09 March 2010

အစ္စရေးနဲ့ ပါလက်စတိုင်းအကြား ငြိမ်းချမ်းရေး ဆွေးနွေးပွဲတွေကို သွယ်ဝိုက်တဲ့ နည်းတွေနဲ့ ပြန်လည်စတင်ကြဖို့ သဘောတူလိုက်တာဟာ ငြိမ်းချမ်းရေးအတွက် အခွင့်အလမ်း ပွင့်စေတယ်လို့ အမေရိကန် ပြည်ထောင်စု ဒု-သမ္မတ ဂျိုး ဘိုင်ဒန် (Joe Biden) က ပြောဆိုလိုက်ပါတယ်။

ဒု-သမ္မတ ဂျိုး ဘိုင်ဒန်ဟာ ဒီနေ့ အစ္စရေး သမ္မတ ရှီမွန် ပီရက်စ် (Shimon Peres) တွေ့မှာ ဖြစ်ပါတယ်။

မနှစ်က သမ္မတ အိုဘားမား (Obama) တာဝန်ယူပြီးချိန်က စပြီး အမေရိကန် တာဝန်ရှိသူတွေထဲက အဆင့်အမြင့်ဆုံး ပုဂ္ဂိုလ်တဦး အနေနဲ့ အစ္စရေးနဲ့ အနောက်ဘက်ကမ်းခြေ ဒေသကို မစ္စတာဘိုင်ဒန် ပထမဆုံးအကြိမ် ခရီးထွက်ခဲ့တာ ဖြစ်ပါတယ်။

ဒု-သမ္မတ ဘိုင်ဒန်ဟာ ဒီနေ့ညနေပိုင်းမှာ အစ္စရေး ၀န်ကြီးချုပ် ဘင်ဂျမင် နက်တန်ယာဟု (Benjamin Netanyahu) နဲ့ တွေ့ဆုံပြီး မနက်ဖြန် ဗုဒ္ဓဟူးနေ့မှာတော့ ရာမာလာမြို့ကို သွားပြီး ပါလက်စတိုင်း သမ္မတ မာမွတ် အဘတ်စ် (Mahmoud Abbas) နဲ့ တွေ့ဆုံဖို့ ရှိပါတယ်။

အစ္စရေးနဲ့ ပါလက်စတိုင်းအကြား သွယ်ဝိုက်တဲ့ သံတမန်ရေး နည်းလမ်းကတဆင့် နှစ်ဘက် တိုက်ရိုက်စေ့စပ် ပြောဆိုနိုင်မယ့် အဆင့်အထိ အမြန်ဆုံးနဲ့ အဖြစ်နိုင်ဆုံး ဦးတည်သွားစေနိုင်တယ်လို့ အရှေ့အလယ်ပိုင်း ဒေသဆိုင်ရာ အမေရိကန် အထူးကိုယ်စားလှယ် ဂျော့ခ်ျ မစ်ချဲလ် (George Mitchell) က မျှော်လင့်နေပါတယ်။

ဗွီအိုအေမှ ကူးယူဖော်ပြသည်။

..........................................................................................................................

ဟေတီငလျင် အရေးပေါ် အကူအညီ လိုအပ်ဆဲ

15 January 2010

ဟေတီနိုင်ငံမှာ အပျက်အစီး အဆုံးအရှုံးတွေနဲ့ အကြီးအကျယ် ကြုံခဲ့ရတဲ့အထိ အင်္ဂါနေ့တုန်းက လှုပ်ခတ်ခဲ့တဲ့ မြေငလျင်နောက်ပိုင်း အရေးပေါ် ကယ်ဆယ်ရေး အကူအညီတွေ ပေးအပ်ဖို့ ကတိပြုထားပေမဲ့ ကြန့်ကြာမှုတွေ ရှိနေချိန်မှာ စိတ်ပျက်လက်ပျက် ဖြစ်နေကြတဲ့ ဟေတီနိုင်ငံသားတွေကတော့ မြို့တော် ပို့တ် အို ပရင့်စ် (Port-au-Prince) လမ်းတွေပေါ်မှာပဲ စတုတ္ထနေ့ကို ကုန်လွန်နေကြရပါတယ်။

အမေရိကန် လေယာဉ်တင်သင်္ဘော USS Carl Vinson ကတော့ ဒီကနေ့ ဟေတီကို ရောက်သွားပါပြီ။ ဒီသင်္ဘောပေါ်ကနေ အရေးပေါ် ကယ်ဆယ်ရေး အဖွဲ့တွေနဲ့ ထောက်ပံ့ရေး ပစ္စည်းတွေကို ရဟတ်ယာဉ်တွေနဲ့ သယ်ဆောင်ပြီး အခြေစိုက် လေယာဉ်ကွင်းအဖြစ် အသုံးပြုသွားမှာပါ။

နှစ်ပေါင်း ၂၀၀ အတွင်း အဆိုးရွားဆုံး မြေငလျင်ကြောင့် မြို့တော်တခုလုံး အပျက်အစီးပုံအဖြစ် ရောက်ခဲ့တဲ့နောက် လေယာဉ်နဲ့အပြည့် တပ်သားတွေ၊ လိုအပ်နေတဲ့ အစားအစာ၊ ဆေးဝါးတွေကို နိုင်ငံအများအပြားက အကူအညီတွေ မနေ့ကစလို့ တဖြည်းဖြည်းချင်း ရောက်ရှိလာနေပါတယ်။ ဒါပေမဲ့လည်း ကယ်ဆယ်ရေး လုပ်သားတွေကတော့ အစားအသောက်နဲ့ အကူအညီတွေကို လုယက်မှုတွေဟာ ပြဿနာတရပ် ဖြစ်လာနေတယ်လို့ ဆိုပါတယ်။

ပြင်းအား ၇ ရှိတဲ့ ငလျင်ဒဏ်ကြောင့် အိုးအိမ်တွေ၊ အစိုးရ အဆောက်အဦးတွေ ပြိုလဲပြီး မရေမတွက် နိုင်လောက်တဲ့ လူတွေဟာလည်း အပျက်အစီးတွေအောက် ရောက်ကုန်ကြတာမို့ လူပေါင်း ၄၅,၀၀၀ ကနေ ၅၀,၀၀၀ လောက်အထိ သေဆုံးနိုင်တယ်လို့လည်း ကြက်ခြေနီအဖွဲ့က ခန့်မှန်းပါတယ်။ အပျက်အစီးတွေအောက် ပိတ်မိနေသူတွေကို ကူညီကယ်ဆယ်မှု အစီအစဉ်တွေကိုတော့ ဆောင်ရွက်နေဆဲ ဖြစ်ပါတယ်။

အမေရိကန် အစိုးရကတော့ အရေးပေါ် အကူအညီအဖြစ် အမေရိကန် တပ်ဖွဲ့ဝင် ၅,၀၀၀ ကို လုံခြုံရေးနဲ့ အထောက်အပံ့တွေ ဖြန့်ဖြူးရေးအတွက် ဟေတီကို စေလွှတ်ခဲ့တာပါ။ သမ္မတ ဘရက်ခ် အိုဘားမား (Barack Obama) ကလည်း ဟေတီနိုင်ငံ ပြန်လည်ထူထောင်ရေး အစီအစဉ်အတွက် ဒေါ်လာ သန်း ၁၀၀ ထောက်ပံ့ကူညီသွားမှာ ဖြစ်တဲ့အကြောင်း မနေ့ကပဲ ပြောဆိုလိုက်တာပါ။

အမေရိကန်စစ်တပ် တောင်ပိုင်းတပ်မှူးကတော့ မနေ့ကစလို့ ဟေတီကို အမေရိကန်စစ်သည် ရာနဲ့ချီပြီး ရောက်ရှိသွားပြီး နောက်ထပ်ပို့ဖို့ ရှိတယ်လို့ ဆိုပါတယ်။ သမ္မတကတော် မစ်ရှဲလ် အိုဘားမား (Michelle Obama) ကလည်း အမေရိကန်ပြည်သူတွေ အလှူငွေ ထည့်ဝင်နိုင်မယ့် အဖွဲ့အစည်းတွေကို အများသိနိုင်အောင် လှုံ့ဆော်တဲ့ လှုပ်ရှားမှု တခုကိုလည်း ပြုလုပ်ခဲ့ပါတယ်။

ပြင်သစ်နိုင်ငံကလည်း ဟေတီနိုင်ငံက ပေးစရာရှိနေတဲ့ ကြွေးမြီ ဒေါ်လာ ၇၈ သန်း နီးပါးကို လျှော်လိုက်ကြောင်း ကြေညာခဲ့ပါတယ်။ သူ့နိုင်ငံမှာ ရောက်နေတဲ့ တရားမ၀င် ဟေတီနိုင်ငံသားတွေကို နေရပ်ရင်း ပြန်ပို့ဖို့ စီစဉ်ထားတာကိုလည်း ဆိုင်းငံ့ထားလိုက်ပြီး ငလျင်ဒဏ် ခံခဲ့ရသူတွေကို အကူအညီ ပေးဖို့အတွက် နိုင်ငံနယ်စပ်တွေကို ယာယီအားဖြင့် ဖွင့်လှစ်ထားမယ်လို့ ပြောဆိုခဲ့ပါတယ်။

ဗွီအိုအေမှ ကူးယူဖော်ပြသည်။

...............................................................................................................

HIV ကာကွယ်ရေး အပယ်ခံအဖြစ် ခွဲခြားမှုကြောင့် အဟန့်အတား ဖြစ်နေဆဲ

01 December 2009

ဒီဇင်ဘာလ ၁ ရက်နေ့ဟာ ကမ္ဘာ့ AIDS ရောဂါ တိုက်ဖျက်ရေးနေ့ ဖြစ်တာနဲ့အမျှ ကမ္ဘာတ၀န်း AIDS ရောဂါအသစ် ဖြစ်ပွားတဲ့နှုန်း ကျဆင်းလာပြီး HIV ရောဂါ ကာကွယ်ရေး အစီအစဉ်တွေဟာ ထိရောက်မှုတွေ ရှိတယ်လို့ ကုလသမဂ္ဂ HIV/AIDS အစီအစဉ်က ထုတ်ပြန်လိုက်တဲ့ သုတေသန စစ်တမ်းအသစ်မှာ ဆိုပါတယ်။ ဒါပေမဲ့ HIV ရောဂါအပေါ် စိုးရိမ်ကြောက်လန့်မှုတွေကြောင့် ရောဂါရှိတယ် ဆိုတာကို ဖုံးကွယ်ထားကြခြင်းက ပိုပြီး ထိရောက်တဲ့ ကာကွယ်မှုတွေကို လုပ်ဖို့ အတားအဆီးတွေ ဖြစ်စေတယ်လို့ လန်ဒန်မြို့ကနေ ဆေလာ ဟန်နက်စ်ဆီ (Selah Hennessy) သတင်းပေးပို့ထားတာကို ကိုရန်နိုင်က တင်ပြပေးထားပါတယ်။

