၊ ဘာမှ လုပ်ပေးတာ
မရှိဘူးဆိုတော့၊ အဓိက ပြောရမယ်ဆိုရင်တော့ ဒီဆေးရုံ ၂ ရုံပဲရှိတယ်၊ HIV
နဲ့ ပတ်သက်ပြီးတော့။”
မဖြူဖြူသင်း ဦးဆောင်တဲ့ စေတနာ့ဝန်ထမ်းတွေဟာ တောင်ဥက္ကလာ၊ တောင်ဒဂုံ၊
မြောက်ဒဂုံ စတဲ့နေရာတွေမှာ လူနာတွေကို ရာနဲ့ချီပြီး ညအိပ်ညနေထားပြီး
အမြဲတမ်း ကြည့်ရှု စောင့်ရှောက် ပေးနေတာ ဖြစ်ပါတယ်။ အစိုးရက ဖွင့်ထားတဲ့
ဆေးရုံတွေကို သွားပေမဲ့လည်း ကိုယ့်စရိတ်ကိုယ် အကုန်အကျ ခံရတာကြောင့်
မတတ်နိုင်တဲ့သူတွေကို ပြန်လွှတ်တယ်လို့ HIV ဝေဒနာရှင်တဦးက ပြောပါတယ်။
“အခု မကြီးဖြူဖြူသင်းဆိုရင် တောင်ဒဂုံအိမ်မှာ လူနာတွေကို ထားတယ်။
ထမင်းကအစ၊ မုန့်ဖိုးကအစ ပေးရတယ်။ တချို့လူနာတွေဆိုရင် ဒီရောဂါရှိလို့
မိဘတွေက စွန့်ပစ်ထားတယ်။ သမီးတို့ဆိုရင်လည်း မိဘ ဆွေမျိုးတွေက
စွန့်ပစ်ထားတာ။ မကြီးဖြူဖြူသင်းကပဲ ကျွေးမွေး စောင့်ရှောက်ထားရတယ်။
နေမကောင်းတာက အစ၊ ဆေးထိုးပေးတာ၊ ဆေးသွင်းပေးတာလည်း တောင်ဒဂုံအိမ်မှာ
လုပ်ပေးပါတယ်။
“အစိုးရဆေးရုံတွေမှာလည်း သွားပြီးတော့ ကုပါတယ်။ ဒါပေမဲ့
အစိုးရဆေးရုံတွေက ဒီလိုမျိုး မကြီးဖြူဖြူသင်းလို ကုသမှု မပေးဘူး။ သူတို့က
ပိုက်ဆံရှိမှပဲ။ ဟိုနေ့က ဝေဘာဂီဆေးရုံက တယောက်ဆိုရင် ဆေးရုံမှာ
ပိုက်ဆံမရှိတော့လို့ဆိုပြီး မထားတော့ဘဲနဲ့ ဆင်းလာခဲ့ရတယ်။ အဲဒီလူက
ဖားကန့်ကနေ လာတာ။ သူ့မိန်းမဆို တော်တော် အခြေအနေ ဆိုးတယ်။”
အာဏာပိုင်တွေဘက်က ရောဂါပပျောက်ရေးကို အထောက်အကူ ပြုစေတဲ့ ဆေးဝါးတွေကို
လုံလုံလောက်လောက် မဖြန့်ပေးနိုင်တာ၊ ပညာပေး လုပ်ငန်းတွေ ထိထိရောက်ရောက်
လုပ်ဆောင်ပေးနိုင်ခြင်း မရှိတာတွေကြောင့် ရောဂါ ဝေဒနာရှင် အရေအတွက်
တိုးပွားမှုနှုန်း မြန်ဆန်နေတယ်လို့ ဆိုပါတယ်။ ဒါ့အပြင် ပရဟိတ
ဆေးခန်းတွေမှာ နယ်ကနေ ဆေးလာကုကြတဲ့ သူတွေကို အဆောင်တွေမှာ
စစ်ဆေးမေးမြန်းမှုတွေ လုပ်လာတဲ့ အတွက်လည်း လူနာတွေအနေနဲ့ ရန်ကုန်မှာ
ဆေးလာကုရမှာ စိုးရိမ်ကြောက်လန့် နေကြတယ်လို့ စေတနာ့ဝန်ထမ်းတွေက
ပြောပါတယ်။
ဗွီအိုအေမှ ကူးယူဖော်ပြသည်။
.....................................................................................
စီးပွားရေး နိုဘဲလ်ဆုရှင် မြန်မာ့စီးပွားရေး အကြံပေးမည်
30 November 2009
မြန်မာနိုင်ငံရဲ့
ချွတ်ခြုံကျနေတဲ့ စီးပွားရေး အခြေအနေတွေ ပြန်လည်တိုးတက်လာရေးအတွက်
စုံစမ်းစစ်ဆေးဖို့ ရည်ရွယ်ချက်နဲ့ အမေရိကန်နိုင်ငံက အထင်ကရ စီးပွားရေး
ပညာရှင်တယောက် မြန်မာနိုင်ငံကို မကြာခင် သွားရောက်မှာ ဖြစ်ပါတယ်။
အကြောင်းစုံကို နော်ရှိုးက တင်ပြပေးထားပါတယ်။
ကမ္ဘာ့ဘဏ်ရဲ့ ထိပ်တန်း စီးပွားရေးပညာရှင်ဟောင်းလည်းဖြစ်၊
စီးပွားရေးဆိုင်ရာ နိုဘဲလ် ငြိမ်းချမ်းရေးဆုရှင်လည်း ဖြစ်တဲ့ ပါမောက္ခ
ဒေါက်တာ ဂျိုးဇက် စတစ်ဂ်လစ်ဇ် (Dr. Joseph Stiglitz) ဟာ ဒီဇင်ဘာလ ၁၄
ရက်နေ့မှာ မြန်မာနိုင်ငံကို သွားမယ်လို့ ထိုင်းအခြေစိုက် ကုလသမဂ္ဂရဲ့
အာရှနဲ့ ပစိဖိတ်ဆိုင်ရာ စီးပွားရေးနဲ့ လူမှုရေးကော်မရှင် (ESCAP) က
ပြောပါတယ်။ ဒီဇင်ဘာလ ၁၅ ရက်နေ့ကျရင်တော့ ဒေါက်တာ စတစ်ဂ်လစ်ဇ်ဟာ
နေပြည်တော်မှာ စီးပွားရေးဆိုင်ရာ အကြံပြု ဟောပြောမှာ ဖြစ်ပါတယ်။
ကျေးလက်ဒေသ စီးပွားရေး တိုးတက်ဖို့နဲ့ ဆင်းရဲမွဲတေမှု ပပျောက်ရေးအတွက်
စီးပွားရေးဆိုင်ရာ အရေးပါတဲ့ ဆုံးဖြတ်ချက်တွေကို အစိုးရအနေနဲ့
ဘယ်လိုချမှတ် ဆောင်ရွက်သင့်တယ်ဆိုတာ ဒေါက်တာ စတစ်ဂ်လစ်ဇ်က အကြံပြုမှာ
ဖြစ်တယ်လို့ ကုလသမဂ္ဂက ပြောပါတယ်။
ဒါ့အပြင် မြန်မာပြည်တွင်းက စီးပွားရေး ပညာရှင်တွေ၊ ကုလသမဂ္ဂက အရာရှိတွေ၊
သံတမန်တွေနဲ့ လူထုအခြေပြု အဖွဲ့အစည်းတွေက ကိုယ်စားလှယ်တွေနဲ့လည်း
တွေ့ဆုံပြီး ကျေးလက်စီးပွားရေးအပြင် ဘဏ်စနစ်၊ ကုန်ပစ္စည်းဈေးနှုန်း၊
ကုန်သွယ်ရေးဆိုင်ရာ ကိစ္စတွေနဲ့ ပတ်သက်ပြီးတော့ အသိအမြင်ချင်း ဖလှယ်ဖို့
ရှိပါတယ်။ အခုလို အထင်ကရ စီးပွားရေးပညာရှင် တယောက်ရဲ့ မြန်မာနိုင်ငံ
ခရီးစဉ်နဲ့ ပတ်သက်ပြီး သြစတြေးလျနိုင်ငံ မက်ကွိုင်ရီ (Macquire)
တက္ကသိုလ် မြန်မာနိုင်ငံ စီးပွားရေး စောင့်ကြည့်ရေးအဖွဲ့ကို ဦးဆောင်သူ
စီးပွားရေး ပါမောက္ခ ဒေါက်တာ ရှောင် တာနဲလ် (Dr. Sean Turnell) က အခုလို
ကောက်ချက်ချပါတယ်။
“ပါမောက္ခ စတစ်ဂ်လစ်ဇ် သာမက ဘယ်စီးပွားရေး ပညာရှင်ပဲ ဖြစ်ဖြစ်
မြန်မာနိုင်ငံကိုသွားရင် ဒုတိယ ကမ္ဘာစစ်ပြီး ကာလကတည်းက အဆိုးရွားဆုံးလို့
ပြောရမယ့် စီးပွားရေး အခြေအနေတွေကို ရင်ဆိုင်ရမှာပါ။ ဒါတောင် ဒုတိယ
ကမ္ဘာစစ်အတွင်းက မြန်မာနိုင်ငံ စီးပွားရေးဟာ အားလုံးနီးပါး
ပျက်စီးခဲ့ရတာပါ။ ဆိုတော့ ခုအခြေအနေဟာ ဘယ်လောက်ဆိုးလဲဆိုတာ
စဉ်းစားကြည့်လို့ ရပါတယ်။ အထူးသဖြင့် မြန်မာနိုင်ငံရဲ့ ကျေးလက်ဒေသတွေမှာ
စိုက်ပျိုးရေးအတွက် လယ်သမားတွေ အရင်းအနှီး လုံးဝ ချွတ်ခြုံကျနေတဲ့
ပြဿနာကို အကြီးအကျယ် ရင်ဆိုင်နေရပါတယ်။ ပါမောက္ခ စတစ်ဂ်လစ်ဇ်
ကိုယ်တိုင်ကလည်း အဲဒီလို ကျေးလက်စိုက်ပျိုးရေး အမတော်ကြေး ရရှိရေး
ကိစ္စတွေမှာ အထူးကျွမ်းကျင်သူ ဖြစ်ပါတယ်။”
ဆက်လက်ပြီး ပါမောက္ခ တာနဲလ်က မြန်မာနိုင်ငံဟာ ပထမဆုံးအကြိမ်အဖြစ် ဆာလောင်
ငတ်မွတ်မှု ဘေးအတွက် စိုးရိမ်ရတဲ့ အခြေအနေကို ရင်ဆိုင်နေရတယ်လို့
ပြောပြီး မြန်မာနိုင်ငံရဲ့ စီးပွားရေး တိုးတက်လာဖို့အတွက်
သိသာထင်ရှားတဲ့ နိုင်ငံရေး၊ တရားဥပဒေ စိုးမိုးရေးတွေမှာ
ပြုပြင်ပြောင်းလဲမှုတွေ အရင်လုပ်ဖို့ လိုအပ်တယ်လို့ ပြောပါတယ်။
“မြန်မာနိုင်ငံမှာ စီးပွားရေး ပြုပြင်ပြောင်းလဲမှုတွေ
တကယ်အလုပ်ဖြစ်ဖို့အတွက် အရင်ဦးဆုံး နိုင်ငံရေး ပြုပြင်ပြောင်းလဲမှုတွေ
လုပ်ဖို့ မဖြစ်မနေ လိုအပ်ပါတယ်။ မြန်မာနိုင်ငံကို တရုတ်တို့၊
ဗီယက်နမ်တို့နဲ့ နှိုင်းပြီး အဲဒီနိုင်ငံတွေဟာ အာဏာရှင်နိုင်ငံတွေ
ဖြစ်ပေမဲ့ စီးပွားရေး တိုးတက်အောင် လုပ်နိုင်တယ် ဆိုပြီးတော့ တချို့က
နားလည်လွဲပါတယ်။
“ဥပမာ တရုတ်မှာ အဂတိလိုက်စားမှု ပြဿနာ ရှိနေသေးပေမဲ့ အစိုးရက
ပြည်သူတွေရဲ့ လယ်ယာမြေ ပိုင်ဆိုင်ခွင့်ကို သိသိသာသာ အကာအကွယ် ပေးပါတယ်။
အကျိုးအမြတ်များတဲ့ စီးပွားရေးလုပ်ငန်းတွေ တော်တော်များများကို အစိုးရက
လက်ဝါးကြီး မအုပ်ဘဲ အများကြီး လျှော့ပေးခဲ့ပါတယ်။ တရုတ်နဲ့ ဗီယက်နမ်
ခေါင်းဆောင်တွေလို မြန်မာစစ်ခေါင်းဆောင်တွေမှာ တိုင်းပြည်ကို ဘယ်လို
ခေတ်မီ စီးပွားဖြစ်အောင် လုပ်မလဲဆိုပြီး လေးလေးနက်နက် အာရုံစိုက်
လုပ်ဆောင်တာကို မတွေ့ရသေးပါဘူး။”
အခုလို ကမ္ဘာ့ဘဏ်ရဲ့ စီးပွားရေး ပညာရှင်အဖြစ် အမှုထမ်းခဲ့သူတဦး
မြန်မာနိုင်ငံကို သွားရောက်မှာမို့ လက်ရှိ ကမ္ဘာ့ဘဏ်က မြန်မာနိုင်ငံကို
ငွေထုတ်ချေးမှု ရပ်ဆိုင်းထားတာတွေကို ပြန်စနိုင်သလားဆိုတဲ့
မေးခွန်းကိုတော့ ပါမောက္ခ တာနဲလ်က အခုလို ဖြေပါတယ်။
“ခုလောလောဆယ် မြန်မာနိုင်ငံမှာ ကမ္ဘာ့ဘဏ်က ဘာမှလုပ်လို့မရတဲ့ အဓိကအချက်က
တခြားမဟုတ်ပါဘူး။ မြန်မာအစိုးရဟာ ကမ္ဘာ့ဘဏ်ကို အကြွေးတင်နေတာတွေ
အများကြီး ရှိနေတာကြောင့်ပါ။ ဒါကြောင့် မကြာခင် အချိန်အတွင်းမှာ
ကမ္ဘာ့ဘဏ်ကနေ မြန်မာနိုင်ငံကို ငွေထုတ်ချေးတာတို့၊ တခြားစီမံကိန်းတွေ
လုပ်လာမယ်လို့ မထင်ပါဘူး။ တချိန်ချိန်မှာတော့ စီးပွားရေးနဲ့ ပတ်သက်ပြီး
ကမ္ဘာ့ဘဏ် အပါအ၀င် တခြား နိုင်ငံတကာ အဖွဲ့အစည်းတွေက အကြံပေးတာတွေ
ရှိကောင်း ရှိလာနိုင်ပါတယ်။ ဒါကလည်း စစ်အစိုးရဘက်က လက်ခံမလား၊
လက်မခံဘူးလား ဆိုတဲ့အပေါ် မူတည်ပါတယ်။”
ပါမောက္ခ ရှောင် တာနဲလ် ပြောသွားခဲ့တာ ဖြစ်ပါတယ်။
၂၀၀၂ ခုနှစ်တုန်းကလည်း မြန်မာစစ်အစိုးရရဲ့ ခွင့်ပြုချက်နဲ့
ဂျပန်ထိပ်တန်း စီးပွားရေး ပညာရှင်တွေ ဦးစီးပြီး မြန်မာစီးပွားရေး
ပညာရှင်တွေနဲ့ ပူးပေါင်းကာ မြန်မာနိုင်ငံရဲ့ စီးပွားရေးကို
လေ့လာသုံးသပ်ပြီး ပြုပြင်ပြောင်းလဲရေး လုပ်ဖို့ အချက်တွေ စစ်အစိုးရကို
အကြံပြုခဲ့ဖူးပါတယ်။ ဒါပေမဲ့ ဒီအစီအစဉ်ကို မြန်မာစစ်ခေါင်းဆောင်တွေက
ပယ်ချခဲ့တယ်လို့ ထိုင်းအခြေစိုက် အမည်မဖော်လိုသူ မြန်မာစီးပွားရေး
ပညာရှင်တဦးက ကောက်ချက်ပေးခဲ့တာကို IPS သတင်းမှာ ကိုးကားထားပါတယ်။
မြန်မာနိုင်ငံမှာ လယ်ယာစိုက်ပျိုးရေးကဏ္ဍ ချွတ်ခြုံကျမှုအပြင်
ငွေကြေးဖောင်းပွမှု ၃၀% ရှိနေတဲ့ ပြဿနာနဲ့ ပြည်သူ့ကျန်းမာရေး အခြေအနေဟာ
နိုင်ငံပေါင်း ၁၉၁ နိုင်ငံအနက် ဆီရီရာ လီရွန် (Sierra Leoen) ပြီးရင်
ဒုတိယ အဆိုးရွားဆုံး အခြေအနေမှာ ရှိနေတာ ဖြစ်တယ်လို့ WHO
ကမ္ဘာ့ကျန်းမာရေးအဖွဲ့ကြီးက ပြောထားတာ ဖြစ်ပါတယ်။
ဗွီအိုအေမှ ကူးယူဖော်ပြသည်။
..............................................................................................