လန်ဒန်မြို့မှာ နေထိုင်တဲ့ ယူဂန်ဒါနွယ်ဖွား ၀င်နီ ဆန်ညူ ဆရူးမား (Winnie Ssanyu Sseruma) ဟာ သူ့အသက် ၂၀ ကျော်အရွယ်မှာ သူ့မှာ HIV ရောဂါ ရှိတယ်ဆိုတာကို သိရှိခဲ့တာ ဖြစ်ပါတယ်။ အဲဒီအချိန်ကစပြီး သူ့ဘ၀ဟာ လုံးဝ အပြောင်းအလဲတွေ ဖြစ်ခဲ့ပါတယ်။

“အဲဒီလို သိလိုက်ရတဲ့ အချိန်တုန်းက အဓိကကတော့ တုန်လှုပ်ချောက်ချားသွားတာပါ။ အဲဒါပြီးတော့ ငါဘာလုပ်ရမလဲ၊ ငါ ဒီလောကကြီးမှာ အသက်ရှည်ရှည် အကြာကြီး နေရဦးမှာလား၊ ငါ သေတော့မှာလား၊ အခု ငါ ဘာဖြစ်မှာလဲ ဆိုပြီး အတွေးတွေ ဖြစ်လာခဲ့ပါတယ်။”

သူ့မှာ HIV ရောဂါ ရှိတယ်ဆိုတာကို သူ့မိသားစုနဲ့ သူငယ်ချင်းတွေကို နှစ်အတော်ကြာတဲ့အထိ မပြောခဲ့ပါဘူး။ အဲဒီအချိန်အတွင်းမှာ သူ့အကိုဟာ HIV ရောဂါနဲ့ ဆုံးပါးသွားခဲ့ပါတယ်။ သူ့မှာ HIV ရောဂါ ခံစားနေရတယ် ဆိုတာကို ထုတ်ဖော်မပြောခင်မှာ သူ ရှက်တယ်လို့ ခံစားရတာနဲ့အတူ ဒါကို ဘယ်လိုပြောရမလဲ ဆိုတာကိုပါ စဉ်းစားလာရပါတယ်။

“တချို့အချိန်တွေမှာ ကျနော့်ရဲ့ စိုးရိမ်ထိတ်လန့်မှုတွေ၊ ရှက်ရွံ့မှုတွေ ခံစားရတာနဲ့ ပတ်သက်ပြီး ဘယ်လိုဖြေရှင်းမလဲ ဆိုတာကို နှစ်သိမ့်ဆွေးနွေးတာတွေ လုပ်ခဲ့ရပါတယ်။ အဲဒီလိုလုပ်ပြီး သိလည်းသိသွားရော ကျနော့်ရဲ့ HIV အခြေအနေကို ရင်ဆိုင်လာနိုင်ပြီး ပြောပြလာနိုင်ပါတယ်။”

လူအတော်များများကတော့ သူ့တို့မှာ HIV ရောဂါ ရှိတယ်ဆိုတာကို သိသွားရင် သူတို့ဟာ လူ့အသိုင်းအ၀ိုင်း အပြင်ဘက်ကို ရောက်သွားလိမ့်မယ်၊ လူ့အသိုင်းအ၀ိုင်း ကြားကနေ ဖယ်ထုတ်ခံထားရလိမ့်မယ် ဆိုပြီး စိုးရိမ်ထိတ်လန့် နေကြတယ်လို့ သူက ပြောပါတယ်။

“ရောဂါရှိတဲ့ ကျနော့်တို့လို လူမျိုးတွေဟာ၊ ရှက်ရွံ့မှုကို ဆက်ပြီး ခံစားနေရတုန်းပါ။ ကျနော့်မှာ HIV ရောဂါ ရှိပါတယ်လို့ ထုတ်မပြောရဲတဲ့ သူတွေ အတော်များများ ရှိနေတုန်းပါ။ ဘာကြောင့်လဲဆိုတော့ လူတွေက ဘယ်လိုပုံစံမျိုးနဲ့ တုံ့ပြန်လာမလဲ သူတို့ တွေးနေကြလို့ပါ။”

အခုအခါ ကမ္ဘာပေါ်မှာရှိတဲ့ လူပေါင်း ၃၃ သန်းဟာ HIV/ AIDS ရောဂါဝေဒနာကို ခံစားနေရပါတယ်။ အသစ်ထုတ်ပြန်လိုက်တဲ့ အစီရင်ခံစာမှာတော့ အာဖရိက ဒေသဟာ HIV AIDS ဝေဒနာရှင် အများဆုံး ဖြစ်ပါတယ်။ အဲဒီအစီရင်ခံစာကပဲ HIV ရောဂါပိုး အသစ်တွေ့ရှိသူ အရေအတွက်ဟာ ကျဆင်းလာတယ်လို့ ဆိုပြီး ဒါဟာ ရောဂါကာကွယ် အစီအစဉ် ထိရောက်မှုတွေ ရှိလာတဲ့ လက္ခဏာ ဖြစ်တယ်လို့ ကုလသမဂ္ဂက ပြောပါတယ်။

ဆရူးမားရဲ့ မိသားစု နေထိုင်ရာ ယူဂန်ဒါနိုင်ငံမှာတော့ လူဦးရေ စုစုပေါင်းရဲ့ ၆% ဟာ HIV ဝေဒနာကို ခံစားနေရပါတယ်။ HIV/AIDS ရောဂါနဲ့ ပတ်သက်ပြီး အများက မသတီသလို လုပ်နေသရွေ့တော့ ရောဂါဖြစ်တဲ့သူ အရေအတွက်ဟာလည်း လျော့ကျလာနိုင်စရာ မရှိဘူးလို့ ဆရူးမားက ပြောပါတယ်။

လန်ဒန်မှာရှိတဲ့ အာဖရိကလူမျိုး HIV ဝေဒနာရှင်တွေနဲ့ အလုပ်လုပ်ခဲ့ဖူးတဲ့ ဗြိတိန်အခြေစိုက် AIDS ရောဂါ ကာကွယ်ရေး လှုပ်ရှားတဲ့ The Terrence Higgins Trust အဖွဲ့က မာ့ခ် သောမ်ဆင် (Marc Thompson) က HIV ရောဂါရဲ့ အမည်းစက်ကြီးက အဓိက ပြဿနာ ဖြစ်တယ်ဆိုတာကို သဘောတူကြောင်း အခုလို ပြောပါတယ်။

“ကျနော်တို့ သေချာပေါက် တွေ့ခဲ့တာတွေက လူနာရဲ့ အမည်းစက်တွေအဖြစ်နဲ့ ခွဲခြားဆက်ဆံမှုတွေ ရှိနေမယ်၊ ဒါကို အမည်းစက်ကြီးလို့ ထင်နေမယ်ဆိုရင် လူတွေအနေနဲ့ စိုးရိမ်ကြောက်လန့်ပြီး အစမ်းသပ်ခံဖို့ သိပ်ပြီး ဆန္ဒရှိလာကြမှာ မဟုတ်ပါဘူး။”

တကယ်လို့ HIV ရောဂါဝေဒနာ ရှိတဲ့သူက စစ်ထားတာ မရှိဘူးဆိုရင် သူတို့ဟာ သူတို့ရဲ့ အိမ်ထောင်ဘက်တွေ၊ မိခင်တွေကနေ ကလေးတွေအထိပါ ရောဂါကို ပျံ့နှံ့လာစေနိုင်တယ်လို့ မစ္စတာ သောမ်ဆင်က ပြောပါတယ်။ HIV ရောဂါနဲ့ ပတ်သက်တဲ့ အမည်းစက်ဟာ အထူးသဖြင့် လန်ဒန်မြို့က အာဖရိကန် လူမှုအသိုင်းအ၀ိုင်းမှာ ပိုပြီးတော့ များတယ်လို့ မစ္စတာ သောမ်ဆင်က ပြောပါတယ်။

“အဲဒါကြောင့် ဒီအတားအဆီးကို ကြိုးစားပြီး ကျော်ဖြတ်နိုင်ဖို့ ဖြစ်ပါတယ်။ ဘာသာရေး ခေါင်းဆောင်တွေနဲ့လည်း တွဲပြီးလုပ်ဖို့ ကြိုးစားရပါတယ်။ အဲဒီလိုဆိုရင် လိင်ဆက်ဆံတာဟာ မကောင်းတာလုပ်တာ၊ HIV နဲ့ AIDS ဟာ လူတကာနဲ့ လိင်ဆက်ဆံလို့ ဘုရားက ဒဏ်ခတ်တာ ဖြစ်တယ်လို့ သူတို့ထင်လာတော့မှာ မဟုတ်ပါဘူး။”

အခုအခါမှာ HIV ရောဂါဝေဒနာရှင် သန်းပေါင်းများစွာဟာ ရောဂါကာကွယ်ဆေးတွေကို သုံးစွဲလာကြတာကြောင့် AIDS ရောဂါဟာ သေမိန့်ချလိုက်တဲ့ ရောဂါတော့ မဟုတ်တော့ပါဘူး။ ဒါပေမဲ့ အာဖရိက ဒေသမှာတော့ ဆေးဝါးကုသမှု ခံယူရတဲ့ HIV ဝေဒနာရှင် အရေအတွက်ဟာ ထက်ဝက်အောက် လျော့နည်းပါတယ်။ HIV ရောဂါကို တိုက်ဖျက်ဖို့အတွက် ကာကွယ်ရေးက အရေးကြီးတယ်လို့ ကျွမ်းကျင်သူတွေက ဆိုပါတယ်။

အပြည်ပြည်ဆိုင်ရာ HIV/ AIDS မဟာမိတ်အဖွဲ့က အကြံပေးလည်းဖြစ်၊ ဆေးပညာရှင်လည်းဖြစ်တဲ့ ဒေါက်တာ အာဒီ ဖာကိုယာ (Dr. Ade Fakoya) က အခုလို ပြောပါတယ်။

“ကာကွယ်မှုတွေက ဆေးဝါးကုသမှုတွေထက် အမြဲလိုလို ပိုပြီးနည်းပါတယ်။ ဒါဟာ အလွန်ကို ၀မ်းနည်းဖို့ ကောင်းပါတယ်။ ဘာကြောင့်လဲဆိုတော့ ရောဂါအသစ် ၅ ခုတိုင်းအတွက် ၂ ခုကိုပဲ ကုသမှု ရပါတယ်။ အဲဒါကြောင့် ကျနော်တို့ဟာ ကာကွယ်မှုတွေကို အဓိက အာရုံစိုက်ဖို့ လိုတယ်ဆိုတာ ထင်ရှားပါတယ်။”

HIV ရောဂါဖြစ်နေတဲ့ ဆရူးမားအတွက်တော့ HIV ရောဂါနဲ့ ပတ်သက်တဲ့ အမည်းစက်တွေကို ဖယ်ရှားနိုင်မယ်ဆိုရင် HIV ဝေဒနာ ကာကွယ်တားဆီးရေးအတွက် ရှေ့တလှမ်း တိုးလိုက်နိုင်တာ ဖြစ်ပါတယ်။

“HIV ဟာ ကျနော့်ဘ၀ကို ၀ါးမျိုသွားမယ့်အရာ မဟုတ်ဘူး ဆိုတာကို ကျနော် ဆုံးဖြတ်ထားပြီးပါပြီ။ ပြီးတော့ ကျနော့်ကို လူတွေ ကဲ့ရဲ့ပြောဆိုတာကိုလည်း ခံမှာမဟုတ်ဘူး။ HIV နဲ့ ပတ်သက်ပြီး ကျနော် လူသိရှင်ကြား ထုတ်ဖော်ပြောဆိုခဲ့တယ်။ ဒီရောဂါနဲ့ ဘယ်လို အကောင်းဆုံး နေရမလဲဆိုတာ ကျနော်သိတဲ့အတိုင်း နေတယ်။ ကျနော့်ရဲ့ အတွေ့အကြုံတွေကို ဝေမျှတယ်။ ကျနော့်လို အခြေအနေမျိုး ဖြစ်နေတဲ့သူတွေကို ကူညီတယ်။ ပြီးတော့ HIV နဲ့ ပတ်သက်ပြီး တခြားလူတွေကို ပညာပေးတယ်။”

ကုလသမဂ္ဂရဲ့ ၂၀၀၉ ခုနှစ် အစီရင်ခံစာအရ ၂၀၀၈ ခုနှစ်မှာ HIV ရောဂါ အသစ်ထပ်ဖြစ်တဲ့သူ အရေအတွက်ဟာ ၂.၇ သန်းရှိပြီး လူပေါင်း ၂ သန်းလောက်ဟာ AIDS နဲ့ သက်ဆိုင်တဲ့ ရောဂါတွေနဲ့ သေဆုံးခဲ့ပါတယ်။ အာဖရိကတိုက် ဆဟာရလွင်ပြင် တောင်ပိုင်းဒေသမှာတော့ HIV အသစ်ထပ်ဖြစ်တဲ့သူ အရေအတွက်ဟာ ၂၀၀၁ ခုနှစ်က စလို့ ၁၅% ကျဆင်းခဲ့ပါတယ်။

ဗွီအိုအေမှ ကူးယူဖော်ပြသည်။

ဂရိပိုင် ရေနံတင်သင်္ဘော ဆိုမားလီးယား ပင်လယ်ဓားပြတွေ သိမ်းပိုက်

30 November 2009

ဆိုမားလီးယားကမ်းလွန်နဲ့ မိုင် ၇၀၀ နီးပါး အကွာမှာရှိတဲ့ ပင်လယ်ထဲမှာ သင်္ဘောသား ၂၈ ယောက်ပါတဲ့ ရေနံတင် သင်္ဘောတစင်းကို ဆိုမာလီ ပင်လယ်ဓားပြတွေ သိမ်းပိုက်ထားပါတယ်။

အိန္ဒိယ သမုဒ္ဒရာထဲက ဆီးရှဲလ်စ် (Seychelles) ကျွန်း အရှေ့မြောက်ပိုင်းမှာ ဂရိပိုင် မာရန် ဆန်တောရပ်စ် (Maran Centaurus) ရေနံတင်သင်္ဘောကို တနင်္ဂနွေနေ့က ပင်လယ်ဓားပြတွေ ဓားပြတိုက် သိမ်းယူခဲ့တယ်လို့ ရေကြောင်းဆိုင်ရာ တာဝန်ရှိသူတွေက ပြောပါတယ်။

ရေနံစည်ပေါင်း ၂,၀၀၀,၀၀၀ ကျော်ဆံ့တဲ့ ဒီသင်္ဘောဟာ အရှေ့အလယ်ပိုင်းကနေ အမေရိကန်ကိုအသွား ဓားပြတိုက်ခံရတာ ဖြစ်ပါတယ်။

သင်္ဘောသားတွေထဲမှာ ရိုမေးနီးယား ၁ ယောက်၊ ယူကရိန်း ၂ ယောက်၊ ဂရိ ၉ ယောက်နဲ့ ဖိလစ်ပိုင် ၁၆ ယောက် ပါတယ်လို့ ဥရောပသမဂ္ဂရဲ့ ပင်လယ်ဓားပြ တိုက်ဖျက်ရေးအဖွဲ့က ပြောပါတယ်။

ရေနံအပြည့် ပါသွားတဲ့ သင်္ဘော ဓားပြတွေလက်ထဲ ရောက်သွားတာဟာ ပြန်ပေးသမားတွေအတွက် ပွပေါက်ပဲလို့ ကင်ညာနိုင်ငံ အခြေစိုက် အရှေ့အာဖရိက သင်္ဘောသားအရေး ကူညီရေး အစီအစဉ်က အန်ဒရူး မွမ်ဂူရာ (Andrew Mwangura) က ပြောပါတယ်။

ဒီသင်္ဘောသာ တခုခုဖြစ်ခဲ့မယ်ဆိုရင် လုံခြုံရေးနဲ့ ပတ်ဝန်းကျင် ထိခိုက်မှုဆိုင်ရာ အန္တရာယ်တွေလည်း ရှိနေပါတယ်။

သင်္ဘောတွေ ဖြတ်သွားဖြတ်လာများတဲ့ ဆိုမားလီးယား ကမ်းလွန်ပင်လယ်ထဲမှာ ပင်လယ်ဓားပြရန်က ကာကွယ်နိုင်ဖို့ အတွက်လည်း EU၊ နေတိုး၊ အမေရိကန် စတဲ့အဖွဲ့တွေ၊ နိုင်ငံတွေက ရေတပ်သင်္ဘောတွေကို စေလွှတ်ထားပါတယ်။

ဗွီအိုအေမှ ကူးယူဖော်ပြသည်။

...............................................................................................................

ရာသီဥတုဆိုင်ရာ ကိုပင်ဟေဂင် ထိပ်သီး အစည်းအဝေး သမ္မတ အိုဘားမား တက်မည်

25 November 2009

ကုလသမဂ္ဂရဲ့ ရာသီဥတုဆိုင်ရာ ထိပ်သီး အစည်းအဝေးပွဲကို တက်ရောက်ဖို့ အမေရိကန် သမ္မတ ဘရက်ခ် အိုဘားမား (Barack Obama) ဒီဇင်ဘာလ ၉ ရက်နေ့မှာ ဒိန်းမတ်နိုင်ငံ ကိုပင်ဟေဂင်မြို့ကို သွားရောက်မယ်လို့ သမ္မတ အိမ်ဖြူတော်က ပြောဆိုလိုက်ပါတယ်။
 

ဒိန်းမတ်နိုင်ငံ မြို့တော်က အစည်းအဝေးပွဲအတွင်း ရာသီဥတု ဖောက်ပြန်မှုကို ရင်ဆိုင်ဖြေရှင်း သွားနိုင်မယ့် အဓိပ္ပာယ်ပြည့်ဝတဲ့ သဘောတူညီချက်တရပ် ထွက်ပေါ်လာနိုင်မယ်လို့ သမ္မတက ယုံကြည်ထားကြောင်း မနေ့တုန်းက အိမ်ဖြူတော် ကြေညာချက်က ဖော်ပြပါတယ်။
 

သမ္မတ အိုဘားမား အခုလို တက်ရောက်လာမယ် ဆိုတဲ့အတွက် ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ကလည်း ကြိုဆိုတဲ့အကြောင်း အတွင်းရေးမှူးချုပ်ရဲ့ ပြောခွင့်ရသူက ဆိုပါတယ်။ နိုင်ငံခေါင်းဆောင်တွေ ပါဝင်တက်ရောက်ကြဖို့ အတည်ပြု ပြောဆိုချက်တွေ ထွက်ပေါ်လာတာနဲ့အမျှ အောင်မြင်တဲ့ အဆုံးသတ် နိဂုံးတရပ် ထွက်ပေါ်လာမယ့် အရှိန်အဟုန်တွေလည်း ကြီးထွားလာနေကြောင်းလည်း ပြောခဲ့တာပါ။
 

ကိုပင်ဟေဂင် အစည်းအဝေးပွဲမှာ အကောင်အထည်ဖော် ဆောင်ရွက်နိုင်မယ့် ခိုင်မာတဲ့ သဘောတူညီချက်တခု ရရှိဖို့ဟာ နိုင်ငံတွေ အားလုံးက မလုပ်မဖြစ် လုပ်ဆောင်သွားကြရမယ့် ကိစ္စအဖြစ် အင်္ဂါနေ့တုန်းကပဲ ပြောခဲ့တာပါ။ ဒီကမှ ဥပဒေအရ မလိုက်နာမဖြစ် လိုက်နာရမယ့် သဘောတူညီချက်တခု အဆင့်ကို နောက်ထပ် လှမ်းနိုင်မှာ ဖြစ်တယ်လို့လည်း သမ္မတ အိုဘားမားက ဆိုခဲ့ပါတယ်။

ဗွီအိုအေမှ ကူးယူဖော်ပြသည်။

......................................................................................................

သမ္မတ အိုဘားမားနဲ့ တရုတ်သမ္မတ တွေ့ဆုံ ညစာစား

16 November 2009

တရုတ်နိုင်ငံကို ရောက်နေတဲ့ အမေရိကန်သမ္မတ ဘရက်ခ် အိုဘားမား (Barack Obama) ဟာ ဘေဂျင်းမြို့တော်မှာ တရုတ်သမ္မတ ဟူဂျင်တောင်း (Hu Jintao) တည်ခင်းဧည့်ခံတဲ့ ညစာစားပွဲကို တက်ရောက်ခဲ့ပါတယ်။

ဒီနေ့ အစောပိုင်းတုန်းကတော့ ရှန်ဟိုင်းမြို့မှာ တရုတ်တက္ကသိုလ် ကျောင်းသားတွေနဲ့ တိုက်ရိုက်တွေ့ဆုံပြီး နိုင်ငံရေး၊ ဘာသာရေးလွတ်လပ်ခွင့် စတဲ့ အကြောင်းအရာစုံကို အပြန်အလှန် မေးခွန်းထုတ် ဆွေးနွေးခဲ့ပါတယ်။

မနက်ဖြန် အင်္ဂါနေ့မှာတော့ သမ္မတ အိုဘားမားဟာ တရုတ်ခေါင်းဆောင်တွေနဲ့ တွေ့ဆုံဆွေးနွေးဖို့ရှိပြီး ကုန်သွယ်ရေးအပြင် မြောက်ကိုရီးယားနဲ့ အီရန်အရေး၊ ရာသီဥတု ပြောင်းလဲရေး စတဲ့ ကိစ္စရပ်တွေကိုပါ ဆွေးနွေးကြမယ်လို့ မျှော်လင့်ရပါတယ်။

လူ့အခွင့်အရေး အကြောင်းကိုလည်း မစ္စတာ အိုဘားမားက တိုးတိုးတိတ်တိတ် ပြောလိမ့်မယ်လို့ အိမ်ဖြူတော်က သူ့ရဲ့ အကြံပေးတွေက ပြောပါတယ်။

ရှန်ဟိုင်းမှာ ကျောင်းသားတွေနဲ့ တွေ့ဆုံစဉ်မှာတော့ လူ့အခွင့်အရေးကိစ္စကို သမ္မတ အိုဘားမား ပြောခဲ့ပါတယ်။ နိုင်ငံတခုမှာ ကျင့်သုံးနေတဲ့ စနစ်ကို နောက်နိုင်ငံတခုမှာ အတင်း သွတ်သွင်းတာမျိုး မလုပ်သင့်ဘဲ တနိုင်ငံနဲ့ တနိုင်ငံ အပြန်အလှန် လေးစားသင့်တယ်လို့ ဆိုပါတယ်။

ဒါပေမဲ့ အခြေခံ လူ့အခွင့်အရေးနဲ့ လွတ်လပ်မှုတွေလို့ အမေရိကန် ပြည်သူတွေ လက်ခံထားတဲ့ ကိစ္စတွေကိုတော့ သူ့အနေနဲ့ ထုတ်ဖော်ပြောမှာ ဖြစ်တယ်လို့ ပြောခဲ့ပါတယ်။

ဗွီအိုအေမှ ကူးယူဖော်ပြသည်။

.....................................................................................................................