နာဂစ် ပြန်လည်ထူထောင်ရေး နိုင်ငံတကာ အကူအညီ မလုံလောက်
25
November 2009
နာဂစ်ပြန်လည်ထူထောင်ရေး အကူအညီတွေကို အရင်က တောင်းထားတဲ့ ၃ နှစ်
စီမံချက်အစား အရေးပေါ် လိုအပ်တဲ့ ဦးစားပေး အစီအစဉ်တွေ အတွက်ကိုပဲ
ပေးဖို့ နိုင်ငံတကာကို အာဆီယံ၊ ကုလသမဂ္ဂနဲ့ မြန်မာစစ်အစိုးရ ပေါင်းထားတဲ့
သုံးပွင့်ဆိုင် ဗဟိုအဖွဲ့ (TCG) အကူအညီပေးရေး အဖွဲ့က
တောင်းဆိုလိုက်ပါတယ်။ ဒါကြောင့်လည်း အမေရိကန်ဒေါ်လာ ၈၈ သန်း ပေးမယ်လို့
နိုင်ငံတကာက ကတိပေးလိုက်ပါတယ်။
ဒါပေမဲ့ မုန်တိုင်းဘေးသင့်ဒေသ ပြန်လည်ထူထောင်ရေး TCG အဖွဲ့ရဲ့
ကူညီခွင့်ကို လာမယ့် ၂၀၁၀ ခုနှစ် ဇူလိုင်လအထိပဲ မြန်မာစစ်အစိုးရက
ခွင့်ပြုထားတဲ့အတွက် ရှေ့အနာဂတ်မှာ ဘယ်လိုကူညီမလဲ ဆိုတဲ့
နည်းလမ်းတွေကိုတော့ ရှာနေကြဆဲ ဖြစ်ပါတယ်။ အကြောင်းစုံကို
ကိုသိန်းထိုက်ဦးက တင်ပြပေးထားပါတယ်။
မြန်မာနိုင်ငံမှာ နာဂစ်မုန်တိုင်းဒဏ် ပြန်လည်ထူထောင်ရေး အတွက်
အရင်တုန်းက လာမယ့် ၃ နှစ် စီမံချက်အတွက် အမေရိကန်ဒေါ်လာ ၆၉၁ သန်း
လိုအပ်တယ်ဆိုပြီး TCG အာဆီယံ၊ ကုလသမဂ္ဂနဲ့ မြန်မာစစ်အစိုးရ
ပေါင်းစည်းထားတဲ့ သုံးပွင့်ဆိုင် ကူညီကယ်ဆယ်ရေး အဖွဲ့က ပြောခဲ့ဖူးပါတယ်။
အခုတော့ အရေးပေါ် ဦးစားပေးရမယ့် လုပ်ငန်းတွေအတွက်ပဲ အကူအညီ
တောင်းခံတယ်ဆိုတော့ နိုင်ငံတကာ အဖွဲ့အစည်းတွေက သူတို့ပေးမယ့်
အကူအညီတွေကို ကတိက၀တ် ပြုခဲ့တယ်ဆိုပြီး အာဆီယံ အတွင်းရေးမှူးချုပ် ဆူရင်
ပစ်ဆူဝန် (Surin Pitsuwan) က သတင်းစာရှင်းလင်းပွဲမှာ ပြောသွားပါတယ်။
“သတင်းကောင်းတခုကတော့ ဒီနေ့မနက်ပဲ နိုင်ငံတကာ အဖွဲ့အစည်းတွေက နာဂစ်
ပြန်လည်ထူထောင်ရေး ဦးစားပေး လုပ်ဆောင်ရမယ့် အစီအစဉ်တွေအတွက် ကျနော်တို့
တောင်းထားတဲ့ အမေရိကန်ဒေါ်လာ ၁၀၃ သန်းထဲက ၈၈ သန်းကို ပေးမယ်ဆိုပြီး
ကတိက၀တ် ပြုသွားပါတယ်။” လို့ အာဆီယံ အတွင်းရေးမှူးချုပ် ဆူရင် ပစ်ဆူဝန်က
ပြောသွားပါတယ်။
စောစောပိုင်းက ၆၉၁ သန်းထဲက ၁၀၃ သန်းပဲ ပေးဖို့ TCG အဖွဲ့က
ပြန်လည်တောင်းခံခဲ့တာပါ။ မုန်တိုင်းဒဏ် ခံခဲ့ရတဲ့ ဒေသတွေမှာ
ပြန်လည်ထူထောင်ရေးအတွက် အကူအညီတွေက လိုအပ်တာထက် အများကြီး
လိုနေသေးတယ်ဆိုပြီး TCG အဖွဲ့ အရာရှိတွေက ပြောဆိုပါတယ်။ ဒါပေမဲ့
မြန်မာနိုင်ငံမှာ နိုင်ငံရေး အခြေအနေ တိုးတက်မှုမရှိဘူး၊ နိုင်ငံရေး
အကျဉ်းသားတွေ မလွတ်မြောက်ဘဲ ဒီမိုကရေစီခေါင်းဆောင်
ဒေါ်အောင်ဆန်းစုကြည်လည်း ဆက်လက် ထိန်းသိမ်းခံနေရမယ်ဆိုရင် နိုင်ငံတကာ
အဖွဲ့အစည်းတွေက အခုပေးထားတဲ့ အကူအညီတွေကို ပြန်လည်
ရုပ်သိမ်းမသွားနိုင်ဘူးလား၊ သတင်းထောက်တွေက မေးခဲ့ကြပါတယ်။ အာဆီယံ
အတွင်းရေးမှူးချုပ် ဆူရင် ပစ်ဆူဝန်ကတော့ …
“နိုင်ငံရေး အခြေအနေ တိုးတက်မှုမရှိဘူး ဆိုရင် အခုပေးထားတဲ့ အလှူငွေတွေကို
ပြန်ရုပ်သိမ်းကောင်း ရုပ်သိမ်းနိုင်တယ် ဆိုပြီးတော့ ခင်ဗျားတို့က
ပြောနေပေမဲ့ နိုင်ငံရေး အခြေအနေ ပိုကောင်းလာတယ် ဆိုရင်လည်း အကူအညီတွေ
ဒီ့ထက်မက ရနိုင်တယ် ဆိုတဲ့ဘက်က တွက်စေချင်ပါတယ်။ ရေတခွက်ကို
တ၀က်ပဲရှိတယ်လို့ မြင်တဲ့သူနဲ့ တ၀က်တောင်ရှိပါလားလို့ မြင်တဲ့သူ
အမြင်နှစ်မျိုး ကွဲပြားသလိုမျိုး အကောင်းဘက်က ကြည့်စေချင်ပါတယ်။”
ဆိုပြီး ပြောသွားပါတယ်။
အာဆီယံ အတွင်းရေးမှူးချုပ် ဆူရင် ပစ်ဆူဝန်က ဒီလိုပြောပေမဲ့လည်း TCG အဖွဲ့
မြန်မာနိုင်ငံအတွင်းမှာ ကူညီဆောင်ရွက်ခွင့်ကို လာမယ့် ၂၀၁၀
ဇူလိုင်လအထိပဲ မြန်မာစစ်အစိုးရက ခွင့်ပြုထားပါတယ်။ မြန်မာစစ်အစိုးရဘက်က
အကြောင်းပြတာက ရွေးကောက်ပွဲ ကျင်းပဖို့ စီစဉ်ထားပြီး အစိုးရသစ်
ဖွဲ့စည်းမှာ ဖြစ်တဲ့အတွက် အကူအညီပေးရေး ကိစ္စတွေကို အစိုးရသစ်နဲ့ပဲ
ညှိနှိုင်းဆောင်ရွက်ဖို့ ပြောဆိုခဲ့တာပါ။
ဒါကြောင့် TCG အဖွဲ့ရဲ့ အနာဂတ် အခန်းကဏ္ဍ ဘယ်လိုရှိမလဲ၊ အကူအညီပေးရေး
လုပ်ငန်းတွေကရော ရှေ့ဆက် လုပ်ကိုင်နိုင်ပါ့မလား၊ မေးခွန်းထုတ်တာနဲ့
ပတ်သက်လို့တော့ အာဆီယံ ခေါင်းဆောင်တွေ၊ NGO အဖွဲ့အစည်းတွေက
နာဂစ်မုန်တိုင်း အကူအညီပေးရေး လုပ်ငန်းတွေကို မဖြစ် ဖြစ်တဲ့နည်းနဲ့
အကူအညီ ပေးနိုင်အောင် အစိုးရ ၀န်ကြီးဌာနတွေနဲ့
ပူးပေါင်းဆောင်ရွက်နိုင်အောင် နည်းလမ်းတွေ ရှာကြံနေပါတယ်လို့
ပြောဆိုပါတယ်။
ရန်ကုန်မြို့က ကုလသမဂ္ဂ လူသားချင်း စာနာထောက်ထားမှု အကူအညီပေးရေး တာဝန်ခံ
မစ္စတာ ဘစ်ရှိုး ပါရာဂျူလီကတော့ မြန်မာနိုင်ငံအတွင်း အကူအညီတွေ
လိုအပ်နေတဲ့ အနေအထားနဲ့ ပတ်သက်ပြီး အခုလို သတင်းထောက်တွေကို
ပြောပြပါတယ်။
“အင်ဒိုနီးရှားမှာ မြန်မာနိုင်ငံလို အလားတူ သဘာဝ ဘေးအန္တရာယ်တွေ
ကြုံခဲ့ရတဲ့အချိန် နိုင်ငံတကာက အမေရိကန်ဒေါ်လာ သန်းပေါင်း ၇,၀၀၀
အင်ဒိုနီးရှားနိုင်ငံ ပြန်လည်ထူထောင်ရေးနဲ့ ကယ်ဆယ်ရေး လုပ်ငန်းတွေအတွက်
ကူညီပေးခဲ့တာတွေ ရှိပါတယ်။ မြန်မာနိုင်ငံမှာ လူ ၂၀၀,၀၀၀ ကျော်
သေဆုံးခဲ့ပြီး ၃,၀၀၀,၀၀၀ လောက် အိုးမဲ့အိမ်မဲ့ ဖြစ်ခဲ့ရတဲ့
နာဂစ်မုန်တိုင်းအတွက် နိုင်ငံတကာ အကူအညီက အမေရိကန်ဒေါ်လာ သန်းပေါင်း ၃၀၀
ကျော်ပဲ ရခဲ့တာပါ။ ကျန်းမာရေး၊ စီးပွားရေး၊ လူတွေဘ၀ ပြန်လည်ထူထောင်ရေး
အတွက် အကူအညီတွေ အများကြီး လိုနေပါသေးတယ်။ ဒီအကူအညီတွေကို
ဆက်ပေးနိုင်အောင် ကြိုးစားဖို့ လိုပါတယ်။” ဆိုပြီး ကုလသမဂ္ဂရဲ့
လူသားချင်း စာနာထောက်ထားမှု အကူအညီပေးရေး ဆိုင်ရာ မြန်မာနိုင်ငံဆိုင်ရာ
ဌာနေကိုယ်စားလှယ် မစ္စတာ ဘစ်ရှိုး ပါရာဂျူလီ ပြောသွားတာ ဖြစ်ပါတယ်။
ရန်ကုန် ကုလသမဂ္ဂရုံး ပြန်ကြားရေးအရာရှိ တဦးဖြစ်တဲ့ ဦးအေးဝင်းကလည်း
နာဂစ်မုန်တိုင်း ပြန်လည်ထူထောင်ရေးဒေသ အကူအညီတွေ လိုအပ်နေတာနဲ့
ပတ်သက်ပြီး အခုလိုပြောပါတယ်။
“သူတို့ မိမိဘ၀ မိမိ ပြန်လည်ထူထောင်ဖို့ကတော့ လိုသေးတယ်။ ကျန်းမာရေး၊
ပညာရေး၊ အဓိကကတော့ အမိုးအကာ လုံခြုံမှု၊ ဒီဟာတော့ အဓိက အကျဆုံးပဲခင်ဗျ။
နာဂစ်မုန်တိုင်းကြောင့် ပျက်စီးသွားတဲ့ အိမ်ထောင်စုတွေမှာ
ကောင်းကောင်းမွန်မွန် ပြန်ပြီးတော့ တည်ဆောက်ပေးနိုင်တဲ့ အိမ်ခြေက ၂၄,၀၀၀
ကျော်ပဲရှိသေးတယ်။ လိုအပ်ချက်က တအားကွာနေတယ်။ ၁၇၀,၀၀၀ ကျော်လောက်ကို
ထပ်လိုသေးတယ်လို့ ပြောတယ်။ ဒါ ရန်ကုန်မှာရှိတဲ့ အပြည်ပြည်ဆိုင်ရာ
အဖွဲ့အစည်းတွေရော၊ INGO တွေရော တွက်တဲ့ ကိန်းဂဏန်းပါ။”
နာဂစ်မုန်တိုင်းဒဏ် ပြန်လည်ထူထောင်ရေး ဒေသမှာ အကူအညီတွေ လိုအပ်နေတာနဲ့
ပတ်သက်ပြီး ရန်ကုန်မြို့က ကုလသမဂ္ဂရုံး ပြန်ကြားရေးအရာရှိ တဦးဖြစ်တဲ့
ဦးအေးဝင်း ပြောပြသွားတာ ဖြစ်ပါတယ်။
ဗွီအိုအေမှ ကူးယူဖော်ပြသည်။
.......................................................................................................
မြန်မာနိုင်ငံကို Global Fund အကူအညီများ ပြန်ပေးမည်
16
November 2009
အေ့ဒ်စ် (AIDS) ရောဂါ၊ ငှက်ဖျားရောဂါ၊ တီဘီ အဆုတ်နာ ရောဂါ
ရောဂါသုံးမျိုး တိုက်ဖျက်ရေးအတွက် Global Fund အဖွဲ့ကြီးဟာ
မြန်မာနိုင်ငံကို အကူအညီတွေ ပြန်ပေးဖို့ ဆုံးဖြတ်လိုက်ပါပြီ။ ဒါပေမဲ့
အကူအညီတွေ ထိရောက်ဖို့ လက်တွေ့ အသေးစိတ် ဆောင်ရွက်စရာတွေ အတွက်တော့
အာဏာပိုင်တွေနဲ့ ဆက်လက်ညှိနှိုင်း ဆောင်ရွက်စရာတွေ ရှိဦးမယ်လို့ Global
Fund အဖွဲ့ တာဝန်ရှိသူတဦးက ဗွီအိုအေကို ပြောပြပါတယ်။ အကြောင်းစုံကို
ဆက်သွယ်မေးမြန်းထားတဲ့ ကိုသားညွန့်ဦးက တင်ပြပေးထားပါတယ်။
လက်ရှိအားဖြင့်တော့ မြန်မာနိုင်ငံတွင်း ရောဂါသုံးမျိုး
တိုက်ဖျက်ရေးအတွက် Global Fund ဟာ ဒေါ်လာ သန်း ၁၁၀ ထောက်ပံ့ ကူညီသွားဖို့
ရှိပါတယ်။ ရေရှည်အတွက်တော့ ဒေါ်လာ သန်း ၄၀၀ ကျော်အထိ အတည်ပြု
လျာထားတယ်လို့ Global Fund အဖွဲ့ကြီးရဲ့ အကြီးတန်း ပြန်ကြားရေးအရာရှိ
နာလင်း မာထာ (Nalin Mehta) က ဗွီအိုအေကို ပြောပါတယ်။ ၂၀၀၅ ခုနှစ်ကနေ
လုပ်ငန်းတွေ အထောက်အပံ့တွေ ရပ်ဆိုင်းခဲ့တဲ့ Global Fund အဖွဲ့ကြီးအနေနဲ့
မြန်မာနိုင်ငံတွင်း အခြေအနေတွေကိုရော လိုအပ်ချက်တွေပါ ထည့်သွင်းစဉ်းစား
သုံးသပ်ပြီး အခုလို အကူအညီတွေ ပြန်ပေးဖို့ ဆုံးဖြတ်ရတာ ဖြစ်တယ်လို့ သူက
ပြောပါတယ်။
“အစိုးရပိုင်းက တာဝန်ရှိသူတွေရယ် လူထုအခြေပြု အဖွဲ့အစည်းက
ကိုယ်စားလှယ်တွေရယ် ကုလသမဂ္ဂ အေဂျင်စီက တာဝန်ရှိသူတွေ ပါဝင်တဲ့
ညှိနှိုင်းဆောင်ရွက်ရေး အဖွဲ့ကနေ မြန်မာနိုင်ငံတွင်း ရောဂါသုံးမျိုး
တိုက်ဖျက်ရေးအတွက် ကုန်ကျမယ့် ငွေကြေးရန်ပုံငွေကို ကျနော်တို့ Global
Fund ကို တောင်းခံခဲ့ပါတယ်။ ဒီ တောင်းခံချက် ပန်ကြားမှုကို လူထု
ကျန်းမာရေးဆိုင်ရာ ကျွမ်းကျင်သူတွေ၊ ဖွံ့ဖြိုးရေးဆိုင်ရာ
ကျွမ်းကျင်သူတွေ ပါဝင်တဲ့ လွတ်လပ်တဲ့ အဖွဲ့ကနေ အသေအချာ
စဉ်းစားသုံးသပ်ပါတယ်။
“နိုင်ငံအလိုက် ညှိနှိုင်းဆောင်ရွက်ရေး အဖွဲ့ကနေ ရန်ပုံငွေ
တောင်းခံမှုတွေကို လွတ်လပ်တဲ့ ကျွမ်းကျင်သူ အဖွဲ့ကနေ သုံးသပ်စဉ်းစားတာ
Global Fund ရဲ့ လုပ်ထုံးလုပ်နည်း တခုပါပဲ။ အဲဒီအဖွဲ့ကနေ
အကြံပေးချက်တွေအတိုင်း Global Fund အုပ်ချုပ်ရေးအဖွဲ့ကနေ
မြန်မာနိုင်ငံကို အခုလို ပြန်ပြီး အကူအညီတွေပေးဖို့ ဆုံးဖြတ်လိုက်တာပါ။”
မြန်မာနိုင်ငံတွင်း သွားလာမှု အကန့်အသတ်တွေနဲ့ အခြား
တင်းကျပ်မှုတွေကြောင့် Global Fund အဖွဲ့ကြီးအနေနဲ့
သူတို့လုပ်ငန်းတွေအပေါ် ပြန်မသုံးသပ်နိုင်တဲ့ အခြေအနေ ဆိုက်ရောက်ပြီး
၂၀၀၅ ခုနှစ်မှာ မြန်မာနိုင်ငံတွင်း အကူအညီတွေကို ရပ်ဆိုင်းခဲ့ပါတယ်။ အခု
အကူအညီတွေ ပြန်ပေးမယ်ဆိုတော့ ဒီလို အကန့်အသတ်တွေကို
ကျော်လွှားနိုင်ပါ့မလား စဉ်းစားစရာပါ။
ဒီအတွက်တော့ Global Fund အနေနဲ့ မြန်မာအာဏာပိုင်တွေနဲ့
ညှိနှိုင်းဆွေးနွေးရဦးမှာဖြစ်ပြီး အကူအညီတွေ ရောက်မရောက်
သုံးသပ်ခွင့်ရဖို့၊ လိုအပ်သူတွေထံကို ထိထိရောက်ရောက်