မဲခေါင်ဒေသဖွံ့ဖြိုးရေး ဂျပန်နိုင်ငံ ဒေါ်လာကုဋေ ၅၅၀ ထောက်ပံ့မည်

07 November 2009

အရှေ့တောင်အာရှ မဲခေါင်ဒေသ အတွက် နောင် ၃ နှစ်အတွင်းမှာ ဒေါ်လာ သန်းပေါင်း ၅,၅၀၀ အကူအညီ ပေးမယ်လို့ ဂျပန်နိုင်ငံ က ကတိက၀တ်ပြုလိုက်ပါတယ်။ 

ထိုင်း၊ ကမ္ဘောဒီးယား၊ ဗီယက်နမ်၊ လာအို နဲ့ မြန်မာခေါင်းဆောင်တွေ နဲ့ မဲခေါင်ဒေသ ထိပ်သီး အစည်းအဝေး မှာ ၀န်ကြီးချုပ် ယူကီအို ဟာတိုယားမား (Yukio Hatoyama) က ခုလို ကြေညာလိုက်တာပါ။ 

မဲခေါင်ဒေသကို အကူအညီပေးရာမှာ ဂျပန် ဟာ အကြီးမားဆုံး အကူအညီပေးတဲ့ နိုင်ငံ ဖြစ်ပါတယ်။  မဲခေါင်ဒေသ ဟာ မိုင်ပေါင်း ၂,၈၀၀ ကျော် ရှည်လျားပြီး၊ စစ်ဒဏ် နဲ့ ပြည်တွင်းရေး မငြိမ်သက်မှု ဒဏ်တွေကို နှစ်ပေါင်းများစွာ ခံစားခဲ့ရတဲ့ဒေသ ဖြစ်ပါတယ်။ 

တရုတ်နိုင်ငံ ကလည်း ဒီဒေသမှာ ရင်းနှီးမြှုပ်နှံမှုကို တိုးမြှင့်ဆောင်ရွက်ခဲ့ပါတယ်။ ဒီလို ဆောင်ရွက်ခဲ့တဲ့ အထဲမှာ လာအို နဲ့ မြန်မာနိုင်ငံမှာ မြှုပ်နှံခဲ့တဲ့ မိုင်း နဲ့ ရာဘာစိုက်ခင်းတွေ လည်း ပါဝင်ပါတယ်။  တရုတ်နိုင်ငံ ရဲ့ သြဇာက ဒီဒေသတွင်းမှာ ကြီးမားလာပေမဲ့လည်း၊ တရုတ် နဲ့ ယှဉ်ပြိုင်နေတာ မဟုတ်ပါဘူး လို့ ဂျပန်နိုင်ငံ ကတော့ ဆိုပါတယ်။ 

ဒီ ၂ ရက်ကြာ ထိပ်သီး အစည်းအဝေးမှာ ကမ္ဘာ့ ရာသီဥတု အပြောင်းအလဲ ကို အဓိကထားပြီး ဆွေးနွေးမှာ ဖြစ်သလို၊ မဲခေါင်ဒေသတွင်း နိုင်ငံတွေကြား ဖြစ်တဲ့ ပဋိပက္ခတွေကိုလည်း ဆွေးနွေးလိမ့်မယ်လို့ မျှော်လင့်ထားကြပါတယ်။ 

ဗွီအိုအေမှ ကူးယူဖော်ပြသည်။

...........................................................................................

၂၁ ရာစု တံတိုင်းတွေ ဖြိုခွင်းဖို့ ဂျာမန်ဝန်ကြီးချုပ် အမေရိကန် လွှတ်တော်မှာ တိုက်တွန်း

04 November 2009

၂၁ ရာစုမှာ အကာအရံသဖွယ် ဖြစ်နေတဲ့ တံတိုင်းတွေကို ဂျာမနီနိုင်ငံနဲ့အတူ အမေရိကန်နိုင်ငံက လက်တွဲပြီး ဖြိုဖျက်ဖို့ ဂျာမနီရဲ့ ဘာလင်တံတိုင်း ဖြိုချနိုင်တဲ့ နှစ် ၂၀ ပြည့် အထိမ်းအမှတ်အဖြစ် မိန့်ခွန်းပြောကြားရာမှာ ဂျာမနီဝန်ကြီးချုပ် အိန်ဂျလာ မာကဲလ် (Angela Merkel) က တောင်းဆိုလိုက်ပါတယ်။

ဝန်ကြီးချုပ် မာကဲလ်ဟာ အင်္ဂါနေ့မှာ အမေရိကန်နိုင်ငံ ၀ါရှင်တန်မြို့တော်က အထက်လွှတ်တော်နဲ့ အောက်လွှတ်တော်နှစ်ရပ် ပူးတွဲ ဆွေးနွေးပွဲမှာ မိန့်ခွန်းပြောကြားခွင့် ရခဲ့ပြီး အခုလို ပြောကြားခဲ့တာ ဖြစ်ပါတယ်။

၁၉၈၉ ခုနှစ် နိုဝင်ဘာ ၉ ရက်နေ့က ဂျာမနီနိုင်ငံရဲ့ အရှေ့နဲ့ အနောက်ကို ပိုင်းခြားထားတဲ့ ဘာလင်တံတိုင်းကြီးကို ဖြိုချနိုင်ခဲ့ပြီး ဂျာမနီနိုင်ငံ သွေးစည်းရေးအတွက် ပါဝင်ဆောင်ရွက်ပေးတဲ့ အမေရိကန် နိုင်ငံသားတွေကို မစ်စ်မာကဲလ်က ကျေးဇူးတင်စကား ပြောကြားခဲ့ပါတယ်။

လက်ရှိ ၂၁ ရာစုနှစ်ရဲ့ တံတိုင်းတွေဖြစ်တဲ့ ကမ္ဘာ့ရာသီဥတု ပြောင်းလဲမှု ပြဿနာ အပါအ၀င် စိန်ခေါ်နေတဲ့ ကမ္ဘာ့အရေးတွေကို လက်တွဲပြီး ဖြေရှင်းကြဖို့လည်း ၀န်ကြီးချုပ် မာကဲလ်က ပန်ကြားခဲ့ပါတယ်။

ဒီလို ဆောင်ရွက်နိုင်အောင် ဒီဇင်ဘာမှာ ကိုပင်ဟေဂင်မှာ ကျင်းပမယ့် ကမ္ဘာ့ရာသီဥတု ညီလာခံမှာ သဘောတူညီမှုရအောင် ကြိုးစားကြဖို့အပြင် အာဖဂန်နစ္စတန်နိုင်ငံရဲ့ လုံခြုံရေးနဲ့ အီရန်နိုင်ငံလက်ထဲ နျူကလီးယားဗုံး မရောက်ရေးတွေကိုပါ ပြောကြားခဲ့ပါတယ်။

ဗွီအိုအေမှ ကူးယူဖော်ပြသည်။

.........................................................................................................

အပူပိုင်းမုန်တိုင်းကြောင့် ဗီယက်နမ်မှာ လူ ၂၀ ကျော် သေဆုံး

03 November 2009

ဗီယက်နမ်နိုင်ငံ ကမ်းခြေကို မရီနေး (Marinae) အပူပိုင်းမုန်တိုင်း ၀င်ရောက်ခဲ့တဲ့အတွက် လူ ၂၀ ကျော် သေဆုံးပြီး သေဆုံးသူ အရေအတွက် မြင့်တက်နေဆဲ ဖြစ်တယ်လို့ ဗီယက်နမ် သဘာဝ ဘေးအန္တရာယ် တုံ့ပြန်ရေး အရာရှိတွေက ပြောပါတယ်။

တောင်အလယ်ပိုင်းဒေသဖြစ်တဲ့ ဖူယန်းပြည်နယ်နဲ့ ဘေးက ဗင်ဒင်းပြည်နယ်မှာ မိုးသည်းထန်စွာ ရွာသွန်းပြီး လူတွေ အများအပြား သေဆုံးခဲ့ရတယ်လို့ အဲဒီအရာရှိတွေက ဆိုပါတယ်။

မုန်တိုင်းက နောက်ပိုင်းမှာ အားပျော့ပြီး အပူပိုင်း လေဖိအားနည်းရပ်ဝန်း အဖြစ်နဲ့ ကမ္ဘောဒီးယား ကုန်းတွင်းပိုင်းကို ရွှေ့လျားသွားပါတယ်။ အဲဒီမှာတော့ သစ်ပင်ပြိုကျပြီး အိမ်ပေါ်ပိမိလို့ အမေနဲ့ သမီး သေဆုံးသွားရပါတယ်။

ဖိလစ်ပိုင်နိုင်ငံ အလယ်ပိုင်းကို တိုင်ဖုန်းမုန်တိုင်းအဖြစ်နဲ့ သောကြာနေ့မှာ ၀င်ရောက်ခဲ့လို့ မုန်တိုင်းဒဏ် အလူးအလဲ ခံခဲ့ရပါတယ်။ အဲဒီမှာတော့ လူ ၂၀ ကျော် သေဆုံးခဲ့ရပါတယ်။ သစ်ပင်တွေ လဲပြို၊ လျှပ်စစ်မီးလိုင်းတွေ ပြတ်တောက်ပြီး လူဇုန်ကျွန်းအနှံ့ ရေလွှမ်းမိုးခဲ့ပါတယ်။

ဗွီအိုအေမှ ကူးယူဖော်ပြသည်။

...........................................................................................

အာဖဂန်မှာ အားလုံးကို ကိုယ်စားပြုမယ့် အစိုးရတရပ် ဖြစ်ရမယ်လို့ သမ္မတသစ် ကတိပြု

03 November 2009

အာဖဂန်နစ္စတန်နိုင်ငံမှာ အသစ်ထပ်မံ ရွေးချယ်ခံရတဲ့ သမ္မတ ဟာမစ် ခါဇိုင်း (Hamid Karzai) က သူ့အစိုးရအဖွဲ့ဟာ အာဖဂန် အသိုင်းအ၀ိုင်း တခုလုံးကို ထင်ဟပ်စေမယ့် အာဖဂန်နစ္စတန်နိုင်ငံရဲ့ မှန်တချပ်ကဲ့သို့သော အစိုးရတရပ် ဖြစ်စေဖို့ ကတိပြုသွားပါတယ်။

ရွေးကောက်ပွဲရဲ့ အောင်နိုင်သူ အစစ်ဟာ လူတဦးတယောက်တည်း မဟုတ်ပါဘူး၊ ရွေးကောက်ပွဲ လုပ်ငန်းစဉ်မှာ ပါဝင်ခဲ့တဲ့ အာဖဂန်နစ္စတန် ပြည်သူတွေ အကုန်ပဲ ဖြစ်ပါတယ်လို့ အင်္ဂါနေ့မှာ ပြောကြားခဲ့တဲ့ အောင်ပွဲခံ မိန့်ခွန်းမှာ သမ္မတ ခါဇိုင်း ပြောသွားပါတယ်။

အာဖဂန် အစိုးရအဖွဲ့မှာတော့ သူ့အဆို စွန်းထင်နေတဲ့ အဂတိ လိုက်စားမှုတွေကို ဖြေဖျောက်သွားမယ်လို့ သူက ကတိပြုခဲ့ပါတယ်။

နိုဝင်ဘာလ ၇ ရက်နေ့မှာ ကျင်းပဖို့ စီစဉ်ထားတဲ့ ရွေးကောက်ပွဲ ဒုတိယအကျော့မှာ မပါဝင်တော့ဘူး ဆိုပြီးတော့ ပြိုင်ဘက် သမ္မတလောင်း နိုင်ငံခြားရေး ၀န်ကြီးဟောင်း အဗ္ဗဒူလာ အဗ္ဗဒူလာ (Abdullah Abdullah) နှုတ်ထွက်သွားပြီး နောက်တရက်မှာပဲ မစ္စတာ ခါဇိုင်းကို အောင်နိုင်သူအဖြစ်နဲ့ အာဖဂန်နစ္စတန်နိုင်ငံရဲ့ လွတ်လပ်တဲ့ ရွေးကောက်ပွဲ ကော်မရှင်က ကြေညာလိုက်တာ ဖြစ်ပါတယ်။

ဗွီအိုအေမှ ကူးယူဖော်ပြသည်။

.........................................................................................................

အဆုတ်အအေးမိရောဂါ တိုက်ဖျက်ရေးနေ့ ပထမဆုံးအကြိမ် သတ်မှတ်

02 November 2009

၂၀၁၅ ခုနှစ် မတိုင်ခင်မှာ ကလေးပေါင်း ၅,၀၀၀,၀၀၀ ကျော်ရဲ့ အသက်တွေကို ကယ်တင်နိုင်မယ့် အစီအစဉ်တခုနဲ့အတူ ကုလသမဂ္ဂနဲ့ ကျန်းမာရေးအဖွဲ့တွေက ဒီနေ့ကို ကမ္ဘာတဝန်း အဆုတ်အအေးမိရောဂါ တိုက်ဖျက်ရေးနေ့အဖြစ် ပထမဆုံး သတ်မှတ် ကျင်းပနေကြပါတယ်။

အဆုတ်အအေးမိ ရောဂါကြောင့် ၅ စက္ကန့်မှာ ကလေးတယောက် သေဆုံးနေရတယ်လို့ ကမ္ဘာ့ကျန်းမာရေးအဖွဲ့နဲ့ ကုလသမဂ္ဂရဲ့ ကလေးသူငယ်များ စောင့်ရှောက်ရေး ရန်ပုံငွေအဖွဲ့ (UNICEF) တို့က ပြောပါတယ်။ ဒီအရေအတွက်ဟာ ဝက်သက်၊ ငှက်ဖျားနဲ့ AIDS ရောဂါသုံးမျိုးပေါင်းကြောင့် သေဆုံးကြတဲ့ ကလေးအရေအတွက်ထက် များတယ်လို့ ဆိုပါတယ်။

အဆုတ်အအေးမိ ရောဂါကြောင့် သေဆုံးကြတဲ့ ကလေးတွေရဲ့ ၉၈% က တောင်အာရှနဲ့ အာဖရိကတိုက် တောင်ပိုင်း နိုင်ငံတွေက ဖြစ်ကြပါတယ်။ ဒီရောဂါဟာ ကြိုတင်ကာကွယ်နိုင်သလို ပျောက်ကင်းအောင် ကုသနိုင်တဲ့ ရောဂါဖြစ်ပေမဲ့လို့ အာရုံစိုက်ခံရမှု တော်တော်လေး နည်းတယ်လို့ ကျွမ်းကျင်သူတွေက ပြောကြပါတယ်။

ကလေးတွေရဲ့ သဘာဝ ကိုယ်ခံအား ကောင်းစေဖို့ အဓိကအချက်က မိခင်နို့ရည် တိုက်ကျွေးတာ ဖြစ်တယ်လို့ ကုလသမဂ္ဂရဲ့ ကျန်းမာရေးဆိုင်ရာ အဆင့်မြင့် အကြံပေး အန်း ဂိုလပ်စ် (Ann Golas) က ပြောပါတယ်။

အဆုတ်အအေးမိရောဂါ တိုက်ဖျက်ရေး အစီအစဉ်တွေမှာ သန့်ရှင်းမှုကို ဂရုစိုက်တာအပြင် ကာကွယ်ဆေးထိုးပြီး လိုအပ်တဲ့ ပဋိဇီဝဆေးတွေ တိုက်ကျွေးကာ ကုသမှုပေးရေးကို အာရုံစိုက် ဆက်လုပ်သွားသင့်တယ်လို့ ကျန်းမာရေးအဖွဲ့တွေက ပြောပါတယ်။

လူတွေ ပိုအသိများ လိုက်နာလာစေဖို့ အခုကစပြီး ၂၀၁၅ ခုနှစ်အထိ လုပ်မယ့် ဒီအစီအစဉ်တွေအတွက် ထောက်ပံ့ငွေ ဒေါ်လာ ၃၉ ဘီလီယံ ရရှိဖို့ကိုလည်း ကမ္ဘာ့ကျန်းမာရေး အဖွဲ့ကြီးနဲ့ UNICEF အဖွဲ့တွေက ကြိုးစားနေပါတယ်။

ဗွီအိုအေမှ ကူးယူဖော်ပြသည်။

...............................................................................................................

ဟာမစ် ခါဇိုင်း အနိုင်ရ၊ ရွေးကောက်ပွဲ ကော်မရှင် ကြေညာ

02 November 2009

အာဖဂန်နစ္စတန်မှာ ဒုတိယအကျော့ သမ္မတ ရွေးကောက်ပွဲကို ဖျက်ခဲ့ပြီးနောက်မှာ ရွေးကောက်ပွဲ အနိုင်ရသူဟာ လက်ရှိသမ္မတ ဟာမစ် ခါဇိုင်း (Harmid Karzai) ဖြစ်တယ်လို့ သီးခြား လွတ်လပ်တဲ့ ရွေးကောက်ပွဲ ကော်မရှင်က ကြေညာလိုက်ပါတယ်။

မစ္စတာ ခါဇိုင်းဟာ နိုဝင်ဘာ ၇ ရက်မှာ လုပ်မယ့် ရွေးကောက်ပွဲမှာ ပြိုင်ဘက်ကင်းသူ ဖြစ်နေပြီး သြဂုတ်လက လုပ်ခဲ့တဲ့ ပထမအကျော့ ရွေးကောက်ပွဲမှာ တုန်းကလည်း သူပဲ အနိုင်ရခဲ့တာမို့ လက်ရှိသမ္မတ တာဝန်ကို မစ္စတာ ခါဇိုင်း ဆက်ပြီး ယူသွားရမယ်လို့ ရွေးကောက်ပွဲ ကော်မရှင် ဥက္ကဋ္ဌက ဒီနေ့မှာ ပြောပါတယ်။

ဒုတိယအကျော့ ရွေးကောက်ပွဲဟာ ပထမတခေါက်ကလိုပဲ ကျယ်ကျယ်ပြန့်ပြန့် မဲလိမ်မှုတွေ ရှိမယ်ဆိုတဲ့ စိုးရိမ်စိတ်ကြောင့် မစ္စတာ ခါဇိုင်းကို အဓိက စိန်ခေါ်ယှဉ်ပြိုင်မယ့် မစ္စတာ အဗ္ဗဒူလာ အဗ္ဗဒူလာ (Mr. Abdullah Abdullah) က ရွေးကောက်ပွဲကနေ နှုတ်ထွက်သွားခဲ့ပါတယ်။

ဒီကိစ္စအပြင် လုံခြုံရေး အခြေအနေ အရရော၊ ငွေကုန်ကြေးကျ သက်သာဖို့ပါ ဒုတိယအကျော့လုပ်မယ့် ရွေးကောက်ပွဲကို ဖျက်သိမ်းဖို့ ဆုံးဖြတ်တယ်လို့ ရွေးကောက်ပွဲ ကော်မရှင် အကြီးအကဲက ပြောပါတယ်။

ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ကလည်း မစ္စတာ ခါဇိုင်း၊ မစ္စတာ အဗ္ဗဒူလာတို့နဲ့ တွေ့ဆုံဖို့ ကဘူးလ်မြို့တော်မှာ ရောက်နေပါတယ်။

ရွေးကောက်ပွဲကို ဖျက်သိမ်းတဲ့ ဆုံးဖြတ်ချက်ကို ကုလသမဂ္ဂ အတွင်းရေးမှူးချုပ်နဲ့ အမေရိကန်သံရုံးတို့က ကြိုဆိုပြီး ပြန်အနိုင်ရသူ သမ္မတ ခါဇိုင်းကို ဂုဏ်ပြုစကား ပြောခဲ့ပါတယ်။

ဗွီအိုအေမှ ကူးယူဖော်ပြသည်။

......................................................................................................................