ပံ့ပိုးကူညီနိုင်ဖို့ Global Fund စံထား သတ်မှတ်ချက်တွေကိုတော့
အလျှော့ပေးနိုင်မှာ မဟုတ်ဘူးလို့ နာလင်း မာထာက ပြောပါတယ်။
“အခုအခြေအနေက အကူအညီတွေပေးဖို့ ရန်ပုံငွေ အတည်ပြုပေးလိုက်တဲ့ အဆင့်ပါ။
အကူအညီတွေပေးဖို့ အပြန်အလှန် သဘောတူညီချက် မရသေးပါဘူး။ သဘောတူညီချက်
လက်မှတ်ထိုးဖို့ ညှိနှိုင်းမှုတွေကိုတော့ Global Fund နဲ့ အာဏာပိုင်တွေ
အကြားမှာ နောက်အပတ်မှာ စပြီး ဆွေးနွေးဆောင်ရွက်သွားဖို့ ရှိပါတယ်။
Global Fund မှာရှိတဲ့ တင်းကျပ်တဲ့ မူဝါဒကတော့ ဒီရန်ပုံငွေတွေနဲ့
ရောဂါတိုက်ဖျက်ရေး လက်တွေ့ အကောင်အထည်ဖော်တဲ့ အပိုင်းမှာ ထိရောက်မှု
ရှိဖို့ပါ။ ဒီအချက်ကိုတော့ ကျနော်တို့ ဘယ်လိုမှ အလျှော့ပေးမှာ
မဟုတ်ပါဘူး။”
Global Fund ရန်ပုံငွေကြေးတွေ သုံးစွဲဖို့ကို အဓိကထား
အကောင်အထည်ဖော်မယ့် အဖွဲ့ဖြစ်တဲ့ Coordination Mechanism
ညှိနှိုင်းဆောင်ရွက်မှု အဖွဲ့ထဲမှာတော့ မြန်မာအာဏာပိုင်တွေထဲက ကျန်းမာရေး
ဝန်ကြီးဌာန၊ ပြည်ထဲရေး ၀န်ကြီးဌာနနဲ့ နိုင်ငံခြားရေး ၀န်ကြီးဌာနက
အဆင့်မြင့် အရာရှိတွေ ပါဝင်သလို ရန်ကုန်အခြေစိုက် ကုလသမဂ္ဂ အေဂျင်စီက
တာဝန်ရှိသူတွေလည်း ပါဝင်ပါတယ်။ ဒါ့အပြင် အစိုးရမဟုတ်တဲ့ အဖွဲ့အစည်းတွေက
ကိုယ်စားလှယ်တွေ ပါဝင်သလို အစိုးရအဖွဲ့တပိုင်း ဖြစ်နေတဲ့ မြန်မာနိုင်ငံ
အမျိုးသမီးရေးရာအသင်း၊ မြန်မာနိုင်ငံ ကြက်ခြေနီအသင်းတွေက
တာဝန်ရှိသူတွေလည်း ပါဝင်ပါတယ်။
ဒါပေမဲ့ ရန်ပုံငွေ သုံးစွဲမှုတွေကိုတော့ Global Fund ကပဲ စောင့်ကြပ်
ကြည့်ရှုသွားမှာ ဖြစ်တာကြောင့် ဒီလိုလုပ်နိုင်ဖို့ လုပ်ငန်းတွေ
အကောင်အထည် ဖော်နေတဲ့ ဒေသတွေအထိ သွားရောက်စစ်ဆေးခွင့်၊ သတင်းအချက်အလက်
ရယူခွင့်တွေ ရဖို့ Global Fund ဘက်က လိုလားနေပါတယ်။ ဒါမှလည်း
သူတို့အနေနဲ့ တကယ့် ရန်ပုံငွေ လိုအပ်ချက် အတိုင်းအတာကို
အကဲဖြတ်နိုင်မယ်လို့ မစ္စတာ နာလင်း မာထာက ပြောပါတယ်။
၂၀၀၅ ခုနှစ် Global Fund အဖွဲ့ကြီး လုပ်ငန်းတွေ
ရပ်ဆိုင်းလိုက်စဉ်တုန်းကတော့ ထောက်ခံသူတွေ ရှိသလို အချို့ကတော့ ဒါဟာ
နိုင်ငံရေးပယောဂ ပါတယ်ဆိုပြီး ဝေဖန်သူတွေ၊ မကြိုက်သူတွေလည်း ရှိပါတယ်။
Global Fund ထွက်သွားတဲ့နောက် ဥရောပနိုင်ငံအချို့က ကြီးမှူးပြီး
ရောဂါသုံးမျိုး တိုက်ဖျက်ရေးအတွက် 3D Fund ဆိုပြီး ရန်ပုံငွေအဖွဲ့
မတည်ခဲ့ပါတယ်။
လူထုကျန်းမာရေးဆိုင်ရာ ကျွမ်းကျင်သူတွေကတော့ မြန်မာနိုင်ငံမှာ တီဘီ၊
အေ့ဒ်စ်၊ ငှက်ဖျား ဒီရောဂါ သုံးမျိုးလုံးဟာ ကျယ်ကျယ်ပြန့်ပြန့်
မထိန်းနိုင် မသိမ်းနိုင် ပျံ့နှံ့နေတာမို့ ဒီရောဂါတွေ တိုက်ဖျက်ရေး
လုပ်ငန်းတွေအတွက် အခုလို နိုင်ငံတကာ အကူအညီတွေကို ပိုလို့
မျှော်လင့်နေကြပါတယ်။
ဗွီအိုအေမှ ကူးယူဖော်ပြသည်။
............................................................................................
ပုသိမ်အနီး ခရီးသည်တင်သင်္ဘော တိမ်းမှောက်၊ ၄၀ နီးပါး ပျောက်ဆုံး
16
November 2009
ပုသိမ်မြို့ကနေ သက္ကယ်သောင်ရွာကို ခုတ်မောင်းလာတဲ့ သင်္ဘော မနေ့ညပိုင်းက
တခြား ကုန်တင်သင်္ဘော တစင်းနဲ့ တိုက်မိပြီး တိမ်းမှောက်ခဲ့ပါတယ်။ လူ ၁၇၀
ကျော် တင်ဆောင်လာတဲ့ ဒီသင်္ဘောမှာ လူ ၈ ဦး သေဆုံးခဲ့ရပြီး ၁၂၀ နီးပါး
ကယ်တင်နိုင်ခဲ့ပြီး လူတော်တော်များများ ပျောက်ဆုံးနေဆဲ ဖြစ်ပါတယ်။
အပြည့်အစုံကို မသင်းသီရိက တင်ပြပေးထားပါတယ်။
ပုသိမ်မြို့ကနေ သက္ကယ်သောင်ရွာကို ခုတ်မောင်း ပြေးဆွဲနေတဲ့
နေမျိုးထွန်းကြီး အမည်ရှိတဲ့ သင်္ဘောဟာ မနေ့ည ၇ နာရီ ပုသိမ်ကအထွက်
ရှမ်းငူရွာအနီး ည ၉ နာရီ ၀န်းကျင်လောက်မှာ ပစ္စည်းတွေတင်လာတဲ့ စီဘီ
ကုန်သင်္ဘောနဲ့ တိုက်မိရာက တိမ်းမှောက်ခဲ့တာ ဖြစ်တယ်လို့
သက္ကယ်သောင်ရွာသားတဦးက ပြောပါတယ်။
“ပုသိမ်က ထွက်လာပြီး ရှမ်းငူရွာနားမှာ ည ၉ နာရီလောက်က မှောက်ပါတယ်။
စီဘီတွဲတခုနဲ့ တိုက်တယ်လို့တော့ ကြားတယ်။ စီဘီတွဲဆိုတာ ကျောက်တို့၊
ဆီတို့ အဲဒါမျိုး တင်တဲ့ဟာကို ခေါ်တာပဲ။ နောက်ဆက်တွဲ သတင်းကတော့
ကျနော်တို့ဒေသက လူတွေ ပါလိမ့်မယ်လို့တော့ ထင်တယ်။ ဒါပေမဲ့ ဘယ်သူတွေ
ပါတယ်ဆိုတာတော့ တိတိကျကျ မသိဘူး။”
ခရီးသည် ၁၇၀ ကျော် တင်လာတဲ့ ဒီသင်္ဘောမှာ တိမ်းမှောက်ချိန်ကစလို့
ကူညီကယ်ဆယ်ရေးတွေ လုပ်ပေးရာက အခု အသက်ရှင်လျက် လူဦးရေ ၁၂၀ နီးပါး
ကယ်တင်နိုင်ပေမဲ့ လူ ၄၀ ကျော် ပျောက်ဆုံးနေဆဲ ဖြစ်တယ်လို့လည်း ဆိုပါတယ်။
သင်္ဘောထဲမှာပါတဲ့ ခရီးသည် အများစုဟာ သက္ကယ်သောင်ရွာသားတွေ
ဖြစ်ဖို့များပြီး အထူးသဖြင့် ကောက်ရိပ်ဖို့ အငှားလာကြတဲ့
အလုပ်သမားတွေနဲ့ လယ်ရှင်တွေ ဖြစ်ဖို့များတယ်လို့ ပြောပါတယ်။
ဒါကြောင့် ဒီနေ့ မနက်မှာတော့ သက္ကယ်သောင်ရွာသားတချို့ သင်္ဘောမှောက်တဲ့
ရှမ်းငူရွာကို သွားနေကြပေမဲ့ စာရင်းအတိအကျ မသိရသေးဘူးလို့လည်း သူက
ဆက်ပြောပြပါတယ်။
“ပါမယ်ထင်တဲ့လူတချို့ ဖုန်းနဲ့ နည်းနည်းပါးပါး အဆက်အသွယ်ရတဲ့
လူကြတော့လည်း ကောက်ရိပ်သားတွေ သွားငှားတဲ့ လူတွေကြတော့လည်း သူတို့
ကောက်ရိပ်သားခေါ်ပြီး ပြန်ဆင်းမယ်လို့ ပထမရက်က သတင်းရထားတဲ့ လူမျိုးတွေက
ပါတယ်ထင်လို့ တချို့လယ်သမားတွေတော့ ပုသိမ်ကို စက်လှေငှားပြီး
လိုက်သွားတဲ့လူတွေတော့ ကြားတယ်။
“ကျနော်တို့ ဒီမှာတော့ သင်္ဘောတွေပဲ အားကိုးပြီး သွားရတာပေါ့။
ကုန်းလမ်းခရီး မရှိတဲ့အခါကြတော့ သင်္ဘောနဲ့ပဲ အားကိုးပြီး သွားရတော့
ဆက်သွယ်ရေး လမ်းကြောင်းကတော့ အဲဒီတခုပဲ လောလောဆယ်
အားကိုးရတဲ့လမ်းကြောင်း ဖြစ်တာပေါ့။”
သက္ကယ်သောင်ရွာသားတဦးက သင်္ဘောမှောက်တဲ့ အခြေအနေကို ပြောပြခဲ့တာ
ဖြစ်ပါတယ်။
လက်ရှိမှာတော့ ပုသိမ်အာဏာပိုင်တွေနဲ့ ရှမ်းငူရွာ ဒေသခံ အာဏာပိုင်တွေက
ကူညီ ကယ်ဆယ်ရေးတွေ လုပ်ပေးနေကြပြီး ကယ်တင်ထားနိုင်တဲ့ လူတွေက
ရှမ်းငူရွာမှာ ရှိနေတယ်လို့ ပြောပါတယ်။
မြန်မာနိုင်ငံမှာ ၂၀၀၇ ခုနှစ် နာဂစ်မုန်တိုင်း ပြီးကတည်းက
ပုသိမ်အနီးအနားက ရွာတ၀ိုက်ကို ညပိုင်း သင်္ဘောထွက်ခွင့် တားမြစ်ထားပေမဲ့
ပြီးခဲ့တဲ့ လပိုင်းကမှ ညဘက်သင်္ဘောကို ပြန်ထွက်ခွင့်ပြုထားတာ ဖြစ်ပါတယ်။
အထူးသဖြင့် အဲဒီနေရာတွေက ရေကြောင်းကိုသာ အထူးအားထားပြီး သွားရတဲ့
နေရာတွေ ဖြစ်ပါတယ်။
ဗွီအိုအေမှ ကူးယူဖော်ပြသည်။
....................................................................................................
ဒေါ်အောင်ဆန်းစုကြည်ကို လွှတ်ပေးဖို့ အိုဘားမား တိုက်ရိုက် တောင်းဆို
15
November 2009
နေအိမ်အကျယ်ချုပ် ကျနေတဲ့ မြန်မာ့ဒီမိုကရေစီခေါင်းဆောင်
ဒေါ်အောင်ဆန်းစုကြည်ကို ပြန်လွှတ်ပေးဖို့ အမေရိကန်သမ္မတ ဘရက်ခ် အိုဘားမား
(Barack Obama) က မြန်မာစစ်ခေါင်းဆောင်တွေကို ထပ်ပြီး
တောင်းဆိုလိုက်ပါတယ်။ ဒါပေမဲ့ ဒီတခါ တောင်းဆိုတဲ့အချိန်မှာ
ထူးခြားတာကတော့ မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန်
ကိုယ်တိုင် ရှိနေတဲ့ အစည်းအဝေးခန်းထဲမှာ အမေရိကန် သမ္မတက
တောင်းဆိုခဲ့တာပါ။ မြန်မာဝန်ကြီးချုပ်နဲ့ အမေရိကန် သမ္မတတို့ တိုက်ရိုက်
စကားပြောဆို ဖြစ်ခဲ့ကြသလား၊ အမေရိကန် သမ္မတက အခုလို တည့်တည့်
တောင်းဆိုတဲ့အပေါ် မြန်မာအတိုက်အခံတွေဘက်ရော ဘယ်လို တုံ့ပြန်ခဲ့သလဲ၊
စတာတွေကို ကိုကျော်ကျော်သိန်းက တင်ပြထားပါတယ်။
မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန်နဲ့ အမေရိကန်သမ္မတ
ဘရက်ခ် အိုဘားမားတို့ဟာ အစည်းအဝေး ခန်းမထဲမှာ သူတို့နှစ်ယောက်ကြားထဲ
သုံးယောက်ပဲခြားပြီး ထိုင်နေခဲ့ကြပေမဲ့ တယောက်နဲ့တယောက် စကား
တည့်တည့်မပြော၊ လက်ဆွဲ နှုတ်ဆက်တာလည်း မရှိခဲ့ဘူးလို့ စင်ကာပူကလာတဲ့
သတင်းတွေမှာ တွေ့ရပါတယ်။ ဒါပေမဲ့ အာရှ ပစိဖိတ် စီးပွားရေး
ပူးပေါင်းဆောင်ရွက်မှုအဖွဲ့ အေးပက် (APEC) ထိပ်သီးအစည်းအဝေး ပြင်ပမှာ
အာဆီယံ (ASEAN) အရှေ့တောင်အာရှ နိုင်ငံများအဖွဲ့ ခေါင်းဆောင် ၁၀
ယောက်နဲ့ သီးခြား တွေ့ဆုံဆွေးနွေးတဲ့အချိန်မှာ မစ္စတာအိုဘားမားက
တိုက်ရိုက် တောင်းဆိုခဲ့တာပါ။
ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ အားလုံးကို
လွှတ်ပေးပြီး လူနည်းစု လူမျိုးစုတွေအပေါ် ဖိနှိပ်နေတာတွေကို အဆုံးသတ်ဖို့
မစ္စတာအိုဘားမားက တောင်းဆိုခဲ့တယ်လို့ အမေရိကန်သမ္မတ အိမ်ဖြူတော်
ပြောရေးဆိုခွင့်ရှိသူ ရောဘတ် ဂစ်ဘ်စ် (Robert Gibbs) က သတင်းထောက်တွေကို
ပြောခဲ့ပါတယ်။
မစ္စတာအိုဘားမားက စင်ကာပူကို မလာခင် ဂျပန်နိုင်ငံမှာ ကတည်းက အခုလို
တောင်းဆိုခဲ့တာဖြစ်ပြီး မြန်မာခေါင်းဆောင်နဲ့ အစည်းအဝေးခန်း တခုထဲမှာ
ရှိနေတဲ့အချိန် ထပ်တောင်းဆိုလိုက်တဲ့အပေါ် ကြိုဆိုပါတယ်လို့
အမျိုးသားဒီမိုကရေစီ အဖွဲ့ချုပ် (NLD) ပြောရေးဆိုခွင့်ရှိသူ
ဦးဉာဏ်ဝင်းက ပြောပါတယ်။
“အခု အေးပက် အစည်းအဝေးမှာ မြန်မာခေါင်းဆောင်ကြီးများ ရှိတဲ့အချိန်မှာ
ပြောတာပါ။ အမေရိကန်နိုင်ငံရဲ့ မြန်မာနိုင်ငံအပေါ် သဘောထားနဲ့ ပတ်သက်ရင်
ခိုင်ခိုင်မာမာပဲ ဆက်လက်ရှိနေတာကို ကျနော်တို့ တွေ့ရတဲ့အတွက်
ကြိုဆိုပါတယ်။ ပြီးတော့ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားများ
လွှတ်ရေးဆိုတာဟာ မြန်မာနိုင်ငံရဲ့ အရေးကိစ္စတွေမှာ အဓိက အခန်းက ပါတယ်။
ဒါကိုလည်း မြန်မာနိုင်ငံ ခေါင်းဆောင်များ သဘောပေါက်လာပြီ၊ သဘောပေါက်ဖို့
နီးစပ်တယ်လို့ ကျနော်တို့တော့ ဒီလိုပဲမြင်ပါတယ်။”
ဒီလို တောင်းဆိုတဲ့အပေါ် မြန်မာဝန်ကြီးချုပ်က သော်လည်းကောင်း၊ တခြား
အာဆီယံ ခေါင်းဆောင်တွေက သော်လည်းကောင်း ဘယ်လို တုံ့ပြန်
ပြောဆိုခဲ့သလဲဆိုတာ သတင်းတွေမှာ မတွေ့ရပေမဲ့ ဆွေးနွေးပွဲအပြီး
ထုတ်ပြန်မယ့် ကြေညာချက်ထဲမှာတော့ ဒီလို တောင်းဆိုတဲ့စာပိုဒ် ပါလာမှာ