အာဖဂန်တကျော့ပြန် ရွေးကောက်ပွဲ အက်ဘ်ဒူလာ နုတ်ထွက်ဖွယ်ရှိ

01 November 2009

အခုလာမယ့်သီတင်းပတ်အတွင်း ဒုတိယအကျော့ ကျင်းပဖို့ရှိနေတဲ့ အာဖဂန်နိုင်ငံရွေးကောက်ပွဲ သမာသမတ်ကျမှုနဲ့ ပတ်သက်ပြီး စိုးရိမ်မှုတွေရှိနေတာကြောင့်၊ အတိုက်အခံ သမ္မတလောင်း အက်ဘ်ဒူလာ အက်ဘ်ဒူလာ (Abdullah Abdullah) ဟာ ရွေးကောက်ပွဲ ဒုတိယအကျော့ကို ၀င်ရောက်ယှဉ်ပြိုင်ချင်မှ ယှဉ်ပြိုင်မှာဖြစ်တယ်လို့ သူနဲ့ နီးစပ်တဲ့သူတွေက ပြောပါတယ်။ ဒီအကြောင်းနဲ့ ပတ်သက်ပြီးတော့ ဗွီအိုအေ သတင်းထောက် Sean Maroney အစ္စလမ်မာဘတ်မြို့ကနေ သတင်းပေးပို့ထားတာကို ကိုရန်နိုင်က တင်ပြထားပါတယ်။

အာဖဂန်နိုင်ငံရဲ့ လွတ်လပ်တဲ့ ရွေးကောက်ပွဲကော်မရှင် ဥက္ကဌ အဇီဇူလာ လိုဒင် (Azizullah Lodin) ကို ဖယ်ရှားပေးဖို့ မစ္စတာ အက်ဘ်ဒူလာ က အာဖဂန်သမ္မတ ဟာမစ်ကာဇိုင်း (Hamid Karzai) ကို စနေနေ့အထိအချိန်ပေးထားပါတယ်။ ဒီတောင်းဆိုချက်ဟာ သြဂုတ်လ ၂၀ ရက်နေ့က ကျင်းခဲ့တဲ့ရွေးကောက်ပွဲကို ပြဿနာတွေ ရှုပ်ထွေးစေတဲ့အထိဖြစ်ခဲ့တဲ့ မဲလိမ်မဲခိုးမှုတွေ နောက်တကြိမ် ထပ်မဖြစ်အောင်ဆိုပြီး၊ မစ္စတာ အက်ဘ်ဒူလာ အခုသီတင်းပတ်အတွင်း တောင်းဆိုခဲ့တဲ့အချက်တွေထဲက တခုဖြစ်ပါတယ်။

ဒါပေမယ့် စနေနေ့အထိတော့ သမ္မတ ဟာမစ်ကာဇိုင်းက မစ္စတာ အက်ဘ်ဒူလာရဲ့ တောင်းဆိုချက်တွေကို သဘောတူ လိုက်လျောခြင်း မရှိသေးပါဘူး။

မစ္စတာ အက်ဘ်ဒူလာ ဟာ နိုဝင်ဘာလ ၇ ရက်နေ့မှာ ကျင်းပမယ့်ရွေးကောက်ပွဲ ဒုတိယအကျော့နဲ့ ပတ်သက်ပြီးတော့ ဒီကနေ့ တနင်္ဂနွေနေ့မှာ သတင်းစာရှင်းလင်းပွဲ လုပ်မယ်လို့ ယူဆရပါတယ်။ အရင် နိုင်ငံခြားရေးဝန်ကြီးဟောင်း ဖြစ်တဲ့ အက်ဘ်ဒူလာ အက်ဘ်ဒူလာ ဟာ ရွေးကောက်ပွဲ ဒုတိယအကျော့ကို ၀င်ရောက်အရွေးခံချင်မှ အရွေးခံမယ်လို့ သူနဲ့ နီးစပ်တဲ့ သတင်းတချို့က ပြောတယ်လို့ လည်း သတင်းတွေမှာ ဖော်ပြနေပါတယ်။

မစ္စတာ အက်ဘ်ဒူလာ ဟာ ရွေးကောက်ပွဲကျင်းပဖို့ တပတ်ပဲလိုတော့တဲ့ အချိန်မှာ တရားဝင်နှုတ်ထွက်သွားလို့ မရဘူးလို့ - အာဖဂန်ရွေးကောက်ပွဲ ကော်မရှင် ပြောခွင့်ရပုဂ္ဂိုလ် နူးရ်မိုဟာမတ်နူးရ် (Noor Mohammad Noor) က ဗွီအိုအေကို တရားဝင် အခုလို ပြောပါတယ်။

"ရွေးကောက်ပွဲဥပဒေရဲ့  စည်းမျဉ်းစည်းကမ်းတွေအရ အခုချိန်က အရမ်းကိုနောက်ကျသွားပါပြီ။ ရွေးကောက်ပွဲက နှုတ်ထွက်ဖို့အချိန်က ကျော်သွားပါပြီ၊ အဲဒါကြောင့် သူတို့အနေနဲ့ ဆက်ပြီးတော့ ယှဉ်ပြိုင်သင့်ပါတယ်။"  

အာဖဂန်နိုင်ငံ သုတေသနနဲ့ မူဝါဒလေ့လာရေးဌာနက ညွန်ကြားရေးမှူး ဟာရွန်မားရ် (Haroun Mir) က အခုချိန်ကျမှ ရွေးကောက်ပွဲကို သပိတ်မှောက်လိုက်မယ်ဆိုရင်  တိုင်းပြည်ရဲ့အစိုးရအပေါ်မှာ လူထုရဲ့ အမြင်သဘောထားတွေက အတော်လေးကို သိသိသာသာ ပြောင်းလဲသွားမယ်လို့ ကဘူးလ် မြို့ကနေ အခုလို ပြောပါတယ်။

"တကယ်လို့ ဒေါက်တာ အက်ဘ်ဒူလာ သပိတ်မှောက်လိုက်မယ်ဆိုရင်၊ မဲပေးတဲ့သူ အရေအတွက်လည်း အတော်လေးကို နည်းသွားမှာဖြစ်ပြီး၊ အဲဒီလိုဆိုရင် သမ္မတ ကာဇိုင်း အနိုင်ရတယ်လို့ ကြေညာရမှာဖြစ်ပါတယ်။ ဒါပေမယ့် သူ့ကို တရားဝင် သမ္မတအဖြစ်နဲ့တော့ သတ်မှတ်လို့ရမှာ မဟုတ်ပါဘူး။"

သမ္မတကာဇိုင်းဟာ မစ္စတာ အက်ဘ်ဒူလာ ကိုထောက်ခံတဲ့ အမာခံနယ်မြေတွေ ဖြစ်တဲ့ အာဖဂန်နိုင်ငံ မြောက်ပိုင်း ဒေသတွေမှာ သြဇာလွှမ်းမိုးမှု ရှိဖို့တော့ အတော်လေးကို ခက်ခဲလိမ့်မယ်လို့ ယုံကြည်တယ်လို့ မစ္စတာ မီယာ က ပြောပါတယ်။

မဲရုံတွေကို ထပ်တိုးလိုက်ခြင်းအားဖြင့် ပထမအကျော့တုန်းကထက် မဲလိမ်မှုတွေ ပိုပြီးရှိလာနိုင်တယ်လို့ စိုးရိမ်မှုတွေ ရှိနေတဲ့ကြားကပဲ၊ အာဖဂန်ရွေးကောက်ပွဲ တာဝန်ရှိသူတွေဟာ ဒုတိယအကျော့ ရွေးကောက်ပွဲ အတွက် မဲရုံတွေကို ထပ်တိုးပြီး လုပ်ဆောင်သွားဖို့ စီစဉ်နေကြပါတယ်။

တာလီဘန်တွေကလည်း နိုဝင်ဘာလ ၇ ရက်နေ့မှာ ကျင်းပမယ့် ဒီ ရွေးကောက်ပွဲ ဒုတိယအကျော့ကို တိုက်ခိုက်မှုတွေ အရှိန်အဟုန်မြင့် လုပ်ဆောင်သွားမယ့်လို ကြုံးဝါးပြောဆိုလိုက်ပါတယ်။ ပြီးခဲ့တဲ့ ရက်အနည်းငယ်အတွင်းကတော့  တာလီဘန်သူပုန်တွေက ကဘူးလ်မြို့က တည်းခိုခန်းတခုကို တိုက်ခိုက်ခဲ့တာကြောင့် ကုလသမဂ္ဂ၀န်ထမ်း ၅ ယောက် သေဆုံးခဲ့ပါတယ်။

ဗွီအိုအေမှ ကူးယူဖော်ပြသည်။

................................................................................................................................

ဖိလစ်ပိုင်မုန်တိုင်း ၇ယောက်သေ

31 October 2009

စနေနေ့ အစောပိုင်းက ဖိလစ်ပိုင်နိုင်ငံကို အင်အားပြင်း တိုင်ဖွန်း မုန်တိုင်းတခု ဝင်ရောက် တိုက်ခတ်သွားခဲ့လို့ လူ ၇ယောက် ထက် မနည်း သေဆုံးခဲ့ပါတယ်။ အရင်ဝင်ခဲ့တဲ့ မုန်တိုင်းတွေကြောင့် ရေမကျသေးတဲ့ ဒေသတွေမှာလည်း နောက်ထပ် ရေကြီး မှုတွေ ဖြစ်နေပါတယ်။

မရီနယ် (Mirinae) တိုင်ဖွန်း မုန်တိုင်းအန္တရာယ် လွတ်သွားပြီလို့ ဖိလစ်ပိုင် တာဝန်ရှိသူတွေက ဒီနေ့ စနေနေ့မှာ ကြေညာပါ တယ်။ သေဆုံးပျောက်ဆုံးသူစာရင်း အတိအကျ မသိရသေးပါ။ သောကြာနေ့ သန်းခေါင်ချိန်လောက်မှာ မုန်တိုင်းဟာ နိုင်ငံအရှေ့ပိုင်း Quezon ပြည်နယ်ဘက်ကို ဝင်ရောက် တိုက်ခတ်ပါတယ်။

ဘက်စ် ကားဂိတ်တွေ၊ သင်္ဘောဆိပ်တွေမှာ ထောင်ပေါင်းများစွာသော လူတွေ သောင်တင်နေကြပြီး မနီလာမြို့တော်ကနေ လာမယ့် လေယာဉ်ခရီးစဉ်တွေကို ဖျက်ခဲ့ရပါတယ်။ ရေကြောင်းခရီးစဉ်အားလုံးကိုလည်း ကမ်းရိုးတန်းစောင့်တပ်တွေက တားထားတဲ့အတွက် ဒီရုံးပိတ်ရက်အတွင်း သေဆုံးသူ ဆွေမျိုးတွေကို ဂါရဝပြုကြတဲ့ ပွဲတော်အတွက် နေရပ်ပြန်မယ့် ခရီးသည် သောင်းနဲ့ ချီပြီးတော့လည်း ခရီးမဆက်နိုင်ဘဲ သောင်တင်နေကြပါတယ်။

အမေရိကန်နိုင်ငံရဲ့ စီးပွားရေး တနှစ်ကျော် ကျဆင်းခဲ့ရာက ဇူလိုင်လ၊ သြဂုတ်လနဲ့ စက်တင်ဘာလတို့မှာ ပြန်လည် စတင် တက်လာပါပြီ။ အမေရိကန် ကူးသန်းရောင်းဝယ်ရေးဌာနက ကြာသပတေးနေ့မှာ ထုတ်ပြန်လိုက်တဲ့ အစီရင်ခံစာအရ ဒီနှစ်ရဲ့ တတိယ လေးလပတ်မှာ ၃.၅% တက်လာခဲ့တယ်၊ ကုန်ပစ္စည်းနဲ့ ၀န်ဆောင်မှု လုပ်ငန်းများအရ နိုင်ငံရဲ့ စီးပွားရေးမှာ အတက်ဆုံးအဖြစ် တွေ့ရှိရတာ ဖြစ်တယ်လို့ ဖော်ပြထားပါတယ်။

သမ္မတ ဘရက်ခ် အိုဘားမား (Barack Obama) က အဲဒါက ကြိုဆိုရမယ့် သတင်းကောင်း ဖြစ်တယ်လို့ ဆိုလိုက်ပြီး လျှောက်လှမ်းရမယ့် လမ်းက အဝေးကြီး ကျန်နေသေးကြောင်းလည်း သတိပေး ထောက်ပြသွားပါတယ်။

နိုင်ငံတနိုင်ငံရဲ့ စီးပွားရေး ကောင်းမကောင်းဆိုတာ အဲဒီနိုင်ငံက အလုပ်အကိုင်တွေ ဖန်တီးပေးနိုင်သလား၊ မိသားစုတွေက လစဉ် ပေးဆပ်ရမယ့် အိမ်လခ၊ ရေ၊ မီး စသည်တို့အတွက် အခွန်ပေးဆောင်နိုင်ကြသလား ဆိုတဲ့အပေါ်မှာ မူတည်တယ်၊ ပေးနိုင်မှသာလျှင် စီးပွားရေး တက်တယ်လို့ ဆိုရမှာဖြစ်တယ်လို့ သမ္မတက ပြောဆိုပါတယ်။

အမေရိကန်နိုင်ငံမှာ အလုပ်လက်မဲ့ဦးရေ ဆက်လက် မြင့်မားနေဦးမယ်၊ ရှေ့နှစ်မှာ ၁၀% ကျော်သွားနိုင်တယ်လို့ စီးပွားရေးပညာရှင် များစွာတို့က ခန့်မှန်းထားကြပါတယ်။

ပါကစ္စတန်နိုင်ငံ အနောက်မြောက်ပိုင်း မငြိမ်မသက် ဖြစ်နေတဲ့ ဒေသက ပက်ရ်ှဝါမြို့မှာ အင်အားပြင်း ကားဗုံးတလုံး ပေါက်ကွဲခဲ့ပြီး လူပေါင်း ၁၀၀ ထက်မနည်း သေဆုံးပြီး ၂၀၀ ကျော် ဒဏ်ရာရခဲ့ကြပါတယ်။ ဗုံးဟာ ဗုဒ္ဓဟူးနေ့မှာ လူစည်ကားတဲ့ ဈေးထဲပေါက်ကွဲခဲ့ပြီး ဗလီတခု အပါအ၀င် အဆောက်အဦး တော်တော်များများ ပျက်စီးခဲ့ပါတယ်။

အ၀တ်အထည်တွေ၊ ကလေး ကစားစရာတွေနဲ့ လက်ဝတ်ရတနာတွေ ရောင်းတဲ့ နေရာနားမှာ ပေါက်ကွဲခဲ့တာမို့ ထိခိုက်သေဆုံးသူ အများစုဟာ ကလေးငယ်တွေနဲ့ အမျိုးသမီးတွေ ဖြစ်နေတယ်လို့ မျက်မြင်သက်သေတွေက ပြောပါတယ်။

ကယ်ဆယ်ရေး လုပ်သားတွေဟာ ပြိုပျက်နေတဲ့ ဆိုင်ခန်းတွေထဲ အသက်မသေ ကျန်ရစ်သူတွေကို ရှာဖွေနေကြတဲ့အပြင် လောင်ကျွမ်းနေတဲ့ မီးတွေကိုလည်း ငြှိမ်းသတ်နေရပါတယ်။ ဒီဖောက်ခွဲမှုကို ဘယ်သူလုပ်ဆောင်တယ်ဆိုတာ အခုထိ ထုတ်ဖော် ပြောဆိုခြင်း မရှိသေးပါဘူး။

ပက်ရ်ှဝါမြို့ဟာ ပါကစ္စတန်နိုင်ငံ အနောက်မြောက်ပိုင်း ခရိုင်ထဲက လူဦးရေ အထူထပ်ဆုံး မြို့တမြို့ဖြစ်ပြီး တာလီဘန် လက်နက်ကိုင်တွေနဲ့ ပါကစ္စတန်စစ်တပ် တိုက်ခိုက်မှုတွေ ဖြစ်ပွားနေတဲ့ လူမျိုးစုတွေ နေထိုင်ရာ ဒေသတွေကို သွားရာ အချက်အချာကျတဲ့မြို့ ဖြစ်ပါတယ်။

အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ပါကစ္စတန်မြို့တော် အစ္စလမ်မာဘတ်မြို့ကို ဆိုက်ရောက်ပြီး မကြာခင်မှာပဲ အခုလို ပေါက်ကွဲမှု ဖြစ်ပွားခဲ့တာ ဖြစ်ပါတယ်။

လက်နက်ကိုင် အစွန်းရောက်တွေရဲ့ ဒီလုပ်ဆောင်မှုအတွက် သမ္မတ အိမ်ဖြူတော်က ရှုတ်ချလိုက်တဲ့အပြင် ပါကစ္စတန်နိုင်ငံကို ရောက်နေတဲ့ ၀န်ကြီး ကလင်တန်ကလည်း အခုလို အပြစ်မဲ့ ပြည်သူတွေကို တိုက်ခိုက်မှုဟာ သူရဲဘောနည်းတယ်လို့ ပြောဆိုခဲ့ပါတယ်။

ဝန်ကြီး ကလင်တန်က သူ့ရဲ့ ပါကစ္စတန်ကို လာရောက်တဲ့ ၃ ရက်ကြာ ခရီးကနေ နှစ်နိုင်ငံ ဆက်သွယ်ရေး ခိုင်မာအောင် လုပ်ဆောင်မှာဖြစ်ပြီး လက်နက်ကိုင် အစွန်းရောက်တွေကို တိုက်ခိုက်နေတဲ့ ပါကစ္စတန်ဘက်က အမေရိကန်နိုင်ငံက မားမားမတ်မတ် ရပ်တည်နေတယ်လို့လည်း ပြောကြားခဲ့ပါတယ်။

မြန်မာနိုင်ငံနဲ့ တိဘက်ဒေသတွေမှာ ဒီကနေ့ ဖြစ်နေတဲ့ အခြေအနေတွေကို ရှင်းပြဖို့အတွက် အိန္ဒိယနိုင်ငံက သတင်းထောက်များ အသင်းမှာ သတင်းစာရှင်းလင်းပွဲ လုပ်ခဲ့ကြတဲ့ နိုဘဲလ်ငြိမ်းချမ်းရေးဆုရှင် အမျိုးသမီးများ အဖွဲ့ဝင်တွေကတော့ အမေရိကန်နိုင်ငံက ဂျိုဒီ ၀ီလီယံစ် (Jody Williams) နဲ့ အိုင်ယာလန်နိုင်ငံက မိုင်းရက်ဒ် မဂွိုင်းရား (Maired Maguire) တို့ ဖြစ်ကြပါတယ်။

သူတို့က မြန်မာနိုင်ငံနဲ့ တိဘက်ဒေသတွေမှာ နိုင်ငံရေးအရ လွတ်လပ်မှု မရှိတာတွေ၊ လူ့အခွင့်အရေး ချိုးဖောက်ခံနေရတာတွေကို မီးမောင်းထိုးပြလိုတဲ့အတွက် အခုလို သတင်းစာရှင်းလင်းပွဲ ပြုလုပ် ပြောကြားခဲ့ကြတာပါ။ ဒီ နိုဘဲလ်ငြိမ်းချမ်းရေး ဆုရှင်တွေနဲ့အတူ သတင်းစာ ရှင်းလင်းပွဲကို ပူးတွဲကျင်းပခဲ့တဲ့ မြန်မာနိုင်ငံ အမျိုးသမီးများ အဖွဲ့ချုပ် (WLB) က မသင်းသင်းအောင်က ဒီကနေ့ သတင်းစာရှင်းလင်းပွဲမှာ နိုဘဲလ်ငြိမ်းချမ်းရေးဆုရှင်တွေ ပြောကြားခဲ့တာနဲ့ ပတ်သက်လို့ ဗွီအိုအေကို အခုလို ပြောပြပါတယ်။

“ဒီ Noble Women Initiative က ဦးဆောင်တဲ့လူတွေဖြစ်တဲ့ နိုဘဲလ်ဆုရှင် အမျိုးသမီး ၂ ယောက်က သတင်းစာရှင်းလင်းပွဲ လုပ်တယ်။ မြန်မာနိုင်ငံမှာရှိတဲ့ လူ့အခွင့်အရေး အခြေအနေတွေကလည်း အခုထက်ထိ ဘာမှ ကောင်းမွန်တိုးတက် ပြောင်းလဲလာတာ မရှိသေးဘူး။ အခု အနှစ် ၂၀ ကျော်ရှိပြီ။ နိုင်ငံရေး အကျဉ်းသား ၂,၀၀၀ ကျော်ကလည်း ရှိနေဆဲပဲ ဖြစ်တယ်။ ဒေါ်အောင်ဆန်းစုကြည် ကိုယ်တိုင်လည်း အဖမ်းခံနေရဆဲပဲ ဖြစ်တယ်။

“အဲဒါကြောင့် အခုလာမယ့် ၂၀၁၀ မှာ ရွေးကောက်ပွဲလုပ်မယ်လို့ နအဖက ကြေညာထားတာတော့ ရှိတယ်။ ဒါပေမဲ့ အဲဒီမတိုင်ခင်မှာ နိုင်ငံရေး အကျဉ်းသား အားလုံး၊ ဒေါ်အောင်ဆန်းစုကြည် အပါအ၀င် လွှတ်ပေးဖို့ လိုတယ်။ ပြီးတော့မှ တကယ် တရားမျှတပြီး လွတ်လပ်တဲ့ ရွေးကောက်ပွဲတွေ ဖြစ်ဖို့ဆိုရင် အဲဒီမတိုင်ခင်မှာ အားလုံးကို ပါဝင်ခွင့်ရှိအောင် ပြုပြင်ပြောင်းလဲရမယ်။ ဖွဲ့စည်းပုံ အခြေခံဥပဒေကိုလည်း ပြန်ပြီး Review လုပ်ဖို့ လိုတယ်ပေါ့။ အဲဒါတွေ သူတို့ပြောသွားတယ်။”

ဒါ့အပြင် နိုင်ငံတကာ အသိုင်းအ၀ိုင်း အနေနဲ့လည်း မြန်မာနိုင်ငံမှာ ပြုပြင်ပြောင်းလဲမှုတွေ ဖြစ်ပေါ်ဖို့အတွက် ပါးစပ်က အပြောချည်း မဟုတ်ဘဲ လက်တွေ့ အကောင်အထည် ပေါ်လာအောင် ကူညီလုပ်ဆောင်ဖို့ လိုအပ်တယ် ဆိုတာကိုလည်း နိုဘဲလ်ငြိမ်းချမ်းရေး ဆုရှင်တွေက ထည့်သွင်း ပြောကြားသွားကြပါတယ်။