မဟုတ်တော့ပါဘူး။ အရင်က ရေးထားတဲ့ ထုတ်ပြန်ချက် မူကြမ်းမှာ
ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေကို လွှတ်ပေးဖို့
တောင်းဆိုတဲ့စာပိုဒ် ပါပေမဲ့ နောက်ဆုံးထွက်လာမယ့်မူမှာ မပါတော့ဘူးလို့
ထုတ်ပြန်ချက် မိတ္တူတွေကို ဖတ်ရတဲ့ အေပီသတင်းက ရေးပါတယ်။ ဘာ့ကြောင့်
ဒီစာပိုဒ်ကို ဖြုတ်လိုက်တာလဲ ဆိုတာကိုတော့ ရှင်းရှင်းလင်းလင်း
မသိရပါဘူး။
မြန်မာ အပါအ၀င် အာဆီယံခေါင်းဆောင် ၁၀ ယောက်စလုံးနဲ့ တစားပွဲထဲထိုင်ပြီး
စည်းဝေးတာမျိုးဟာ အမေရိကန်သမ္မတ တယောက်အနေနဲ့ ဒါ ပထမဆုံးပါပဲ။ အရင်သမ္မတ
ဂျော့ခ်ျ ဒဗလျူ ဘုရှ် (George W.Bush) လက်ထက်ကဆိုရင် မြန်မာနိုင်ငံ
ပါဝင်တဲ့အတွက် အေးပက် အစည်းအဝေးကိုတောင်မှ မတက်ခဲ့ပါဘူး။ အမေရိကန်က
မြန်မာနိုင်ငံကို ဒဏ်ခတ် အရေးယူထားတာတွေ မရုပ်သိမ်းသေးပေမဲ့
ထိတွေ့ဆက်ဆံမှုလည်း လုပ်သွားမယ်ဆိုပြီး ကြေညာထားခဲ့ပြီးတဲ့နောက်
ဒီမူဝါဒကို အမေရိကန်သမ္မတ ကိုယ်တိုင်က လက်တွေ့
ကျင့်သုံးပြလိုက်တယ်လို့လည်း ဆိုရမှာပါ။ ဒါပေမဲ့လည်း ထိတွေ့ဆက်ဆံတာရော၊
ဒဏ်ခတ် အရေးယူတာရော နည်းလမ်းနှစ်ခုစလုံးကို တပြိုင်နက်တည်း
ကိုင်စွဲအသုံးပြုတာဟာ အလုပ်ဖြစ်ပါ့မလားဆိုတဲ့ သံသယတွေကလည်း ရှိနေပါတယ်။
ဦးဉာဏ်ဝင်းကတော့ ဒီလို နည်းလမ်းနှစ်ခုစလုံးကို အသုံးပြုတဲ့အပေါ်
မှန်ကန်တယ်လို့ သဘောထားပါတယ်။
“Engage လုပ်တဲ့အခါမှာ အပြန်အလှန် ဟိုဘက်ဒီဘက် ဆွေးနွေးကြမယ်၊
ညှိနှိုင်းကြမယ်။ ဒီသဘောတူညီချက် အပေါ်မှာ မူတည်ပြီးတော့၊ Direct
Engagement ပေါ်မှာ မူတည်ပြီးတော့ Sanctions ရုပ်သိမ်းရေးကလည်း
တပြိုင်တည်း ပေါ်ပေါက်လာမယ့် ကိစ္စမျိုးပါ။ ဒါကြောင့် အဲဒီမူဝါဒ
ထားရှိတယ်လို့ မစ်စ်ကလင်တန်က ကြေညာပြီး နာရီပိုင်းအတွင်းမှာ
ကျနော်ကိုယ်တိုင်ပဲ ဒီဥစ္စာကို ကြိုဆိုတယ်။ ဘာဖြစ်လို့လဲဆိုတော့ ပြောကြ
ဆိုကြဖို့ လိုတယ်။ ပြောကြ ဆိုကြမှ ပြောကြ ဆိုကြတဲ့အပေါ် မူတည်ပြီး အလုပ်
လုပ်လို့ရမယ်။ မပြော မဆိုရင် ဘာမှ လုပ်လို့မရဘူး။ ဒါဟာ ဒီ Engagement
ကိုလည်း ကျနော်တို့ ထောက်ခံတဲ့ အရေးကြီး အကြောင်းအချက် တခုအနေနဲ့
ပြောချင်တာပါ။”
NLD ပြောရေးဆိုခွင့်ရှိသူ ဦးဉာဏ်ဝင်း ပြောပြသွားတာ ဖြစ်ပါတယ်။
အမေရိကန်က မူဝါဒ ပြောင်းလဲကျင့်သုံးမယ်လို့ ကြေညာလိုက်ပြီး ကတည်းက
ဆက်တိုက်ဆိုသလိုပဲ အပြုသဘောဆောင်တဲ့ ထိတွေ့ဆက်ဆံတာတွေ လုပ်လာခဲ့ပါတယ်။
နောက်ဆုံး တောက်လျှောက် ပြစ်တင်ဝေဖန်လာခဲ့တဲ့
မြန်မာစစ်ခေါင်းဆောင်နဲ့တောင် အစည်းအဝေးခန်း တခုထဲမှာ အတူထိုင်ပြီး
ဆွေးနွေးတာမျိုးအထိ ရှိလာပါတယ်။ ဒါပေမဲ့လည်း မြန်မာစစ်ခေါင်းဆောင်တွေ
ဘက်မှာတော့ သိသာထင်ရှားတဲ့ အပြောင်းအလဲတွေ လုပ်ပြတာမျိုး၊
မြန်မာ့ဒီမိုကရေစီရေးအတွက် ထင်ရှားတဲ့ တိုးတက်မှုတွေ မြင်ရအောင်
လုပ်ပြတာမျိုး ခုချိန်ထိ မရှိသေးဘူးလို့ မြန်မာ့အရေး လေ့လာသူတွေကို
ထောက်ပြ ပြောဆိုကြပါတယ်။
ဗွီအိုအေမှ ကူးယူဖော်ပြသည်။
.......................................................................................................
မြန်မာ့ဒီမိုကရေစီအရေး အမေရိကန် အပေးအယူ လုပ်မည်မဟုတ်
11
November 2009
အမေရိကန်ပြည်ထောင်စု အနေနဲ့ မြန်မာနိုင်ငံမှာ ဒီမိုကရေစီ အပြောင်းအလဲတွေ
ပေါ်ပေါက်လာအောင် ဘာလုပ်ရမယ်ဆိုပြီး အမိန့်ပေး ညွှန်ကြားတာမျိုးတွေ
လုပ်မှာမဟုတ်သလို စည်းကမ်းသတ်မှတ်ချက်တွေ ပြဋ္ဌာန်းမထားတဲ့အကြောင်း
အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) က
ပြောဆိုသွားပါတယ်။ ဒါပေမဲ့လည်း မြန်မာစစ်အစိုးရ ကျင်းပမယ့်
ရွေးကောက်ပွဲကို လွတ်လပ်ပြီး တရားမျှတတဲ့ ရွေးကောက်ပွဲတခု ဖြစ်အောင်
တိုက်တွန်းဖို့ ဒေသတွင်း နိုင်ငံတွေကို ပြောဆိုသွားပါတယ်။ အသေးစိတ်ကို
ကိုသိန်းထိုက်ဦးက တင်ပြပေးထားပါတယ်။
စင်ကာပူမှာ ကျင်းပနေတဲ့ အာရှ ပစိဖိတ်ဒေသ စီးပွားရေး
ပူးပေါင်းဆောင်ရွက်ရေးအဖွဲ့ အေးပက် (APEC) အစည်းအဝေးမှာ အမေရိကန်
နိုင်ငံခြားရေးဝန်ကြီး ဟီလာရီ ကလင်တန်က မြန်မာနိုင်ငံမှာ အပြောင်းအလဲတွေ
ပေါ်ပေါက်လာရေး စစ်အစိုးရကို ဖိအားပေးဖို့ အမေရိကန် ပြည်ထောင်စု အနေနဲ့
ကြိုတင် စည်းကမ်းသတ်မှတ်ချက်တွေ ချမထားဘူးလို့ ပြောဆိုလိုက်တာပါ။
ဒါပေမဲ့လည်း ဒီမိုကရေစီရေးအတွက် အရေးကြီးတဲ့ နေရာတွေမှာ အဓိပ္ပာယ်ရှိတဲ့
တိုးတက်မှုတွေ ပေါ်ပေါက်လာတဲ့အထိ စစ်အစိုးရအပေါ် အရေးယူ ပိတ်ဆို့မှုကိုတော့
ပြဋ္ဌာန်းသွားမယ်လို့ ပြောဆိုလိုက်ပါတယ်။
ဒါ့အပြင် ဒေသတွင်းနိုင်ငံတွေ အနေနဲ့ တနိုင်ငံချင်းစီပဲဖြစ်ဖြစ်၊ အာဆီယံက
တဆင့်ပဲဖြစ်ဖြစ် မြန်မာစစ်အစိုးရ ခေါင်းဆောင်တွေကို သူတို့ကျင်းပမယ့်
ရွေးကောက်ပွဲ လွတ်လပ်ပြီး တရားမျှတတဲ့ ရွေးကောက်ပွဲဖြစ်အောင်
တိုက်တွန်းနားချဖို့ ဟီလာရီ ကလင်တန်က ပြောဆိုသွားပါတယ်။
“မြန်မာနိုင်ငံတွင်း နိုင်ငံရေး အခြေအနေ၊ ရွေးကောက်ပွဲ လွတ်လပ်
တရားမျှတပြီး ဒီမိုကရေစီခေါင်းဆောင် ဒေါ်အောင်ဆန်းစုကြည် ပါဝင်ခွင့်ကို
အမေရိကန် ပြည်ထောင်စုက တိုက်တွန်းနေပေမဲ့လည်း ဒီကိစ္စက မြန်မာပြည်
အတွင်းကသာ ဖြေရှင်း ဆောင်ရွက်ရမယ့်ကိစ္စ ဖြစ်တယ်။” လို့လည်း သူက
သတင်းထောက်တွေကို ပြောပါတယ်။
မြန်မာနိုင်ငံမှာ ဒီမိုကရေစီ အပြောင်းအလဲတွေ ပေါ်လာဖို့အတွက် တရုတ်နဲ့
အိန္ဒိယနိုင်ငံတွေ အနေနဲ့လည်း တွန်းတွန်းတိုက်တိုက် ဆောင်ရွက်ဖို့
နိုင်ငံခြားရေးဝန်ကြီး ဟီလာရီ ကလင်တန်က ပြောဆိုသွားပါတယ်။
၁၉၆၂ ခုနှစ် ကတည်းက စစ်တပ်အုပ်ချုပ်ရေးအောက်မှာ ရောက်နေတဲ့
မြန်မာနိုင်ငံရဲ့ အခြေအနေကို ပြောင်းလဲဖို့ ဒေသတွင်း နိုင်ငံတွေရဲ့
ကျယ်ပြန့်တဲ့ တုံ့ပြန် အရေးယူမှုတွေ လိုအပ်တဲ့အကြောင်း သူက
ပြောဆိုသွားပါတယ်။
အမေရိကန် ပြည်ထောင်စုဟာ မြန်မာစစ်အစိုးရ ကျင်းပဖို့ စီစဉ်ထားတဲ့
ရွေးကောက်ပွဲကို လွတ်လပ်ပြီး တရားမျှတတဲ့ ရွေးကောက်ပွဲတခုဖြစ်အောင်
တွန်းအားပေးနေပေမဲ့ NLD အမျိုးသားဒီမိုကရေစီ အဖွဲ့ချုပ်ကတော့
မြန်မာစစ်အစိုးရ အတည်ပြုထားတဲ့ ဖွဲ့စည်းပုံ အခြေခံဥပဒေပါ
ဒီမိုကရေစီနည်းလမ်း မကျတဲ့ အချက်တွေကို ပြင်ဆင်ဖို့အတွက် အဓိက
တောင်းဆိုနေတာပါ။
ဒါပေမဲ့လည်း နိုင်ငံတကာက ရွေးကောက်ပွဲ တရားမျှတရေးကိုသာ အဓိကထား
ပြောနေတဲ့အတွက် NLD ရဲ့ တောင်းဆိုချက်ကို ပစ်ပယ်သလို ဖြစ်မနေဘူးလား၊
အမျိုးသားဒီမိုကရေစီ အဖွဲ့ချုပ် သတင်းနဲ့ ပြန်ကြားရေးအဖွဲ့ တာဝန်ရှိသူ
တဦးဖြစ်တဲ့ ဦးခင်မောင်ဆွေကို မေးကြည့်ပါတယ်။
“သူတို့ ဒီမှာ လာတုန်းကလည်း အခြေခံဥပဒေ ပြင်ဆင်ရေးကို သူတို့က
စပြောသွားတာ မရှိပါဘူး။ ကျနော်တို့ ယူဆတာကတော့ အခြေခံဥပဒေ ပြင်ဆင်ခွင့်
မပါဘဲနဲ့ ရွေးကောက်ပွဲတွေကို ၀င်ဖို့ဆိုတာဟာ အတော်ကြီးကို စဉ်းစားရမဲ့
အနေအထား၊ အနိုင်ရပါတီ တရပ်အနေနဲ့ ရွေးကောက်ပွဲတခုကို သွားဖို့နေရာမှာ
ပြီးခဲ့တဲ့၊ အနိုင်ရခဲ့တဲ့ ရလဒ်ကို ချန်ထားပြီး သွားမယ်ဆိုရင်
ပြည်သူလူထုကို စော်ကားရာ ရောက်မယ်။
“ရွေးကောက်ပွဲ နိုင်မထားတဲ့ နိုင်ငံရေးပါတီတွေ အနေနဲ့တော့
ဘယ်လိုပဲဖြစ်ဖြစ် လာမယ့် ရွေးကောက်ပွဲကို ၀င်သွားလို့ ရပါတယ်။
ကျနော်တို့ ပါတီလို အနိုင်ရထားတဲ့ ပါတီမျိုးဟာ ဒီလိုသာ ပြီးခဲ့တဲ့
ရွေးကောက်ပွဲရလဒ်ကို လျစ်လျူရှုပြီးတော့ သွားမယ်ဆိုရင် ပြည်သူ့ဆန္ဒကို
မလေးစားရာ ရောက်မယ်ဆိုရင် နိုင်ငံရေးပါတီ တခုအနေနဲ့ ရှေ့အလားအလာ
မကောင်းပါဘူး။
“ဒါကြောင့် ကျနော်တို့က ၉၀ ခုနှစ် ရွေးကောက်ပွဲ ရလဒ်ကို တနည်းနည်းနဲ့
အဆုံးသတ်ပေးဖို့၊ ဖြေရှင်းပေးဖို့ တောင်းဆိုနေတာ ဖြစ်တယ်။
ထို့နည်းတူစွာပဲ အခြေခံဥပဒေကို ပြင်ပေးဖို့ တောင်းဆိုတာဟာလည်း
ဒီမိုကရေစီ ထွက်ပေါက်ကို ထွက်နိုင်အောင်လို့သာ တောင်းဆိုနေတာ ဖြစ်ပါတယ်။
“သို့သော်လည်း အမေရိကန် အစိုးရ အနေနဲ့ ဒီမှာလာပြီးတော့ ဒီမိုကရေစီ
ပြုပြင်ပြောင်းလဲမှုတွေ ဖြစ်အောင်သာလျှင် သူတို့က အားပေးထောက်ခံတာ
ဖြစ်ပြီး အဲဒီလို ပြုပြင်ပြောင်းလဲရေးတွေ ဖြစ်ပေါ်လာမယ်ဆိုရင်
နိုင်ငံတွင်းမှာရှိတဲ့ ဒီမိုကရေစီ အင်အားစုတွေဟာ ကိုယ့်နည်းကိုယ့်ဟန်နဲ့
ကိုယ့်နိုင်ငံ ဒီမိုကရေစီ ဖော်ဆောင်မှုတွေကို ကိုယ့်ဘာသာ
ဆွေးနွေးပြီးတော့ အခြေခံဥပဒေ ပြင်ဆင်ရေး အပါအ၀င် အားလုံးသော နိုင်ငံရေး
ပြဿနာတွေကို ကိုယ့်နည်းကိုယ့်ဟန်နဲ့ ဖြေရှင်းကြဖို့ ဖြစ်တယ်ဆိုတဲ့
သဘောထား ရှိတယ်ဆိုတာ ကျနော်တို့ သိရပါတယ်။
“ဒါကြောင့် လောလောဆယ်မှာတော့ သူတို့က ၀င်ရောက်ပြီး အခြေခံဥပဒေကို
ပြင်ဆင်ပေးဖို့ သူတို့က သူတို့ကိုယ်တိုင် တောင်းဆိုခြင်း မရှိတာလို့ပဲ
ယူဆရပါလိမ့်မယ်။”
NLD အမျိုးသားဒီမိုကရေစီ အဖွဲ့ချုပ် သတင်းနဲ့ ပြန်ကြားရေးအဖွဲ့
တာဝန်ရှိသူ တဦးဖြစ်တဲ့ ဦးခင်မောင်ဆွေ ပြောပြသွားတာ ဖြစ်ပါတယ်။
ရွေးကောက်ပွဲ တရားမျှတရေးအတွက် စစ်အစိုးရကို တိုက်တွန်းပေးဖို့
ဒေသတွင်းနိုင်ငံတွေကို အမေရိကန် နိုင်ငံခြားရေးဝန်ကြီး ဟီလာရီ ကလင်တန်
ပြောဆိုလိုက်တဲ့ အချိန်ဟာ လာမယ့် တနင်္ဂနွေနေ့ မြန်မာနိုင်ငံ အပါအ၀င်
အာဆီယံအဖွဲ့ဝင် ၁၀ နိုင်ငံနဲ့ အမေရိကန်သမ္မတ ဘရက်ခ် အိုဘားမား (Barack
Obama) တို့ တွေ့ဆုံဖို့ စီစဉ်ထားတဲ့ အချိန်နဲ့လည်း တိုက်ဆိုင်နေပါတယ်။
အဲဒီ တွေ့ဆုံတဲ့ အချိန်မှာလည်း အမေရိကန် ပြည်ထောင်စုနဲ့ အာဆီယံ
နိုင်ငံတွေက မြန်မာစစ်အစိုးရကို သူတို့ကျင်းပမယ့် ရွေးကောက်ပွဲ
လွတ်လပ်ပြီး တရားမျှတတဲ့ ရွေးကောက်ပွဲ ဖြစ်ရေးအတွက်
တိုက်တွန်းပြောဆိုဦးမှာ ဖြစ်တဲ့အကြောင်း AP သတင်းဌာနက
သတင်းထုတ်ပြန်ထားပါတယ်။
ဗွီအိုအေမှ ကူးယူဖော်ပြသည်။
...................................................................................
နိုင်ငံ့ရှေ့ရေးနဲ့ ပတ်သက်လို့ ဒေါ်အောင်ဆန်းစုကြည် သဘောထား
ထုတ်ပြန်ဖွယ်ရှိ
11
November 2009
နေအိမ်မှာအကျယ်ချုပ်နဲ့ ဆက်ပြီး ထိန်းသိမ်းခံထားရတဲ့
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ သူမရဲ့
အကျိုးဆောင်ရှေ့နေလည်းဖြစ်၊ NLD ပါတီ ပြောခွင့်ရသူလည်း ဖြစ်တဲ့
ဦးဉာဏ်ဝင်းတို့ ဒီကနေ့ နေ့လယ်က တွေ့ဆုံခွင့် ရခဲ့ပါတယ်။ ဒီလို
တွေ့ဆုံတဲ့အချိန်မှာ နိုင်ငံအတွက် အရေးကြီးတဲ့ ကိစ္စရပ်တွေကို
ဆွေးနွေးဖြစ်ခဲ့ကြောင်း အမျိုးသားဒီမိုကရေစီ အဖွဲ့ချုပ်က
ပြောဆိုလိုက်ပါတယ်။ အကြောင်းစုံကို မအေးအေးမာက တင်ပြပေးထားပါတယ်။
ဒီကနေ့ တွေ့ဆုံမှုကတော့ မနက် ၁၀ နာရီကနေ ၁၁ နာရီထိ ဒေါ်အောင်ဆန်းစုကြည်ရဲ့
နေအိမ်မှာပဲ တွေ့ခွင့်ရခဲ့ပြီး နိုင်ငံ့အရေး၊ တိုင်းပြည်အရေး ကိစ္စတွေကို
ဆွေးနွေးဖြစ်ခဲ့ကြောင်း အမျိုးသားဒီမိုကရေစီ အဖွဲ့ချုပ်ရဲ့
ပြောရေးဆိုခွင့်ရှိသူ ဦးဉာဏ်ဝင်းက အခုလို ပြောပြပါတယ်။
“နိုင်ငံရေးပါဗျ၊ နိုင်ငံရေးပါ၊ တိုင်းပြည်အရေးပါ။ ဟုတ်ပါတယ်။
ပါတီတွင်းဆိုတာထက် တိုင်းပြည်အတွက်၊ နိုင်ငံအတွက် အရေးကြီးတဲ့ ကိစ္စတွေ
ပါပါတယ်။ ကျနော်တို့ အကောင်းဆုံးလုပ်ရပ် တခုပဲလို့ အဲဒီလောက်တော့
ပြောနိုင်ပါတယ်။”
ထူးခြားတဲ့ လုပ်ငန်း ၂ ခုကို ဆွေးနွေးဖြစ်ခဲ့ရာမှာ ပါတီတွင်း
ရှေ့လုပ်ရမယ့် လုပ်ငန်းစဉ်တွေ ပါဝင်တဲ့အကြောင်း အသေးစိတ်ပြောပြဖို့
ငြင်းဆိုခဲ့ပြီး ပါတီရဲ့ ဦးဆောင်ကော်မတီ CEC နဲ့ တိုင်ပင်ပြီးမှသာ
သတင်းထုတ်ပြန်ပေးသွားမှာ ဖြစ်တဲ့အကြောင်းကိုလည်း ပြောသွားပါတယ်။
“ထူးခြားမှုက လုပ်ငန်း ၂ ခုပါ။ တခုကတော့ အဖွဲ့ချုပ်အတွင်း လုပ်ရမယ့်
လုပ်ငန်းတွေကို ဆွေးနွေးကြတယ်။ အသေးစိတ်တော့ ကျနော် ပြောခွင့်
မရှိပါဘူး။ တခြား အချက်အလက်တွေတော့ ကျနော် ပြောဖို့ မရှိပါဘူး။
ဆွေးနွေးတာလည်း အများကြီးပါ။ ခုန ကိစ္စ ဆောင်ရွက်ဖို့ကတော့ ကျနော်
ဆောင်ရွက်ပါတယ်။ ဒေါ်အောင်ဆန်းစုကြည် သဘောတူပါတယ်။ CEC ကို
တင်ပြထားပါတယ်။ CEC က လက်ခံတယ်ဆိုရင် အင်္ဂါနေ့မှာ
သတင်းထုတ်ပြန်ပေးပါမယ်။”
ရှေ့နေကြီး ဦးဉာဏ်ဝင်းကို မြန်မာ့ဒီမိုကရေစီခေါင်းဆောင်
ဒေါ်အောင်ဆန်းစုကြည်က အထူးတာဝန်တခု ပေးထားကြောင်း သိရှိရတဲ့အတွက်
ဒီတာဝန်နဲ့ ပတ်သက်ပြီး ပြောပြနိုင်မလားလို့ မေးတဲ့အခါမှာတော့…
“အဲဒီတာဝန်နဲ့ ပတ်သက်ပြီး ကျနော် CEC ကို တင်ပြထားတယ်။ CEC က လာမယ့်
တနင်္လာနေ့မှာ ပုံမှန် အစည်းအဝေးရှိတယ်။ အဲဒီ ပုံမှန် အစည်းအဝေးက
ဒီတင်ပြချက်ကို လက်ခံလို့ရှိရင် အင်္ဂါနေ့မှာ သတင်းထုတ်ပြန်ပေးပါမယ်။”
ဒီနေ့ဆွေးနွေးတဲ့ ကိစ္စထဲမှာ ဒေါ်အောင်ဆန်းစုကြည်ရဲ့ နေအိမ် ပြုပြင်ရေး
ကိစ္စတွေ ပါဝင်ကြောင်းကိုလည်း ဦးဉာဏ်ဝင်းက ဆက်ပြောပြပါတယ်။
“နောက်တခုက နေအိမ်ပြုပြင်ဖို့ကိစ္စ ပါမစ် (permit) ကျပါပြီ။ အဲဒီ
ပါမစ်ကျတဲ့အခါ အင်ဂျင်နီယာနဲ့ ဒေါ်အောင်ဆန်းစုကြည် တွေ့ရေး၊ ပစ္စည်းတွေ
ဘယ်တော့စုမယ်၊ လူ ဘယ်နှစ်ယောက်လုပ်မယ်၊ ဒီလိုကိစ္စတွေ ဆွေးနွေးကြပါတယ်။”
ဒေါ်အောင်ဆန်းစုကြည်ကတော့ သူမရဲ့ ပါတီက လုပ်ဖော်ကိုင်ဖက်
ခေါင်းဆောင်တွေဖြစ်တဲ့ ဦးတင်ဦး အပါအ၀င် ဗဟိုအလုပ်အမှုဆောင်
အကုန်လုံးနဲ့ တွေ့ဆုံခွင့်ရရေး တောင်းဆိုထားပေမဲ့ လက်ရှိမှာတော့
အာဏာပိုင်တွေဘက်က ခွင့်ပြုခြင်း မရှိသေးပါဘူး။
ဗွီအိုအေမှ ကူးယူဖော်ပြသည်။
.........................................................................................................
တခြားသော အမျိုးသားကို မုန်းတီးခြင်းသည်
အမျိုးသားရေး မဟုတ်ဟု ဒေါ်စုပြောကြား
ဖနိဒါ
ဗုဒ္ဓဟူးနေ့၊
နိုဝင်ဘာလ 11 ရက် 2009 ခုနှစ် 15 နာရီ 22 မိနစ်
မဇ္ဈိမ (ချင်းမိုင်) ။ ။ တခြားသော
အမျိုးသားများကို မုန်းတီးခြင်းသည် အမျိုးသားရေး မဟုတ်ဟု အတိုက်အခံ
ခေါင်းဆောင် ဒေါ်အောင်ဆန်းစုကြည်က ပြောဆိုလိုက်သည်။
”သူ (ဒေါ်အောင်ဆန်းစုကြည်) တခုပဲ ပြောပါတယ်။ အမျိုးသားရေးဆိုတာ
အင်မတန်ကောင်းတယ်။ အမျိုးသားရေးဆိုတာ ကိုယ့်အမျိုးသားကို
ကောင်းစားစေချင်တဲ့ စေတနာ မေတ္တာတွေ ကောင်းတယ်။ ဒါပေမယ်လို့
တခြားအမျိုးသားကို ထိခိုက်စေတဲ့ဟာ၊ တခြားအမျိုးသားကို မုန်းတီးတာဟာ
အမျိုးသားရေး မဟုတ်ဘူးဆိုတာပဲ ပြောလိုက်တယ်”ဟု အမျိုးသား
ဒီမိုကရေစီအဖွဲ့ချုပ် ပြောရေးဆိုခွင့်ရှိသူ ဦးဥာဏ်ဝင်းက
ဒေါ်အောင်ဆန်းစုကြည် ပြောစကားကို ကိုးကား၍ မဇ္ဈိမကို ပြောသည်။
ရှေ့နေလည်းဖြစ်သော ဦးဥာဏ်ဝင်းနှင့်
နေအိမ်ချုပ်ကျခံနေရသော ပါတီခေါင်းဆောင်တို့ ယနေ့နံနက်တွင် ရန်ကုန်မြို့
တက္ကသိုလ်ရိပ်သာလမ်းရှိ သူမ၏ နေအိမ်တွင် တွေ့ဆုံခဲ့ကြရာ
ပြောကြားလိုက်ခြင်း ဖြစ်သည်။
ယနေ့သည် မြန်မာ့ရိုးရာ ပြက္ခဒိန်အားဖြင့် တန်ဆောင်မုန်းလပြည့်ကျော် ၁၀
ရက်နေ့ဖြစ်ပြီး ၈၉ နှစ်မြောက် အမျိုးသားနေ့ ဖြစ်သည်။ အင်္ဂလိပ် ကိုလိုနီ
အစိုးရလက်အောက် ၁၉၂၀ ခုနှစ်တွင် ဖြစ်ပွားခဲ့သော ပညာရေးအဆင့်
မြှင့်တင်စေလိုသော ကောလိပ်ကျောင်းသားများ၏ သပိတ်စတင်သောနေ့ကို
အမျိုးသားနေ့ဟု သတ်မှတ်ခဲ့ကြသည်။
စစ်အစိုးအကြီးအကဲ ဗိုလ်ချုပ်မှူးကြီး သန်းရွှေကလည်း
အမျိုးသားနေ့မိန်းခွန်း ပြောကြားသည်ကို ယနေ့ထုတ် စစ်အစိုးရအာဘော်
မြန်မာ့အလင်း သတင်းစာတွင် ဖော်ပြထားသည်။
မျက်မှောက်ကာလတွင် ခေတ်သစ်ကိုလိုနီနယ်ချဲ့ နိုင်ငံကြီးများက
အခြားနိုင်ငံများ၏ ပြည်တွင်းရေးကို ဝင်ရောက်စွက်ဖက်ပြီး နယ်ပယ်အသီးသီး
ကို လွှမ်းမိုးခြယ်လှယ်ရန် ကြိုးပမ်းဆောင်ရွက်လျက် ရှိသည်ဟု
ဗိုလ်ချုပ်မှူးကြီး၏ ပြောဆိုသည့် စကားကို ဖော်ပြထားသည်။
ထို့အပြင် ၂၀၁၀ ခုနှစ်တွင် ရွေးကောက်ပွဲ ကျင်းပနိုင်ရေး
ပြင်ဆင်နေသည့်အတွက် ပြည်သူများက ပူးပေါင်း ဆောင်ရွက်ရန်လည်း တောင်းဆို
လိုက်သေးသည်။
မြန်မာနိုင်ငံအပေါ် အမေရိကန်၊ ဥရောပသမဂ္ဂအဖွဲ့ဝင် နိုင်ငံများ၊
သြစတြေးလျား အပါအဝင် စီးပွားရေးနှင့် သံတမန်ရေးရာ ပိတ်ဆို့အရေးယူမှုများ
ရုတ်သိမ်းရေးတွင် ပါဝင်ကူညီပေးမည်ဆိုသော ငြိမ်းချမ်းရေး နိုဘယ်လ်ဆုရှင်က
စစ်ခေါင်းဆောင်ထံ စာရေးသား ပေးပို့ပြီးနောက် နောက်ဆက်တွဲ အဖြစ်
ဒေါ်အောင်ဆန်းစုကြည်သည် အများပြည်သူ မြင်ကွင်းတွင် ပြန်လည်ပေါ်ထွက်လာခဲ့ကာ
သူမ၏ ပြောစကားများလည်း တဆင့်စကားအဖြစ် ပုံမှန်ထွက်ပေါ်လာနေခဲ့သည်။
ရန်ကုန်ရှိ အန်အယ်ဒီ ရုံးချုပ်တွင် ကျင်းပသော အမျိုးသားနေ့
အခမ်းအနားအတွက် ဒေါ်အောင်ဆန်းစုကြည်က ဦးဥာဏ်ဝင်းမှတဆင့် နှုတ်ဖြင့်
သဝဏ်လွှာပါး ကျေးဇူးတင်စကား ဆိုလိုက်သည်။ ပြည်နယ်နှင့် တိုင်း အသီးသီးမှ
ခေါင်းဆောင်များ မအားလပ်သည့်ကြားမှ အခမ်းအနား တက်ရောက်ခြင်းအပေါ်
ကျေးဇူးတင်သည်ဟု သူမက ပြောကြားသည်။
အမျိုးသားဒီမိုကရေစီအဖွဲ့ချုပ်က စစ်အစိုးရအနေဖြင့်
တွေ့ဆုံဆွေးနွေးအဖြေရှာရန် ထပ်မံတောင်းဆိုလိုက်ပြန်ပြီး
ဒေါ်အောင်ဆန်းစုကြည်၊ ဦးတင်ဦး၊ ရှမ်းအမျိုးသားများ ဒီမိုကရေစီ
အဖွဲ့ချုပ် ဥက္ကဋ္ဌ ဦးခွန်ထွန်းဦး၊ အတွင်းရေးမှူး စိုင်းညွန့်လွင်နှင့်
အခြားတိုင်းရင်းသား ခေါင်းဆောင် များအား အမြန်ဆုံးလွှတ်ပေးရန်
လိုအပ်သည်ဟု ဆိုသည်။
ထို့အပြင် အဖွဲ့ချုပ် ရုံးများကို ကာလရှည်ကြာ ပိတ်ထားခြင်းမှ
ပြန်လည်ဖွင့်ခွင့်ပြုရန်နှင့် လွတ်လပ်စွာ စည်းရုံးခွင့်၊ တရားဝင်
စည်းရုံးခွင့်ပေးရန်၊ ၁၉၉၀ ပြည့်နှစ် ပါတီစုံ ရွေးကောက်ပွဲတွင်
အနိုင်ရပြီးမှ ဖျက်သိမ်းခံပါတီများ အပါအဝင် နိုင်ငံရေးပါတီများကို
နိုင်ငံရေး မှတ်ပုံတင်ခွင့်ပေး၍ စည်းရုံးခွင့်ပြုရန်တို့ကို
စစ်အစိုးရအနေဖြင့် အမြန်ဆုံး ဆောင်ရွက်ပေးရန် လိုအပ်ကြောင်း
ကြေညာချက်တွင် ဖော်ပြထားသည်။
အန်အယ်ဒီ ပြန်ကြားရေးအဖွဲ့ဝင် ဦးအုန်းကြိုင်က အမျိုးသားနေ့
အထိန်းအမှတ်အဖြစ် “ဒီအမျိုးသားနေ့မှာ ဒေါ်အောင်ဆန်းစုကြည်က အခုလို
နှုတ်နဲ့ သဝဏ်လွှာပါးခွင့်ရတာဟာ ထူးခြားတယ်လို့ ပြောချင်ပါတယ်။
မြန်မာ့နိုင်ငံအရေး ပြေလည်မှု အလားလာ တိုးတက်လာသလားလို့
မျှော်လင့်နိုင်တယ်ဆိုရင်တော့ အားတက်စရာ ဖြစ်တယ်လို့ ပြောချင်ပါတယ်” ဟု
ပြောသည်။
အခမ်းအနားသို့ အမျိုးသား ဒီမိုကရေစီအဖွဲ့ချုပ် ပြည်နယ်နှင့်
တိုင်းအသီးသီးမှ ကိုယ်စားလှယ်များ၊ ဝါရင့်နိုင်ငံရေးသမားများ
အဖွဲ့ဝင်များ၊ ပြည်သူ့လွှတ်တော် ကိုယ်စားပြုကော်မတီ - CRPP နှင့် ရခိုင်
အမျိုးသား ဒီမိုကရေစီ အဖွဲ့ချုပ်တို့ အပါအဝင် လူဦးရေ ၁၀၀၀ ခန့်
တက်ရောက် ခဲ့သည်။
မြန်မာ့နိုင်ငံရေး ဖြတ်သန်းမှုတွင် ကာလရှည်စွာ ပါဝင်လာခဲ့သည့်
ဝါရင့်နိုင်ငံရေးသမားအစုကလည်း တွေ့ဆုံဆွေးနွေးရေး ပြုလုပ်ပါဟု
ပြောဆိုလိုက်သည်။
မဇ္စျိမ မှကူးယူဖော်ပြသည်။
.............................................................................................................