“နိုင်ငံတကာ အနေနဲ့လည်း ပါးစပ်ကပဲ ပြောနေတာ မဟုတ်ဘဲနဲ့ မြန်မာနိုင်ငံမှာ ဒီမိုကရေစီ ပြုပြင်ပြောင်းလဲမှုတွေ ဖြစ်လာဖို့အတွက်ကို တကယ်တမ်း ထိရောက်စွာ ကူညီဖို့ လိုတယ်။ အခုလောလောဆယ် အမေရိကန်ကနေပြီး ပေါ်လစီတွေ ပြောင်းပြီးတော့ သူတို့ရဲ့ ချဉ်းကပ်မှုတွေကို ပြောင်းတဲ့နေရာမှာလည်း နိုင်ငံတကာ အသိုင်းအ၀ိုင်းရဲ့ ချဉ်းကပ်မှုအရ တကယ်ထိရောက်တဲ့ ပြောင်းလဲမှုကို ဦးတည်သင့်တယ်ပေါ့။ အမေရိကန် အစိုးရရဲ့ ပြောင်းလဲတဲ့ ဥပဒေကလည်း တကယ်တမ်း မြန်မာနိုင်ငံမှာ တိုးတက်တဲ့၊ ကောင်းမွန်တဲ့၊ အပြုသဘောဆောင်တဲ့ အပြောင်းအလဲတွေ မဖြစ်မခြင်းကတော့ နိုင်ငံတကာ အသိုင်းအ၀ိုင်းအနေနဲ့ အရေးယူ ပိတ်ဆို့မှုတွေကို ဆက်ပြီး ထားသင့်တယ်ပေါ့။”

WLB မြန်မာနိုင်ငံ အမျိုးသမီးများ အဖွဲ့ချုပ်ဟာ နိုဘဲလ်ငြိမ်းချမ်းရေးဆုရှင် အမျိုးသမီးများအဖွဲ့နဲ့ ပူးပေါင်း လုပ်ဆောင်နေတဲ့ အဖွဲ့အစည်း ဖြစ်တာကြောင့် အခုလို သတင်းစာရှင်းလင်းပွဲ ပူးတွဲကျင်းပတာ ဖြစ်ပြီး ရှေ့နှစ် ၂၀၁၀ ခုနှစ် ဧပြီလအတွင်းမှာလည်း ၂ ဖွဲ့ပေါင်းပြီး လူ့အခွင့်အရေးတွေ ချိုးဖောက်ခံနေကြရတဲ့ အမျိုးသမီးတွေအတွက် ခုံရုံးဖွဲ့ ကြားနာမှုတွေ ပြုလုပ်သွားဖို့လည်း စီစဉ်ထားတယ်လို့ ဆိုပါတယ်။

နိုဘဲလ်ငြိမ်းချမ်းရေးဆုရှင် အမျိုးသမီးများအဖွဲ့ကို နိုဘဲလ်ငြိမ်းချမ်းရေးဆုရှင် အမျိုးသမီး ၆ ယောက်နဲ့ ဖွဲ့စည်းထားတာ ဖြစ်ပေမဲ့ မြန်မာနိုင်ငံက နိုဘဲလ်ငြိမ်းချမ်းရေးဆုရှင် ဒေါ်အောင်ဆန်းစုကြည်ကိုပါ အဖွဲ့ဝင်အဖြစ် ထည့်သွင်းပြီး ၇ ယောက်အဖွဲ့လို့ သတ်မှတ်ထားတယ်လို့ ဆိုပါတယ်။ ဒေါ်အောင်ဆန်းစုကြည်ဟာ နေအိမ်အကျယ်ချုပ်နဲ့ ဖမ်းဆီးထိန်းသိမ်း ခံထားရတာကြောင့် သူတို့နဲ့အတူ ဒီလှုပ်ရှားမှုတွေမှာ ပါဝင်နိုင်ခြင်း မရှိတာကြောင့် သူတို့အနေနဲ့လည်း ဒေါ်အောင်ဆန်းစုကြည် လွတ်မြောက်ရေးအတွက် တစိုက်မတ်မတ် ကြိုးစား လုပ်ဆောင်နေကြတာပါ။

တိဘက် အဝေးရောက်အစိုးရ တည်ထောင်တဲ့ နှစ် ၅၀ မြောက် အထိမ်းအမှတ်အနေနဲ့ တိဘက်ဘုန်းတော်ကြီး ဒလိုင်း လားမား (Dalai Lama) က ဒီ နိုဘဲလ်ငြိမ်းချမ်းရေးဆုရှင် အမျိုးသမီးများအဖွဲ့ကို ဖိတ်ကြားခဲ့တာကြောင့် သူတို့ အိန္ဒိယနိုင်ငံကို ရောက်ရှိနေကြရာက အခုလို ပူးတွဲ သတင်းစာရှင်းလင်းပွဲ ပြုလုပ်ခဲ့ကြတာ ဖြစ်ပါတယ်။

အာဖဂန်နစ္စတန်နိုင်ငံ ကဘူးလ်မြို့တော်က ကုလသမဂ္ဂ ၀န်ထမ်းတွေ တည်းခိုရာဧည့်ဂေဟာကို ဗုဒ္ဓဟူးနေ့က ရဲယူနီဖောင်း ၀တ်ဆင်ထားတဲ့ တာလီဘန် စစ်သွေးကြွတွေက အသေခံ ဗုံးခွဲ တိုက်ခိုက်ခဲ့တာကြောင့် ကုလသမဂ္ဂ၀န်ထမ်း နိုင်ငံခြားသား ၆ ဦးနဲ့ အာဖဂန် ၃ ဦးတို့ သေဆုံးသွားခဲ့ကြပါတယ်။

စစ်သွေးကြွ ၃ ယောက်ဟာ အဲဒီအိမ်ထဲကို သေနတ်တွေပစ်ခတ် ၀င်ရောက်လာခဲ့ပြီး လုံခြုံရေးတပ်ဖွဲ့တွေနဲ့ တိုက်ခိုက်နေရာက သူတို့ရဲ့ကိုယ်မှာ ချည်နှောင်ထားတဲ့ ဗုံးတွေကို ခွဲပြီး အသေခံ အကြမ်းဖက် တိုက်ခိုက်သွားခဲ့တာ ဖြစ်ပါတယ်။

အခြား ကုလသမဂ္ဂ၀န်ထမ်း ၉ ဦးလည်း ဒဏ်ရာတွေ ရရှိသွားခဲ့ပါတယ်။ သေဆုံးသူ အာဖဂန် ၃ ဦးအနက် ၂ ဦးဟာ လုံခြုံရေး ၀န်ထမ်းတွေဖြစ်ပြီး တဦးကတော့ အရပ်သား ၀န်ထမ်း ဖြစ်ပါတယ်။

ရှေ့လမှာ ပြုလုပ်မယ့် တကျော့ပြန် အာဖဂန်သမ္မတ ရွေးကောက်ပွဲကို နှောင့်ယှက်တဲ့ ပထမခြေလှမ်းတရပ် အနေနဲ့ အခု အသေခံ တိုက်ခိုက်မှုကို လုပ်ခဲ့တာလို့ တာလီဘန်တွေရဲ့ ပြောရေးဆိုခွင့်ရှိသူက ကြေညာသွားပါတယ်။

ဒီတိုက်ခိုက်မှုအတွက် ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon)၊ အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) နဲ့ အိမ်ဖြူတော် ပြောရေးဆိုခွင့်ရှိသူ ရောဘတ် ဂစ်ဘ်စ် (Robert Gibbs) တို့က ပြင်းထန်စွာ ပြစ်တင်ရှုတ်ချသွားပါတယ်။

ဂျပန်နိုင်ငံ တောင်ဘက် ကမ်းလွန်မှာ အင်္ဂါနေ့က ဂျပန်ရေတပ် ဖျက်သင်္ဘောနဲ့ တောင်ကိုရီးယား ကုန်သင်္ဘောတစင်း တိုက်မိခဲ့တဲ့အတွက် ၂ စင်းစလုံး မီးလောင်ခဲ့တဲ့အပြင် ဂျပန်သင်္ဘောပေါ်က သင်္ဘောသား ၃ ဦးပါ ဒဏ်ရာရရှိခဲ့ပါတယ်။

ဂျပန်နိုင်ငံ ကျူရှူး (Kyushu) နဲ့ ဟွန်ရှူး (Honshu) ကျွန်း ၂ ကျွန်းကြားက ကျဉ်းမြောင်းတဲ့ ကန်မွန် (Kanmon) ရေလက်ကြားမှာ ဂျပန်ဖျက်သင်္ဘော ကုရာမ (Kurama) နဲ့ တောင်ကိုရီးယား ကုန်တင်သင်္ဘော ကရီနာ စတား (Carina Star) တို့ မတော်တဆ တိုက်ခိုက်မိခဲ့တယ်လို့ ဂျပန် ကာကွယ်ရေး ၀န်ကြီးဌာနက ပြောကြား ပါတယ်။

တိုက်မိတဲ့အရှိန်ကြောင့် ၂ စင်းစလုံး မီးလောင်ခဲ့ပြီး ဂျပန်သင်္ဘောပေါ်က သင်္ဘောသားတဦး ထိခိုက်ဒဏ်ရာ အနည်းငယ်ရရှိခဲ့ပြီး နောက် ၂ ဦးကတော့ မီးခိုးတွေကို ရှူရှိုက်ခဲ့မိတဲ့အတွက် ဆေးကုသမှု ခံယူနေရပါတယ်။

ကိုရီးယား ကုန်သင်္ဘောပေါ် ပါလာသူ တဦးတယောက်မှ ဒဏ်ရာမရခဲ့ဘူးလို့ အရာရှိတွေက ပြောပါတယ်။

တန်ချိန် ၇,၄၀၀ ရှိတဲ့ ကုန်သင်္ဘော ကရီနာ စတားဟာ တောင်ကိုရီးယားနိုင်ငံ ဘူဆန်းဆိပ်ကမ်းကနေ ဂျပန်နိုင်ငံ အနောက်ပိုင်း အိုဆာကာကို ထွက်လာတာ ဖြစ်ပါတယ်။ သင်္ဘောအမှုထမ်း ၁၆ ဦးထဲမှာ မြန်မာ ၄ ဦး ပါဝင်နေပါတယ်။

ဂျပန်ရေတပ် သင်္ဘောကတော့ သင်္ဘောသား ၃၆၀ ကို တင်ဆောင်ပြီး ကျူရှူးကျွန်းက မိခင်ဆိပ်ကမ်းကို ပြန်လာတာ ဖြစ်ပါတယ်။

အခုလို မတော်တဆတိုက်မှု ဖြစ်ပွားခဲ့ရတဲ့အတွက် ၀မ်းနည်းကြောင်းနဲ့ ဖြစ်ပွားရတဲ့ အကြောင်းရင်းကို ဂျပန်အစိုးရက စုံစမ်းမှာဖြစ်ကြောင်း ဂျပန် ကာကွယ်ရေးဝန်ကြီး တိုးရှိမိ ကိတာဇာဝါ (Toshimi Kitazawa) က ပြောကြားခဲ့ပါတယ်။