အမျိုးသားပြန်လည်သင့်မြတ်ရေးမူ ကိုင်စွဲထားကြောင်း
အန်အယ်လ်ဒီ ကြေညာချက်ထုတ်
မင်းနိုင်သူ / ၁၁ နိုဝင်ဘာ ၂၀၀၉
အမျိုးသားဒီမိုကရေစီအဖွဲ့ချုပ်
(အန်အယ်လ်ဒီ) အနေဖြင့် အမျိုးသားပြန်လည်သင့်မြတ်ရေးမူဝါဒကို
ကိုင်စွဲထားဆဲဖြစ်ကြောင်း ကြေညာချက်တစောင် ထုတ်ပြန်သည်။
ပါတီရုံးချုပ်၌ ယနေ့ကျင်းပသည့် (၈၉)
နှစ်မြောက် အမျိုးသားအောင်ပွဲနေ့ အခမ်းအနားတွင်
ကြေညာချက်ထုတ်ပြန်ခြင်းဖြစ်ပြီး ဒေါ်အောင်ဆန်းစုကြည်
နှင့်နိုင်ငံရေးအကျဉ်းသားများ လွှတ်ပေးရေး၊ ပါတီရုံးခွဲများပြန်လည်
ဖွင့်လှစ်ခွင့်ရရေး၊ ဖျက်သိမ်းခံထားရသော တိုင်းရင်းသားပါတီများအား
ပြန်လည်မှတ်ပုံတင်ခွင့်ပေးရေးနှင့် လွတ်လပ်စွာ
စည်းရုံးလှုပ်ရှားခွင့်ရရှိရေး တို့ကို ကြေညာချက်တွင်
ထည့်သွင်းတောင်းဆိုထားသည်။
ဝါရင့်နိုင်ငံရေးသမားကြီးများ၏ အခမ်းအနားအပြီး နေ့လယ် (၁၁) နာရီခန့်
တွင် စတင်သော အန်အယ်လ်ဒီပါတီ၏ အမျိုးသားအောင်ပွဲနေ့ အခမ်းအနားသို့
ဒေါ်အောင်ဆန်းစုကြည်ကလည်း အမှာစကားပါးလိုက်ကြောင်း သိရသည်။
“ဒီနေ့ ဦးဉာဏ်ဝင်း နေအိမ်ပြင်ဖို့ ကိစ္စနဲ့ ဒေါ်စုအိမ်ကိုသွားပါတယ်။
ဒေါ်စုက အဖွဲ့ချုပ်ကကျင်းပတဲ့ အမျိုးသားအောင်ပွဲနေ့ အခမ်းအနားကို
တက်ရောက်လာတဲ့ ၀ါရင့်နိုင်ငံရေးသမားကြီးတွေ၊
တိုင်းရင်းသားခေါင်းဆောင်တွေနဲ့ ပါတီဝင်တွေကို ကျေးဇူးတင်ကြောင်း
အမှာစကားပါးလိုက်တာပါ။ အဲဒါကို ဦးခင်မောင်ဆွေက အခမ်းအနားမှာ
ပြန်ပြောသွားပါတယ်”ဟု အန်အယ်လ်ဒီပါတီပြန်ကြားရေးမှ ဦးအုံးကြိုင်က
ပြောသည်။
အမျိုးသားအောင်ပွဲနေ့အခမ်းအနားတွင် ဒေါ်အောင်ဆန်းစုကြည်၏
အမြင်သဘောထားတခုခု ပေါ်ထွက်လာလိမ့်မည်ဟူသော သတင်းများ
ပေါ်ထွက်ခဲ့သောကြောင့် ပြည်တွင်းမီဒီယာများကလည်း ယနေ့ပွဲကို
အထူးအာရုံစိုက်ခဲ့ကြကြောင်း ပြည်တွင်းသတင်းထောက်တဦးက ပြောသည်။
“အန်တီစု တခုခုပြောမယ်လို့ သတင်းတွေကြားထားတာ။ ဟိုနေ့က တွေ့ခွင့်ရထားတဲ့
ဦးဉာဏ်ဝင်းကလည်း သူ့ကို အထူးကိစ္စတခု ခိုင်းထားတယ်ဆိုပြီး
သတင်းဌာနတွေကို ပြောထား၊ ပဟေဠိလုပ်ထားတော့ ဒီနေ့များ
အဲဒါဖြစ်လာမလားဆိုပြီး စောင့်ကြရတာပေါ့။ အခုတော့သိပ်မထူးပါဘူး။
ကျေးဇူးတင်ကြောင်း ပြောသွားတာပါပဲ” ဟု ၎င်းက ပြောသည်။
ယနေ့ရန်ကုန်တွင် လုံခြုံရေးကားများလှည့်လည်မှုရှိပြီး
ဝါရင့်နိုင်ငံရေးသမားကြီးများ၏ အခမ်းအနားနှင့် အဖွဲ့ချုပ်၏
အခမ်းအနားများကိုလည်း သတင်းတပ်ဖွဲ့ဝင်များ၊ လုံခြုံရေးတပ်ဖွဲ့ဝင်များက
အနီးကပ်စောင့်ကြည့်နေကြောင်း ၎င်းက ဆက်လက်ပြောဆိုသည်။
(၈၉) နှစ်မြောက် အမျိုးသားနေ့အောင်ပွဲအခမ်းအနားကို ရန်ကုန်မြို့
မရမ်းကုန်းမြို့နယ်ရှိ ၀ါရင့်နိုင်ငံရေးသမားကြီး သခင်သိန်းဖေအိမ်၌လည်း
ယနေ့ နံနက်ပိုင်းတွင် ကျင်းပခဲ့ပြီး ၀ါရင့်နိုင်ငံရေးသမားကြီးများ၊
အမျိုးသားဒီမိုကရေစီအဖွဲ့ချုပ်ဝင်များ၊
တိုင်းရင်းသားပါတီခေါင်းဆောင်များ တက်ရောက်ခဲ့ကြသည်။
အခမ်းအနားတွင် ၀ါရင့်နိုင်ငံရေးသမားကြီးသခင်သိန်းဖေက ၎င်းတို့အဖွဲ့သည်
နိုင်ငံရေးပါတီတရပ်မဟုတ်ကြောင်း၊ ၁၉၃၉ ခုနှစ် ခန့်မှစတင်ကာ
လွတ်လပ်ရေးအတွက် တိုက်ပွဲဝင်ခဲ့ကြသူများဖြစ်ကြောင်း၊ ကြွေးကြော်သံမှာ
လွတ်လပ်ရေး၊ ဒီမိုကရေစီအရေးနှင့် ငြိမ်းချမ်းရေးဖြစ်ကြောင်း၊
ထိုကြွေးကြော်သံနှင့်အတူ ဗိုလ်ချုပ်အောင်ဆန်းနှင့်အာဇာနည်များက
လွတ်လပ်ရေးကို အရယူပေးနိုင်ခဲ့ကြောင်း၊ သို့ရာတွင်
ဗိုလ်ချုပ်အောင်ဆန်းတို့တည်ဆောက်ခဲ့သည့် ညီညွတ်ရေးသည်
ပြိုကွဲခဲ့ပြီဖြစ်ကြောင်း၊ ထို့ကြောင့်လည်း ယခင်က မြန်မာ့နောက်တွင်
ကျန်ရစ်ခဲ့သည် စင်ကာပူ၊ ထိုင်း၊ မလေးရှားတို့ကို ယခု မိမိတို့က
ပြန်မော့ကြည့်နေရပြီဖြစ်ကြောင်းများကို ထောက်ပြပြောဆိုသွားသည်။
မြန်မာနိုင်ငံတွင် လွတ်လပ်ရေးရပြီးနောက် ဒီမိုကရေစီကို
ပြပြလေးသာမြင်လိုက်ကြရသည်ဖြစ်ရာ ယခု အသက် (၅၀) ရှိနေသူများ ပင်
ဒီမိုကရေစီဆိုသည်ကို စမ်းတ၀ါးဝါးဖြစ်နေရကြောင်း၊ ထိုကြားထဲ
ပရော်ဖက်ဆာကြီးများက ရင့်ကျက်သည့် ဒီမိုကရေစီ တည်ဆောက်လိုပါက
သည်းခံပြီးစောင့်ရမည်ဟု ပြောနေကြသေးကြောင်း၊ မိမိအနေဖြင့် အသက် (၉၄)
နှစ်ရှိနေပြီး ဒီမိုကရေစီကို ပြန်မြင်ရနိုး စောင့်စားလာသည်မှာ (၆၂)
နှစ်ရှိနေပြီဖြစ်ကြောင်း၊ မိမိတို့ ကြိုးပမ်းခဲ့မှုများကို မသေမီ
တွေ့ရပါမည်လားဟု စဉ်းစားမိကြောင်းများကိုလည်း သခင်သိန်းဖေက
ထည့်သွင်းပြောဆိုသွားသည်။
ဝါရင့်နိုင်ငံရေးသမားကြီးများ၏ ယနေ့ထုတ်ပြန်ချက်တွင်လည်း
ညီညွတ်ရေးပြိုကွဲမှုကို အဓိက ထောက်ပြထားပြီး အနာဂတ်မြန်မာနိုင်ငံ
တည်ဆောက်ရန်အတွက် နအဖအစိုးရအနေဖြင့် တိုင်းရင်းသားများအပါအ၀င်
နိုင်ငံရေးအင်အားစုများ၊ ၁၉၉၀ ရွေးကောက်ပွဲအနိုင်ရပါတီများနှင့်
သူမနာကိုယ်မနာနည်းဖြင့် တွေ့ဆုံညှိနှိုင်း အဖြေရှာရန်ကိုလည်း
ထပ်မံတိုက်တွန်းထားသည်။
အမျိုးသားအောင်ပွဲနေ့တွင် သံဃာ့တပ်ပေါင်းစုအဖွဲ့ကြီးကလည်း
စစ်အာဏာရှင်စနစ် ဆက်လက်ရှင်သန်စေမည့် ၂၀၁၀ ရွေးကောက်ပွဲကို
လက်ခံမည်မဟုတ်ကြောင်း ကြေညာချက်ထုတ်ပြန်ပြီး လူထုအနေဖြင့်
မဲဆန္ဒလုံးဝမပေးကြရန် တိုက်တွန်းထားသည်။
ခေတ်ပြိုင်မှ ကူးယူဖော်ပြသည်။
...................................................................................................
ဒေါ်အောင်ဆန်းစုကြည်ကို မကြာခင် ပြန်လွှတ်မယ်လို့
စစ်အစိုးရ အရာရှိတဦး ပြောဆို
09 November 2009
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို စစ်အစိုးရက မကြာခင်
ပြန်လွှတ်ပေးဖို့ စီစဉ်နေတဲ့အကြောင်း စစ်အစိုးရ နိုင်ငံခြားရေး
ဝန်ကြီးဌာန ထိပ်တန်း အရာရှိတဦးက အေပီ သတင်းဌာနကို ပြောသွားပါတယ်။
မြန်မာစစ်အစိုးရ နိုင်ငံခြားရေး ၀န်ကြီးဌာန ညွှန်ကြားရေးမှူးချုပ်
ဦးမင်းလွင်က စင်ကာပူကိုအသွား ဖိလစ်ပိုင်နိုင်ငံ မနီလာလေဆိပ်မှာ
အေပီသတင်းဌာနကို ပြောတဲ့အကြောင်း The Strait Times သတင်းစာမှာ
ဖော်ပြထားပါတယ်။
ဒေါ်အောင်ဆန်းစုကြည် အနေနဲ့ ပါတီကို ပြန်ပြီး စည်းရုံးတည်ဆောက်တဲ့
လုပ်ငန်းတွေ လုပ်ကိုင်ဖို့ မကြာခင်မှာ ပြန်လွှတ်ပေးဖို့ စီစဉ်နေတယ်လို့
ဦးမင်းလွင်က ပြောပေမဲ့ ၂၀၁၀ မှာ ကျင်းပမယ့် ရွေးကောက်ပွဲမှာ
ပါဝင်ယှဉ်ပြိုင်ခွင့် ပေးမယ်၊ မပေးဘူး ဆိုတာရယ်၊ ဘယ်အချိန်မှာ
ပြန်လွှတ်ပေးမယ် ဆိုတာရယ် အချိန်အတိအကျကိုတော့ ပြောသွားတာ မရှိပါဘူး။
ဒေါ်အောင်ဆန်းစုကြည်နဲ့ ဒီနေ့တွေ့ဆုံတဲ့ NLD ပြောရေးဆိုခွင့်ရှိသူ
ဦးဉာဏ်ဝင်းကတော့ ဒေါ်အောင်ဆန်းစုကြည်ကို လတ်တလော လွှတ်ပေးမယ့် ထူးခြားတဲ့
အရိပ်အခြည် မတွေ့မိသေးဘူး၊ ဒီသတင်းကို ဒေါ်အောင်ဆန်းစုကြည်
ကိုယ်တိုင်လည်း မသိသေးဘူးလို့ အခုလိုပြောပါတယ်။
“ကျနော်တို့ အခုတော့ မသိသေးပါဘူး၊ မကြားသေးပါဘူးခင်ဗျ။ အခုလေးတင်
ပြန်လာတာပါ၊ ဒေါ်အောင်ဆန်းစုကြည်နဲ့ တွေ့ပြီး။ သူလည်း
ဒါနဲ့ပတ်သက်ပြီးတော့ မပြောပါဘူး။ ဒီသတင်းတွေ အပေါ်မှာတော့ ကျနော်တို့က
မှန်ပါစေလို့ပဲ ဆုတောင်းနေရမှာပဲ။”
ဒါ့အပြင် မကြာသေးခင်က အမေရိကန် နိုင်ငံခြားရေး ၀န်ကြီးဌာန
အရှေ့အာရှရေးရာ လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt
Campbell) နဲ့ တွေ့ဆုံဆွေးနွေး ခဲ့တာကနေ တိုးတက်မှုတွေ ပိုပြီးရမယ်လို့
ယုံကြည်ကြောင်း ဒေါ်အောင်ဆန်းစုကြည်က ပြောသွားပါတယ်။ ဒီကိစ္စနဲ့
ပတ်သက်ပြီး ဒီနေ့ တွေ့ဆုံခဲ့တဲ့ ဦးဉာဏ်ဝင်းက ဗွီအိုအေကို အခုလို
ပြန်ပြောပြပါတယ်။
“ဒီနေ့ ကျနော်တို့ ရှေ့နေ ၄ ယောက် ဒေါ်အောင်ဆန်းစုကြည်နဲ့ နေ့ခင်း ၁
နာရီကနေ ၃ နာရီအထိ တွေ့ခွင့်ရပါတယ်။ အဓိကကတော့ မစ္စတာကမ်းဘဲလ်နဲ့ စကော့
မာဆီယယ် (Scot Marciel) တို့နဲ့ တွေ့ခဲ့တဲ့ အသေးစိတ်
ဆွေးနွေးချက်တွေကိုတော့ သူ မပြောပါဘူး။ ဒါပေမဲ့ သူပြောတာက
ဒီပုဂ္ဂိုလ်တွေဟာ မြန်မာနိုင်ငံအရေးနဲ့ ပတ်သက်ပြီး စေတနာလည်း ရှိတယ်၊
အလေးအနက်လည်း ထားတယ်။ ဒါကြောင့် သူတို့ကိုလည်း ကျေးဇူးတင်တယ်။ ပြီးတော့
ဒီလိုတွေ့နိုင်အောင် စီစဉ်ပေးတဲ့ နအဖကိုလည်း ကျေးဇူးတင်တယ်။ ဒီ့ထက်ထိ
ပိုပြီး တိုးတက်မှုတွေ ရှိမယ်လို့လည်း ယုံကြည်တယ်။ အဲဒါ ပြောလိုက်ပါတယ်။”
ဒေါ်အောင်ဆန်းစုကြည်ရဲ့ နေအိမ်အကျယ်ချုပ် အယူခံ တရားရုံးချုပ်မှာ
ပြင်ဆင်လျှောက်ထားချက် ရေးဖို့နဲ့ ပတ်သက်ပြီး ဦးဉာဏ်ဝင်း အပါအ၀င်
အကျိုးဆောင်ရှေ့နေ ၄ ဦး ဒီကနေ့ပဲ တွေ့ဆုံခဲ့တာ ဖြစ်ပါတယ်။
စောစောပိုင်းတုန်းက ရှေ့နေ ၂ ယောက်ကိုပဲ အာဏာပိုင်တွေက
တွေ့ခွင့်ပေးခဲ့တဲ့အတွက် ရှေ့နေအားလုံးနဲ့ တွေ့ဆုံခွင့်ပေးဖို့
ဒေါ်အောင်ဆန်းစုကြည်ဘက်က တောင်းဆိုခဲ့တာ ဖြစ်ပါတယ်။
ဗွီအိုအေမှ ကူးယူဖော်ပြသည်။
..........................................................................................................
အမေရိကန် သမ္မတ အိုဘားမား မြန်မာစစ်အစိုးရ ၀န်ကြီးချုပ်နဲ့ APEC
အစည်းအဝေးပွဲမှာ ဆုံဖွယ်ရှိ
08
November 2009
စင်ကာပူနိုင်ငံမှာ နိုဝင်ဘာလ ၁၅
ရက်နေ့ ကျင်းပမယ့် အာဆီယံ-အမေရိကန် ထိပ်သီးဆွေးနွေးပွဲကို အမေရိကန်သမ္မတ
ဘားရက် အိုဘားမား တက်ရောက်မှာဖြစ်ပြီး ဒီဆွေးနွေးပွဲကို
မြန်မာနိုင်ငံအပါအ၀င် အာဆီယံ ၁၀ နိုင်ငံက ခေါင်းဆောင်တွေ
ပါဝင်တက်ရောက်ကြဖို့ အမေရိကန်နိုင်ငံက မျှော်လင့်ထားတယ်လို့
အမေရိကန်အရာရှိတွေက ပြောပါတယ်။
အာဆီယံ-အမေရိကန် ထိပ်သီးစည်းဝေးပွဲကို
အာရှပစိဖိတ် စီးပွားရေး ပူးပေါင်းဆောင်ရွက်ရေး အဖွဲ့ APEC ဘေးပန်း
ဆွေးနွေးပွဲအဖြစ်နဲ့ ကျင်းပမှာဖြစ်ပြီး နိုဝင်ဘာလ ၁၄ ရက်နဲ့ ၁၅
ရက်နေ့တွေမှာ အမေရိကန်သမ္မတ ဘားရက်အိုဘားမား တက်ရောက်ဖို့ရှိပါတယ်။
အမေရိကန်သမ္မတအနေနဲ့ အာဆီယံ ထိပ်သီးဆွေးနွေးပွဲကို ပထမဆုံးအကြိမ်အဖြစ်
တက်ရောက်မှာလည်း ဖြစ်ပါတယ်။ အာဆီယံအဖွဲ့ဝင် နိုင်ငံတနိုင်ငံဖြစ်တဲ့
မြန်မာနိုင်ငံက ၀န်ကြီးချုပ် ဗိုလ်ချုပ်ကြီး သိန်းစိန်လည်း
ဒီဆွေးနွေးပွဲကို တက်ရောက်လာဖို့ မျှော်လင့်ထားပါတယ်။
စနေနေ့ကတော့ ဖိလစ်ပိုင်က အကြီးတန်း
မြန်မာသံအရာရှိ ဦးမင်းလွင်က ဒီ (၃၂) ကြိမ်မြောက် အာဆီယံ-အမေရိကန်
ဆွေးနွေးပွဲကို ၀န်ကြီးချုပ် ဗိုလ်ချုပ်ကြီး သိန်းစိန် တက်ရောက်ဖို့
ရှိတယ်လို့ ပြောကြားခဲ့ကြောင်း အေပီ သတင်းမှာ ဖော်ပြထားပါတယ်။
မြန်မာဝန်ကြီးချုပ် ဗိုလ်ချုပ်ကြီး သိန်းစိန် လာရောက်ခဲ့ရင် ဒါဟာ
အမေရိကန်နဲ့ မြန်မာ နှစ်နိုင်ငံကြား ဆယ်စုနှစ်ပေါင်းများစွာအတွင်း
အဆင်မြင့်ဆုံး ပုဂ္ဂိုလ်တွေရဲ့ ပထမဆုံး တိုက်ရိုက်တွေ့ဆုံမှု ဖြစ်လာမှာပါ။
နိုဝင်ဘာလ ၃ ရက်နဲ့ ၄
ရက်နေ့တွေမှာတော့ အမေရိကန်နိုင်ငံက ထိပ်တန်း ကိုယ်စားလှယ်
နှစ်ဦးဖြစ်တဲ့ လက်ထောက်နိုင်ငံခြားရေးဝန်ကြီး ကာ့တ် ကမ်ဘဲလ် နဲ့ ဒု
လက်ထောက် နိုင်ငံခြားရေးဝန်ကြီး စကော့မာဆီရယ်လ် တို့ဟာ သမ္မတ အိုဘားမား
အစိုးရရဲ့ စီးပွားရေး ပစ်ဒဏ်ခတ်မှု မရုတ်သိမ်းဘဲ တိုက်ရိုက်တွေ့ဆုံ
ဆက်ဆံမှု ပြုလုပ်တဲ့ မြန်မာနိုင်ငံ ဆိုင်ရာ မူဝါဒသစ်ကို
အကောင်အထည်ဖော်တဲ့ အနေနဲ့ မြန်မာစစ်ခေါင်းဆောင် တချို့နဲ့ လာရောက်
တွေ့ဆုံခဲ့ပါတယ်။
ဗွီအိုအေမှ ကူးယူဖော်ပြသည်။
....................................................................................................
အမေရိကန်-မြန်မာ ဆက်ဆံမှုသစ် ဂျပန်ဝန်ကြီးချုပ် ကြိုဆို
07 November 2009
အမေရိကန် ပြည်ထောင်စုက
မြန်မာနိုင်ငံနဲ့ ထိတွေ့ဆက်ဆံမှုတွေလုပ်ဖို့ ကြိုးပမ်းနေတာနဲ့ ပတ်သက်လို့
ဂျပန်ဝန်ကြီးချုပ် ယူကီယို ဟတိုယာမ (Yukio Hatoyama) က
ချီးကျူးပြောဆိုလိုက်ပါတယ်။ အမေရိကန်ပြည်ထောင်စုက မြန်မာနိုင်ငံနဲ့
ပတ်သက်လို့ တိုးမြှင့်ဆောင်ရွက် လာတာတွေဟာ မြန်မာနိုင်ငံအပါအ၀င်ဖြစ်တဲ့
မဲခေါင်ဒေသအတွက်လည်း အကျိုးများနိုင်ကြောင်း ၀န်ကြီးချုပ်က
ပြောဆိုခဲ့ပါတယ်။
ကျင်းပပြီးစီးသွားတဲ့ ၂
ရက်ကြာ ဂျပန်-မဲခေါင် ထိပ်သီးအစည်းအဝေးပွဲအတွင်း မြန်မာနိုင်ငံအပါအ၀င်
မဲခေါင်ဒေသ နိုင်ငံတွေ ဖြစ်ကြတဲ့ ကမ္ဘောဒီးယား၊ လာအို၊ ထိုင်း နဲ့
ဗီယက်နမ် နိုင်ငံတွေက ဖွံ့ဖြိုးရေး လုပ်ငန်းတွေအတွက် လာမယ့် ၃
နှစ်အတွင်း ဒေါ်လာ သန်းပေါင်း ၅,၅၀၀ အကူအညီပေးသွားဖို့လည်း ဂျပန်နိုင်ငံက
ကတိပြုပြောဆိုလိုက်တာပါ။ တချိန်တည်းမှာပဲ ညီလာခံကို တက်ရောက်လာတဲ့
မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီး သိန်းစိန် ကိုလည်း
ထိန်းသိမ်းထားတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ကို
လွှတ်ပေးဖို့ ဂျပန်ဝန်ကြီးချုပ်က တိုက်တွန်းလိုက်ကြောင်း ရိုက်တာစ် သတင်း
တပုဒ်က ဆိုပါတယ်။
စစ်အစိုးရက ကမကထလုပ်
ကျင်းပပေးဖို့ရှိနေတဲ့ ရှေ့နှစ်ရွေးကောက်ပွဲတွေ မတိုင်မီ
ဒေါ်အောင်ဆန်းစုကြည် နဲ့ နိုင်ငံရေး အကျဉ်းသားတွေကို ပြန်လွှတ်ပေးဖို့ဟာ
အလွန်အမင်း အရေးကြီးတဲ့ ကိစ္စအဖြစ် ဂျပန်ဝန်ကြီးချုပ်က
တိုက်တွန်းခဲ့တာလို့ နိုင်ငံခြားရေးဝန်ကြီးဌာန တာဝန်ရှိသူတဦးကို
ကိုးကားပြီး သတင်းက ဖော်ပြခဲ့တာပါ။ မိုင်ပေါင်း ၂,၈၀၀ ကျော်
ရှည်လျားပြီး ဆယ်စုနှစ်ပေါင်းများစွာ စစ်ဘေးဒဏ်၊ မတည်ငြိမ်မှုဒဏ်တွေကို
ခံခဲ့ရတဲ့ မဲခေါင်ဒေသကို အများဆုံး အကူအညီ အထောက်အပံ့တွေ ပေးအပ်နေတဲ့
ပြည်ပနိုင်ငံတွေထဲမှာ ဂျပန်နိုင်ငံလည်း ပါဝင်ပါတယ်။
ဗွီအိုအေမှ ကူးယူဖော်ပြသည်။
...............................................................................................
ဒေါ်အောင်ဆန်းစုကြည်နှင့်
အမေရိကန်သံတမန်အဖွဲ့တွေ့ဆုံ
NEJ / ၄ နိုဝင်ဘာ ၂၀၀၉
အမေရိကန်
နိုင်ငံခြားရေးဝန်ကြီးဌာနမှ အရှေ့အာရှနှင့်ပစိဖိတ်ရေးရာ
လက်ထောက်နိုင်ငံခြားရေးဝန်ကြီး မစ္စတာ ကာ့တ်ကမ်ဘဲလ်နှင့် ဒု-လက်ထောက်
နိုင်ငံခြားရေးဝန်ကြီး စကော့မာရှယ်တို့သည် မြန်မာ့ဒီမိုကရေစီခေါင်းဆောင်
ဒေါ်အောင်ဆန်းစုကြည်နှင့် ရန်ကုန်မြို့ အင်းယားလိတ်ဟိုတယ်တွင်
ယနေ့မွန်းလွဲပိုင်း၌ (၂) နာရီကြာခန့် တွေ့ဆုံခဲ့သည်။
“ဒေါ်အောင်ဆန်းစုကြည်နဲ့ (၁၁) နာရီခွဲကနေ (၁) နာရီခွဲလောက် အထိ
အင်းယားလိတ်မှာ တွေ့ခဲ့ကြပြီး ဗဟိုအလုပ်အမှု ဆောင်အဖွဲ့နဲ့ (၃:၄၀)
နာရီမှာ တွေ့နေပါတယ်” ဟု အန်အယ်လ်ဒီပြန်ကြားရေး အဖွဲ့ဝင်
ဒေါက်တာဝင်းနိုင်က ပြောသည်။
နေအိမ်အကျယ်ချုပ်ကျခံနေရသည့် မြန်မာ့ဒီမိုကရေစီခေါင်းဆောင်
ဒေါ်အောင်ဆန်းစုကြည်အနေဖြင့် ယခုကဲ့သို့ အများပြည်သူ ၀င်ထွက်သွားလာရာ
နေရာတခုတွင် နိုင်ငံခြားသံတမန်များနှင့် တွေ့ဆုံခွင့်ရရှိခြင်းသည် ၂၀၀၃
ခုနှစ် ဒီပဲယင်းအရေးအခင်း အပြီးနောက်ပိုင်း ပထမဆုံးအကြိမ်ဖြစ်သည်။
အဆိုပါတွေ့ဆုံပွဲသို့ သတင်းမီဒီယာများအား ၀င်ရောက်
ဓာတ်ပုံရိုက်ကူးခွင့်ပြုခဲ့သော်လည်း မေးမြန်းခွင့်မပြုခဲ့ကြောင်း
သိရသည်။
“ဓာတ်ပုံရိုက်ခွင့်ပဲပေးတယ်။ ရိုက်ပြီး ပြန်ရတာပဲ။ သတင်းအချက်အလက်
ဘာမှမရပါဘူး။ အန်တီစုကို တွေ့ရတာ လန်းလန်းဆန်းဆန်းနဲ့ ကျန်းမာပါတယ်။
သူ့မျက်နှာက အရမ်းကျက်သရေ ရှိနေတာပါပဲ” ဟု အင်းယားလိတ်သို့
သွားရောက်ခွင့်ရသည့် ပြည်တွင်းသတင်းထောက်တဦးက ပြောသည်။
ဒေါ်အောင်ဆန်းစုကြည်နှင့် မတွေ့ဆုံခင်တွင် မစ္စတာကမ်ဘဲလ် ဦးဆောင်သည့်
သံတမန်အဖွဲ့သည် မြန်မာစစ်အစိုးရ၀န်ကြီးချုပ်
ဗိုလ်ချုပ်ကြီးသိန်းစိန်နှင့် နေပြည်တော်တွင် တွေ့ဆုံခဲ့ပြီး
ယင်းသို့တွေ့ဆုံမှုသည် အမေရိကန်နှင့်မြန်မာအစိုးရ (၂) ခုအကြား (၁၀)
စုနှစ်အတွင်း အဆင့်အမြင့်ဆုံးအရာရှိများ တွေ့ဆုံခြင်းဖြစ်သည်။
တွေ့ဆုံသည့်အကြောင်းအရာများနှင့် ပတ်သက်၍ သတင်းထုတ်ပြန်ခြင်း
မရှိသေးသကဲ့သို့ စစ်အစိုးရထိန်းချုပ်ထားသည့်
မီဒီယာများက မစ္စတာကမ်ဘဲလ်၏ (၂) ရက်ကြာခရီးစဉ် နှင့်စပ်လျဉ်း၍ ယနေ့အထိ
တစုံတရာထုတ်ပြန်ခြင်းမရှိသေးပေ။
ယခုကဲ့သို့ အဆင့်မြင့်အမေရိကန် သံတမန်များ မြန်မာနိုင်ငံ
လာရောက်ခြင်းသည် အမေရိကန်အစိုးရက ပိတ်ဆို့တားမြစ်မှုများနှင့်အတူ
တိုက်ရိုက်ပြောဆိုဆက်ဆံမှုများ ပြုလုပ်သွားမည်ဆိုသည့်
မြန်မာနိုင်ငံဆိုင်ရာ ပေါ်လစီသစ်တရပ် ထုတ်ပြန်ပြီးနောက်ပိုင်း
ထွက်ပေါ်လာသည့် ရလဒ်ဖြစ်သည်။
မစ္စတာ
ကာ့တ်ကမ်ဘဲလ်နှင့် ဒု-လက်ထောက် နိုင်ငံခြားရေးဝန်ကြီး
စကော့မာရှယ်တို့အပါအ၀င် အမေရိကန်ကိုယ်စားလှယ် (၄) ဦးသည်
ဒေါ်အောင်ဆန်းစုကြည်နှင့် တွေ့ဆုံပြီးနောက် အန်အယ်လ်ဒီအဖွဲ့ချုပ်ရုံး၌
အန်အယ်လ်ဒီ ဗဟိုအလုပ်အမှုဆောင် ကော်မတီဝင်များနှင့် (၁)
နာရီကြာတွေ့ဆုံခဲ့သည်ဟု အန်အယ်လ်ဒီပြန်ကြားရေးအဖွဲ့ဝင် ဦးအုန်းကြိုင်က
ပြောသည်။
၎င်းက
“ဆွေးနွေးပွဲမှာ အဓိကထားပြောဖြစ်ကြတာကတော့
မြန်မာ့ဒီမိုကရေစီဖော်ဆောင်နိုင်ရေးနဲ့ လူ့အခွင့်ရေးဆိုင်ရာတွေကို
ဆွေးနွေးသွားကြတာပါ” ဟု ပြောသည်။
အဆိုပါတွေ့ဆုံပွဲသို့ အန်အယ်လ်ဒီ ဗဟိုအလုပ်အမှုဆောင်အဖွဲ့ဝင်
ဦးသန်းထွန်း၊ ဦးဝင်းတင်၊ ဦးစိုးမြင့်၊ ဦးလှဖေ၊ ဦးညွန့်ဝေနှင့်
ဦးခင်မောင်ဆွေတို့ (၆) ဦးသာ တက်ရောက်နိုင်ခဲ့ပြီး ဦးအောင်ရွှေ၊
ဦးလွင်နှင့် ဦးလွန်းတင်တို့မှာ ကျန်းမာရေး မကောင်းသည့်အတွက်
တက်ရောက်နိုင်ခြင်းမရှိပေ။
၂၀၀၈ ခုနှစ်အတွင်း ပြန်လည်လွတ်မြောက်ခဲ့သော ဦးဝင်းတင်နှင့်
ဦးခင်မောင်ဆွေတို့သည် စစ်အစိုးရက စီစဉ်ပေးသော သံတမန်တွေ့ဆုံပွဲများတွင်
တက်ရောက်ခွင့်ရခြင်းမရှိဘဲ ယခု ပထမအကြိမ်အဖြစ်
နိုင်ငံခြားသံတမန်များနှင့် တရားဝင်တွေ့ဆုံနိုင်ခြင်းဖြစ်သည်။
ခေတ်ပြိုင်မှ ကူးယူဖော်ပြသည်။
..........................................................................................
အမေရိကန် အထူးသံတမန်တွေနဲ့ မြန်မာအာဏာပိုင်တွေ
နေပြည်တော်မှာ တွေ့ဆုံ
03 November 2009
မြန်မာစစ်အစိုးရနဲ့
တိုက်ရိုက်ထိတွေ့ ဆက်ဆံသွားမယ်ဆိုတဲ့ အမေရိကန် ပြည်ထောင်စုရဲ့ မူဝါဒ
အကောင်အထည်ဖော်ရေး ကနဦးအဆင့် အနေနဲ့ အမေရိကန် နိုင်ငံခြားရေးဌာန
အဆင့်မြင့် သံတမန်တွေဟာ အခု မြန်မာစစ်အစိုးရ အာဏာပိုင်တွေနဲ့
နေပြည်တော်မှာ စတင်တွေ့ဆုံ ဆွေးနွေးနေပြီ ဖြစ်ပါတယ်။ မနက်ဖြန်မှာ
စစ်အစိုးရ အဆင့်မြင့် အရာရှိတွေ၊ အမျိုးသား ဒီမိုကရေစီ
အဖွဲ့ချုပ်ဝင်တွေနဲ့ တိုင်းရင်းသားအဖွဲ့ တချို့နဲ့ တွေ့ဆုံဖို့
ရှိပါတယ်။ အမေရိကန်၊ မြန်မာ အဆင့်မြင့်အရာရှိတွေ တိုက်ရိုက် ဆက်ဆံမှုကနေ
ထွက်လာမယ့် ရလဒ်ကတော့ မြန်မာအစိုးရရဲ့ ရှေ့ဆက် ဆောင်ရွက်ချက်တွေ အပေါ်မှာ
တည်လိမ့်မယ်လို့ လေ့လာသူတွေက ယူဆထားပါတယ်။ အကြောင်းစုံကို
စုံစမ်းမေးမြန်းထားတဲ့ ကိုသားညွန့်ဦးက တင်ပြပေးထားပါတယ်။
၁၀ နှစ်ကျော်ကြာမှ
ပထမဆုံးအနေနဲ့ နေပြည်တော်မှာ ဒီကနေ့ အမေရိကန်နဲ့ မြန်မာ
အဆင့်မြင့်ခေါင်းဆောင်တွေ တိုက်ရိုက်တွေ့ဆုံ ဆွေးနွေးခဲ့ကြတာပါ။
အခုခရီးစဉ်ဟာ နိုင်ငံတကာနဲ့ နှစ်ပေါင်းများစွာ အထီးကျန်ဖြစ်နေတဲ့
မြန်မာစစ်အစိုးရနဲ့ အမေရိကန် ပြည်ထောင်စု ပြန်ပြီး ဆက်ဆံကြတဲ့ အဓိက
ခြေလှမ်းလို့ ပြောရမှာပါ။
ဒီကနေ့မှာတော့
မစ္စတာကမ်းဘဲလ် (Kurt Campbell) နဲ့ အဖွဲ့ဟာ သိပ္ပံနဲ့ နည်းပညာဝန်ကြီး
ဦးသောင်း၊ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးအသင်း အထွေထွေ
အတွင်းရေးမှူး ဗိုလ်ချုပ်ဌေးဦး၊ တရားသူကြီးချုပ် ဦအောင်တိုး စတဲ့
ဝန်ကြီးအဆင့်တွေနဲ့ ဒီကနေ့ နေပြည်တော် ရောက်ရောက်ခြင်း သီးခြားစီ
တွေ့ဆုံခဲ့တယ်လို့ ရန်ကုန် အမေရိကန်သံရုံး ပြန်ကြားရေးတာဝန်ခံ
ရစ်ချက်မေးလ်က ဗွီအိုအေကို ပြောပါတယ်။
မနက်ဖြန်
မနက်ပိုင်းမှာတော့ မြန်မာအစိုးရရဲ့ အဆင့်မြင့် တာဝန်ရှိသူတွေနဲ့
တွေ့မယ်လို့ ဆိုပေမဲ့ ဘယ်သူဘယ်ဝါရယ်လို့ မပြောပါဘူး။ လေ့လာသူတွေကတော့
ဗိုလ်ချုပ်မှူးကြီးသန်းရွှေအစား စစ်အစိုးရ ၀န်ကြီးချုပ်
ဗိုလ်ချုပ်ကြီးသိန်းစိန်နဲ့ မြန်မာအစိုးရ ပြောရေးဆိုခွင့်ရှိသူလို့
ဆိုထားတဲ့ ပြန်ကြားရေးဝန်ကြီး ဦးဆောင်တဲ့ အဆင့်မြင့် အာဏာပိုင်အဖွဲ့နဲ့
တွေ့မယ်လို့ ယူဆကြပါတယ်။
အမေရိကန်
နိုင်ငံခြားရေးဌာန အာရှ ပစိဖိတ်ရေးရာ လက်ထောက် နိုင်ငံခြားရေးဝန်ကြီး
ကာ့တ် ကမ်းဘဲလ်နဲ့ ဒု- လက်ထောက် နိုင်ငံခြားရေးဝန်ကြီး စကော့ မာဆီယယ်
(Scot Marciel) ဦးဆောင်တဲ့ လေးဦးပါ သံတမန်အဖွဲ့ဟာ
မြန်မာစစ်ခေါင်းဆောင်တွေအပြင် နေအိမ်အကျယ်ချုပ်နဲ့ အထိန်းသိမ်း
ခံထားရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့လည်း
အင်းလျားလိပ်ဟိုတယ်မှာ မနက်ဖြန် တွေ့ဆုံဖို့ ရှိတယ်လို့ သိရပါတယ်။
အမျိုးသားဒီမိုကရေစီအဖွဲ့ချုပ် ကျန် ဗဟိုအလုပ်အမှုဆောင်
ခေါင်းဆောင်တွေကိုတော့ မစ္စတာကမ်းဘဲလ်နဲ့ အဖွဲ့ဟာ မနက်ဖြန် မွန်းလွဲ ၂
နာရီလောက်မှာ အဖွဲ့ချုပ်ရုံးမှာပဲ တွေ့ဖို့ရှိပါတယ်။
အမျိုးသားဒီမိုကရေစီအဖွဲ့ချုပ် အနေနဲ့ မနက်ဖြန် တွေ့ဆုံဖြစ်တဲ့အခါ ဘာတွေ
ဆွေးနွေးဖြစ်မလဲ ဆိုတာကိုတော့ အဖွဲ့ချုပ် ဗဟိုအလုပ်အမှုဆောင် အဖွဲ့ဝင်
ဦးခင်မောင်ဆွေက အခုလို ပြောပါတယ်။
“ကျနော်တို့ကတော့
တွေ့ဆုံခွင့် ရမယ်ဆိုရင်တော့ CEC အကုန်လုံးနဲ့ တွေ့ဖို့ကိုပဲ
လိုလားပါတယ်။ အဖွဲ့ချုပ်ရုံး ဌာနချုပ်မှာ လာပြီးတော့ တွေ့ဆုံမယ်ဆိုတော့
ကျနော်တို့က လက်ခံတွေ့ဆုံရမယ့်တာဝန် ရှိပါတယ်။ ဧည့်သည်ကို လက်ခံဖို့
အိမ်ရှင်အနေနဲ့လည်း တာဝန်ရှိပါတယ်။”
အန်ကယ်တို့ မနက်ဖြန်
မစ္စတာ ကာ့တ် ကမ်းဘဲလ်နဲ့ တွေ့တဲ့အခါ အဓိက ဘယ်အချက်တွေကို
ဆွေးနွေးဖို့ရှိလဲ ခင်ဗျ။
“အဓိက နံပါတ်တစ်ကတော့
ရွှေဂုံတိုင် ကြေညာစာတမ်းပါ အချက်တွေကို ကျနော်တို့က ဦးစွာ ရှင်းပြမှာ
ဖြစ်ပါတယ်။ ဘာကြောင့်လဲဆိုတော့ ရွှေဂုံတိုင် ကြေညာစာတမ်းဟာ
လက်ရှိကိုင်စွဲထားတဲ့ အဖွဲ့ချုပ်ရဲ့ နိုင်ငံရေး သဘောထားတွေ
ဖြစ်တာကြောင့် ရွှေဂုံတိုင် ကြေညာစာတမ်းကို တင်ပြ ရှင်းလင်းမှာ
ဖြစ်ပါတယ်။ နောက်ပြီးတော့ တွေ့ဆုံဆွေးနွေးရေး၊ အမျိုးသား
ပြန်လည်သင့်မြတ်ရေးနဲ့ အခြေခံဥပဒေကို ဒီမိုကရေစီကို သွားနိုင်မယ့်
အနေအထားတွေ ဖြစ်ပေါ်လာအောင် ပြင်ဆင်ပေးဖို့ ရည်ရွယ်ထားတယ် ဆိုတာကို
ဖြေကြား ရှင်းလင်းသွားမှာ ဖြစ်ပါတယ်။”
အန်ကယ် ဦးခင်မောင်ဆွေ
တယောက်တည်း အမြင်နဲ့ပေါ့၊ အခု မစ္စတာ ကာ့တ် ကမ်းဘဲလ်ရဲ့ ခရီးစဉ်နဲ့
ပတ်သက်လို့ ရလဒ်ကို ဘယ်လောက်အထိ မျှော်လင့်ထားလဲခင်ဗျ။
“ကျနော်တို့အနေနဲ့ကတော့
သက်ဆိုင်ရာ အာဏာပိုင်တွေနဲ့ ကာ့တ် ကမ်းဘဲလ်နဲ့ တွေ့ဆုံပြီးတဲ့အခါမှာ
ဘယ်လောက်အထိ သူတို့ သဘောတူညီချက် ရရှိခြင်း၊ မရရှိခြင်း အပေါ်မှာသာ
သုံးသပ် ဆုံးဖြတ်ရမှာ ဖြစ်ပါတယ်။ ကျနော်တို့က အခုနေ သိပ်ပြီး
အကောင်းမြင်လို့ မရသလို၊ အဆိုးမြင် သဘောထားတွေကို တင်ပြလို့လည်း
မရပါဘူး။ သဘောကတော့ အမေရိကန် အစိုးရအနေနဲ့ အခုလို လာရောက်ပြီးတော့
အာဏာပိုင်တွေနဲ့ ဆက်သွယ်ကြိုးပမ်းခြင်းကိုတော့ ကျနော်တို့က ကြိုဆိုရမှာ
ဖြစ်ပါတယ်။”
လူ့အခွင့်အရေး
အဖွဲ့တွေကတော့ အခုလို နိုင်ငံတကာရဲ့ မြန်မာစစ်အစိုးရနဲ့ တိုက်ရိုက်ထိစပ်
ဆက်ဆံလာကြတဲ့ နောက်အဆင့်အနေနဲ့ ဒေါ်အောင်ဆန်းစုကြည် အပါအ၀င်
နိုင်ငံရေးအကျဉ်းသား အားလုံး လွတ်မြောက်ရေးအတွက် စစ်အစိုးရကို
ဖိအားပေးဖို့ လိုမယ်လို့ ပြောနေကြပါတယ်။ ဆူနိုင်း ဖာစုခ် (Sunai Pasuk)
ဟာ Human Rights Watch လူ့အခွင့်အရေး စောင့်ကြပ်မှုအဖွဲ့ရဲ့
ထိုင်းနိုင်ငံဆိုင်ရာ ကိုယ်စားလှယ် ဖြစ်ပါတယ်။
“ဒေါ်အောင်ဆန်းစုကြည်နဲ့
တွေ့ဆုံဆွေးနွေးနိုင်ရုံနဲ့ မလုံလောက်သေးဘူး ဆိုတာကို
အမေရိကန်ပြည်ထောင်စု အနေနဲ့ ရှင်းရှင်းလင်းလင်း ပြသဖို့ လိုပါတယ်။
ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသားတွေ အားလုံး အမြန်ဆုံး
ပြန်လွှတ်ပေးမယ်ဆိုတဲ့ မြန်မာအစိုးရဘက်က အာမခံချက်ရဖို့ လိုအပ်ပါတယ်။
ဒီကိစ္စကို အပေးအယူလုပ်လို့ မရပါဘူး။ ပြင်းပြင်းထန်ထန် အကြိမ်ကြိမ်
ပြောဆိုသင့်ပါတယ်။” လို့ ဆူနိုင်း ဖာစုခ်ကပြောသွားပါတယ်။
နိုင်ငံရေး အပြောင်းအလဲတွေ
တကယ်ဖြစ်လာဖို့နဲ့ အမေရိကန်၊ မြန်မာ ဆက်ဆံရေး ဒီထက်ပိုပြီး
တိုးတက်လာဖို့ကတော့ မြန်မာအစိုးရရဲ့ လုပ်ဆောင်ချက်တွေ၊ သဘောထားတွေ
အပေါ်မှာ တည်တယ်လို့ လေ့လာသူတွေက ယူဆပါတယ်။ မြန်မာနိုင်ငံကို အပြုသဘော
တိုက်ရိုက်ထိတွေ့ ဆက်ဆံပြီး နိုင်ငံရေးအရ ပြောင်းလဲအောင်
ကြိုးစားမယ်ဆိုတာ အရင်ကတည်းက အာဆီယံက ကြိုးစားလုံးပန်းခဲ့တာပါ။ ဒါပေမဲ့
အာဆီယံအနေနဲ့ အပြောထက် လက်တွေ့ ထိထိရောက်ရောက် မလုပ်နိုင်ခဲ့ပါဘူး။
လာမယ့်လ အာဆီယံနဲ့
အမေရိကန် အစည်းအဝေးမှာ အမေရိကန်သမ္မတ ဘရက်ခ် အိုဘားမား (Barack Obama)
နဲ့ အာဆီယံ ခေါင်းဆောင်တွေ တွေ့ကြတဲ့အခါ ဖမ်းဆီးထိန်းသိမ်း ခံထားရတဲ့
ဒေါ်အောင်ဆန်းစုကြည် ကိစ္စကိုလည်း ဆွေးနွေးလိမ့်မယ်လို့
စင်ကာပူဝန်ကြီးချုပ် လီရှန်လွန်း (Lee Hsien Loong) က AFP သတင်းဌာနကို
ပြောခဲ့ပါတယ်။ အဲဒီမှာ မြန်မာဝန်ကြီးချုပ် ဗိုလ်ချုပ်ကြီးသိန်းစိန်
တက်ရောက်လိမ့်မယ်လို့ ခန့်မှန်းရပါတယ်။
အခု အမေရိကန် ပေါ်လစီ
အသစ်ကတော့ တိုက်ရိုက်ထိတွေ့ ဆက်ဆံတာအပြင် တဘက်မှာ အရေးယူ
ဒဏ်ခတ်မှုတွေကိုလည်း ဆက်ထိန်းထားဦးမှာ ဖြစ်ပါတယ်။ ဒီ ဒဏ်ခတ်မှုတွေကို
မြန်မာအစိုးရဘက်က တုံ့ပြန်ချက်၊ မြန်မာ့နိုင်ငံရေး အပြောင်းအလဲတွေပေါ်မှာ
တည်ပြီး တဆင့်ပြီးတဆင့် လျှော့ချသွားမယ်လို့ အမေရိကန်
တာဝန်ရှိသူတွေကတော့ ပြောထားပါတယ်။
ဗွီအိုအေမှ ကူးယူဖော်ပြသည်။
..................................................................................................
အမေရိကန် အဆင့်မြင့် ကိုယ်စားလှယ်အဖွဲ့ မြန်မာနိုင်ငံ
အချက်အလက် ရှာဖွေရေးခရီး စတင်
03 November 2009
အရှေ့အာရှနဲ့ ပစိဖိတ်ရေးရာ
အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt
Campbell) ဦးဆောင်တဲ့ အမေရိကန် အဆင့်မြင့် ကိုယ်စားလှယ် ၄ ဦး ပါဝင်တဲ့
အဖွဲ့ဟာ ဒီနေ့ မြန်မာနိုင်ငံကို ရောက်မှာ ဖြစ်ပါတယ်။ လွန်ခဲ့တဲ့ ၁၀
စုနှစ်အတွင်း ဒါဟာ အဆင့်မြင့်ဆုံး အမေရိကန် အရာရှိတွေနဲ့
မြန်မာစစ်အစိုးရတို့ ထိတွေ့ဆက်ဆံပြီး အပြုသဘောဆောင်တဲ့
ပြောင်းလဲမှုတွေကို ပြုလုပ်နိုင်ဖို့ အခုလို အချက်အလက် ရှာဖွေရေး ခရီးစဉ်
ထွက်ခဲ့တာ ဖြစ်ပါတယ်။ အကြောင်းစုံကို ဒေါ်လှလှသန်းက တင်ပြပေးထားပါတယ်။
အမေရိကန် အရှေ့အာရှနဲ့
ပစိဖိတ်ရေးရာ လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ်နဲ့ သူ့ရဲ့
ဒုတိယ လက်ထောက် နိုင်ငံခြားရေး ၀န်ကြီးလည်းဖြစ်၊ အာဆီယံဆိုင်ရာ အမေရိကန်
သံအမတ်ကြီးလည်း ဖြစ်တဲ့ စကော့ မာဆီယယ် (Scot Marciel) တို့ ဦးဆောင်တဲ့
ကိုယ်စားလှယ် ၄ ဦးပါ အဖွဲ့ဟာ သူတို့ရဲ့ ၂ ရက်ကြာ ခရီးစဉ်အတွင်း ဒီနေ့
မြန်မာနိုင်ငံကို ဆိုက်ရောက်ဖို့ ရှိပါတယ်။
အမေရိကန်ပြည်ထောင်စု
အနေနဲ့ မြန်မာစစ်အစိုးရရဲ့ လူ့အခွင့်အရေး ချိုးဖောက်မှုတွေကြောင့်
မြန်မာနိုင်ငံအပေါ် ထားရှိတဲ့ ဒဏ်ခတ် ပိတ်ဆို့မှုတွေဟာ အလုပ်မဖြစ်ခဲ့သလို
အာဆီယံ အပါအ၀င် အိမ်နီးချင်း နိုင်ငံတွေရဲ့ မြန်မာနိုင်ငံအပေါ် ဆက်ဆံတဲ့
ပေါ်လစီတွေဟာလည်း အပြောင်းအလဲ ဖော်ဆောင်ဖို့ ထိရောက်မှု မရှိတဲ့အတွက်
အမေရိကန် ပြည်ထောင်စုက မြန်မာနိုင်ငံအပေါ် ထားရှိတဲ့ ပေါ်လစီကို ပြန်လည်
သုံးသပ်ရာမှာ မြန်မာနိုင်ငံမှာ လူ့အခွင့်အရေး အခြေအနေတွေ တိုးတက်မှု
မရရှိမခြင်း ဒဏ်ခတ်ပိတ်ဆို့မှုတွေ ချမှတ်သွားမှာ ဖြစ်သလို
တချိန်တည်းမှာပဲ မြန်မာစစ်အစိုးရနဲ့ အဆင့်မြင့် ဆက်ဆံရေး ထားရှိဖို့
ပေါ်လစီသစ်မှာ ပြောင်းလဲ ချမှတ်ခဲ့ပါတယ်။
ဒုတိယ လက်ထောက်
နိုင်ငံခြားရေးဝန်ကြီး စကော့ မာဆီယယ်က မြန်မာနိုင်ငံကို သွားရောက်တဲ့
လက်ရှိ အချက်အလက် ရှာဖွေရေး ခရီးစဉ်ရဲ့ ဦးတည်ချက်နဲ့ ပတ်သက်လို့
ပြီးခဲ့တဲ့ သီတင်းပတ် မြန်မာ့အရေး ဆွေးနွေးပွဲမှာ အခုလို
ပြောပြခဲ့ပါတယ်။
“ဒီတွေ့ဆုံ ဆွေးနွေးမှုကနေ
ကျနော်တို့ ဖြစ်ထွန်းစေချင်တာက ဘယ်လိုအခွင့်အရေးမျိုးကို
မြန်မာစစ်အစိုးရက လိုချင်နေတာလဲ ဆုƞ | 
